Joke

Feeds

早餐店型謎語,我也行! 請問甚麼器官會生孩子? . . . . . . . . . A:胃,因為衛(胃)生紙(子) (´・ω・`) #冷笑話 #Joke

不一樣的月全食🌙 朋友:琴晚的月全食,你有冇睇到呀? 我:冇呀,邊度咁有心特登去睇吖,只係睇新聞報導嗰少少咋。你呢?你同男朋友去咗睇? 朋友:睇鬼睇馬咩,冇呀,唔好提添呀,激死我! 我:做咩咁勞氣呀?男朋友唔肯同你睇月全食?話我知啦! 朋友:唉,係咁嘅.... 我上個星期已經同佢講,話5月26號嗰晚想同佢一齊睇月全食,因為我未睇過嘛。我知道佢唔好呢啲天文現象,所以我都抱住問完都係得個桔嘅心理準備。點知佢竟然話好,仲話等佢安排去邊度睇添。佢咁講,我梗係開心到爆啦,所以十萬個期待嗰日快啲嚟。 到琴日我放工,佢揸車嚟接我,話帶我去最神秘冇人知嘅地方睇月全食。我心諗:你真係做足功課,唔係hea我。點知佢係揸車返咗佢屋企樓下囉。你知啦,佢屋企又唔係喺郊區,又唔係有天台,連露台都冇,仲係住低層,望出窗都係對面棟樓,咁睇咩月全食呢! 唉,我就知道佢由始至終都冇諗住同我睇,我唔應該有任何期望。我嗰刻真係好想發皮四,鬧佢一大餐,但係一諗到宜家做咩都係趕唔切睇㗎啦,而佢根本就係一條軟皮蛇,鬧佢都係繼續笑騎騎嘅。我咪死忍住唔出聲,諗住最多上到佢屋企,睇電視報導當睇咗就算。 入到佢屋企,我諗住開燈,點知佢好大聲咁話唔好開,要咁黑先睇到月全食㗎。佢叫我坐喺梳化等一陣,佢入房準備睇月全食嘅工具。我心諗:你仲要扮嘢扮到幾時?你真係當我係無知少女咩都唔知?定你真係想我好似啲港女咁扮無知,等你可以做完呢場爛戲呀?好,我忍你,呢度係你主場。 我喺梳化坐咗3分鐘度,佢終於喺房行出嚟。因為周圍都黑媽媽,我只係隱約見到佢好似換咗衫,手上拎住啲嘢,行緊嚟梳化呢邊。到佢行到我面前企定,我一望,即刻大叫:你痴咗線呀! 佢跟住話:月全食現在正式開始,請細心欣賞。 佢令轉身背住我,然後開咗手上拎住嘅電筒,照住佢個patpat。天啊!佢竟然著咗條鮮黃色嘅底褲囉。係呀,佢淨係著住條底褲,你話佢係咪痴咗線吖?!佢跟住慢慢移動隻手,令電筒光由佢patpat右邊移到左邊,然後佢熄咗電筒。5秒後,佢又開番電筒,今次佢令電筒光由佢patpat左邊照到右邊,到成個patpat都俾光照到。係呀,我又睇到佢成個黃色patpat。 佢跟住話:月全食到此結束,多謝觀看。 我:哈哈哈哈,你男朋友真係好funny呀! 朋友:fun咩ny吖!激死我就真啦!佢之後仲話呢個係百年難得一見,係獨一無二嘅月全食,係我一個先可以觀賞到㗎咋。救命呀!點解我會揀咗傻佬做男朋友㗎?! 我:好喇,唔好激氣喇!你男朋友真係令你睇咗個不一樣嘅月全食喎。佢想氹你開心先咁做咋,你應該慶幸自己搵到個真心錫你嘅男朋友呀!我呀,羨慕你都嚟唔切呀,你仲唔知足?! 朋友:係,我知佢好。不過,呢個“不一樣的月全食”,都係睇完就算,我都只係敢同你一個人講。 我:唔係吖,好嘢梗係要同多啲人分享先啱。你呢個私家月光,應該就冇人想睇,但係個故事就應該吸引到唔少人。好啦,等我開心share出去先~~ ⭐如果喜歡我寫的文字,請讚好👍🏻追蹤❤及分享😊 IG: instagram.com/mgapp.writer FB: m.facebook.com/mgapp.writer #紋鬼阿布豬 #小小作家 #喜歡寫作 #文字創作 #原創寫作 #網誌 #寫作 #創意寫作 #寫文章 #故事 #隨筆 #作家 #豬 #豬仔 #笑話 #爛gag #月全食 #月食 #超級月亮 #男朋友 #女朋友 #拍拖節目 #我愛你 #驚喜 #天文現象 #開心share #港女 #patpat #moon #joke

