好多人問我點樣半年減肥 咁我直接開個post分享啦😉 其實我仲係好肥好多肉 但相對起之前係瘦左dd 我一返黎個陣有join跳舞班同打拳 間唔中會跑步 加上狂返工 都算行行企企 咁樣身型都慢慢開始變緊 另外就係飲食習慣 呢啲要慢慢適應同埋心態都要變 例如食野要少油少鹽 盡量唔好食炸物 唔健康既野盡量少掂 當然有時想食下都OK 唔洗逼自己完全唔食 因為我覺得人生苦短 唔好折磨自己啦！😂 飲野就凍飲少甜少冰 熱飲就直頭唔落糖 如果想再健康啲就慢慢接受走奶 我覺得可以一時飲下少奶 一時走奶 慢慢習慣 然後就係要飲多啲水 水代替茶/紙包飲品 可以唔飲就唔飲 珍奶都少飲 零食方面我會少食薯片 口痕可以用能量棒代替零食(我好鐘意食能量棒😙) 朝早既話我無時間食早餐 通常都係一條香蕉+能量棒+水 然後有時放假就會打綠色果汁飲 (奇異果+香蕉+青瓜) 清下腸胃 同埋而家飲奶都會飲燕麥奶/杏仁奶 低卡既野我都會買黎食/飲 開始唔掂一啲好肥既野 健康既野就越買越多～～～ 呢樣野都係習慣嚟😙心態想健康 自自然就會控制自己 呢啲飲食習慣係幫助我養成易瘦體質 所以點解半年可以咁快就瘦返既原因 而運動就係幫助身型更fit更好睇😊😊 兩樣加埋就事半功倍啦❤️❤️❤️ 希望大家都可以慢慢改變飲食習慣 一齊身體健康 養生❤️ #減肥 #健康飲食