收工勁大雨，大雨到去唔到坐車，唯有去公司附近嘅餐廳食晚餐。店內有塊大黑板，黑板上有special menu，另外餐牌內有好多款美食 special menu 有款有驚喜嘅美食 [ 流心布袋芝士沙律配黑糖山楂洛神汁 $118 ] 份量好多嘅新鮮沙律菜及合桃碎，中間放咗舊圓碌碌嘅流心布袋芝士，切落去即時爆漿，食落有啖啖芝士味，裡面又香又creamy，倒埋個黑糖山楂洛神汁，個汁甜甜酸酸好特別，食落有層次感 另外叫咗款小食，炸到好香嘅 [ 酥炸牛油果 $62 ] 外層炸得酥脆，內裡嘅牛油果食落軟綿綿 叫咗個意粉同 Pizza，兩款都 +$48 轉套餐，有湯又有杯 $32 或以下嘅飲品 跟套餐選擇咗 [ 香濃野菌湯 ] 及 [ 南瓜湯 ] ，濃郁野菌味，仲會飲到野菌碎；而南瓜湯味道甜甜地，飲落好香好滑，兩款湯都好creamy。跟餐兩杯飲品有 [ 蜂蜜檸檬 ] 甜味適中 及 [ 蜂蜜薑 ] 薑味濃郁，暖心潤喉 被吸引嘅就係 [ QB 明太子醬北海道帆立貝意粉 $158 ] 3粒好大粒嘅北海道帆立貝，食落爽口彈牙，意粉掛汁，明太子醬撈意粉真係好正，意粉份量多，意粉食落煙韌，口感更有彈性 即叫即整，熱辣辣香噴噴嘅 [ 龍蝦蛋黃醬菠蘿大蝦 $142 ] 薄脆 Pizza，咬落又香又脆，配料有龍蝦肉份量夠，仲有原隻爽口大蝦，切粒菠蘿，而蛋黃醬味道酸酸甜甜，呢款pizza值得推介 Y Pasta 銅鑼灣駱克道459-461號The L. Square 14樓 #ypasta #ypastahk #銅鑼灣 #銅鑼灣西餐 #銅鑼灣美食 #cafehk #dinner #hkfood #foodblogger #foodie #foodies #hkfoodies #hkfoodieblogger #hkfoodshare #foodporn #instafood #instalike #hkig #hkfoodporn #852hk #foodblog #bloggers #hkbloggers #香港美食 #相機食先 #influenspace #bloggerlife