今日好早起身，首先同前老細傾完電話，交待左一啲工作上既野，之後好準時出門口返工，第一日返新工，準備上車既時候，收到老闆電話，佢要遲到一個鐘或個半鐘，叫我去食個早餐，坐下先，我話我未上車，我返屋企先，跟著大家都覺得好搞笑，一齊笑🤣

今日第一日返工，超級攰，對今日既數，有啲唔滿意，但老闆話我已經好叻女，同老闆第一次見面，覺得佢非常友善，又可以俾空間自己發揮，覺得非常唔錯。期待之後可以做得更好，加油吧！

今日起身都有啲攰，腳仔又痛，再踩左一日，非常攰，好努力地做，好彩條數都ok，老闆勁滿意，因為俾佢心目中既要求，我做得更加好，佢話希望我每日都可以爆到佣金，我話基本要求，佢話叫我唔洗咁高要求🤣我會努力地做，因為我對自己有要求，當然另外我都想搵多啲錢。希望身體好啲，因為我除左工作會令我攰，仲有身體其他原因都會令我攰，所以我會比一般人更容易攰，希望身體快啲適應新工作，加油喔！

今日我個朋友同我講話我工作上做得好好呀，要繼續努力，咁我諗應該係老闆係我個朋友面前都好滿意下我既表現，今日見到老闆，佢成日都提我，唔好整親呀，要小心啲呀，佢真係幾好的，不過工作上都要自己努力去證明自己既存在價值，唔係任何人都可以輕易取代自己，咁就可以慢慢達到自己既基本要求。首先，人地做到自己都要做到，之後要做得比其他人更好，繼續努力！因為無人正式帶我去做，應該點介紹啲產品，其實我咩都唔知，咩都要靠自己諗，盡力而為，加油吧！我要爆佣金，咁我會更開心🥳

以後生活如何，路係人行出黎，總會有路行，我從來都唔受威脅，想用經濟問題威脅我，就算我好困難，我都唔會受壓逼。