每日一鳩沖 Gau1 Cung1 Everyday 31 Dec 2020 Day 39 除夕了，大家記得保暖！！ 唔覺唔覺都鳩沖咗一個月有多，當初有人問我點解要用「鳩沖」。 回想起三年幾前，去高雄飲咗第一杯精品咖啡，成個體驗好有趣，返到香港就不停搵搵搵，結果去西貢飲珈琲，當日我學識兩樣嘢︰ 1︰冇所謂好唔好咖啡，只有啱唔啱飲，飲落舒唔舒服。 2︰冇「上次嗰杯」或者「相入面呢杯」，永遠只有當下呢杯。 呢兩句說話之後成為我飲琲嘅原則之一，飲琲唔係考試，飲到杯開始嘅咪記住，飲到杯唔開心嘅咪下次再試，冇必要搞到自己飲琲飲到好似考試咁，每一啖都要試出唔到層次口感味道等等。 係飲咗三年之後，我決定自己試下沖，就出現咗「鳩沖」呢三十幾段片。過程入面，我可能有好多嘢鳩嚟，有好多嘢係做錯，又或者撞手神成功過一兩次，就係呢個過程我先發現，呢樣嘢係好有趣，不論係沖定飲，就算飲咗落口，件事都未完結，可能你以為飲完平平無奇，可能下一秒就味覺大爆炸。 不論佢係「珈琲」、「咖啡」、「COFFEE」、「コーヒー」定「可否」，有趣嘅地方就係佢充滿變數同可能性，呢幾年因為珈琲識咗唔少朋友，希望 2021 識多啲琲友，得閒吹水交流下，2021 繼續沖。 Scale︰Acaia Pearl Model S Grinder︰1Zpresso Q2 Kettle︰泰摩 魚 Smart Dripper︰九土 鎏金濾杯 Cup︰Fireking Filter Paper︰MOLA Server︰／ Coffee Beans︰咖啡公義 / 良心 / 黑白 #COFFEE #咖啡 #珈琲 #珈琲好き #每日一鳩沖 #gau1cung1everyday #mentalbreak #九土 #Acaia #泰摩 #Fireking #MOLA #OnyxCoffeeLab #CounterStereotyp #1zpresso #q2 #lifestyle #chill #コーヒー #咖啡公義