每逢今日倍思愚🤦🏻‍♀️ 女人:我心情好低落呀! 男人:點解呀? 女人:因為今日係愚人節。 男人:愚人節?!哦!你今日俾人整蠱所以唔開心。 女人:唔係呀!我只係每逢今日就會諗起好多年前嘅愚人節俾人愚弄嘅經歷,所以心情好差。 男人:咁咪即係“每逢今日倍思愚”。你到底點樣俾人整蠱,搞到年年都會諗起呀? 女人:唉…嗰年我讀中二,4月1號愚人節啱啱撞正學校考試期。嗰日上晝考完第一科,中間有1個鐘休息,先到下晝考第二科。 就係休息嗰陣,有2個同學仔突然好急咁走過嚟我面前,好緊張咁話我知:數學科老師同佢哋講,話搵唔到我尋日考數學份試卷唔見咗,唔知去咗邊。老師叫佢哋話我知,要我即刻去搵老師。 我當時聽完真係好驚,驚到差啲喊,心諗:唔見咗份卷,咁咪零分?死得啦!點算呀?!我立即好慌張咁問2個同學仔老師係邊度。 佢哋竟然笑笑口咁同我講:“唔駛去搵老師喇。你嚇到面都青晒,不如去廁所洗個面先啦!其實,你應該記得今日係4月1號㗎嘛。” 愚人節,就係因為愚人節,考試咁緊張,咁重要,都未考晒咁多科,佢哋竟然同我開呢個咁大嘅玩笑,我真係接受唔到。我亦好嬲佢哋點解要揀我嚟整蠱,點解要蝦我愚弄我,枉我當佢哋係朋友。我個心真係穿咗個窿。 男人:原來係童年陰影。又真係好慘,好難忘記嘅!咁我宜家有咩可以幫到你,可以令你開心番? 女人:你真係想幫我?如果你可以俾錢我,上網買之前同你講嗰個手袋,咁我應該可以開心番。 男人:宜家似乎係我俾你整蠱喎。以後每年嘅愚人節,我都會記得俾人呃錢。 ⭐如果喜歡我寫的文字,請讚好👍🏻追蹤❤及分享😊 #紋鬼阿布豬 #小小作家 #喜歡寫作 #文字創作 #原創寫作 #網誌 #寫作 #創意寫作 #寫文章 #故事 #隨筆 #作家 #豬 #笑話 #開玩笑 #愚弄 #愚人節 #愚蠢 #蠢人 #蠢蛋 #取笑 #玩弄 #整蠱 #童年陰影 #唔開心 #呃人 #呃錢 #騙案 #AprilFool #joke

母親節x佛誕x長洲太平清醮 (早上) 女人:今日係咩日子呀? 男人:母親節。 女人:既然你知道,咁你識做啦! 男人:收到!即做!(彈開遠離女人三尺以外) 女人:咩事呀你? 男人:“無”親節嘛,我咪即閃唔親近你囉!祝你“無”親節自己一個快樂! (中午) 女人:今日係咩日子呀? 男人:佛誕。 女人:唔關你事嘅節日,你都會關心㗎咩? 男人:咩唔關我事呀?從今日起就係我嘅節日。 女人:你唔好突然扮佛教徒喎! 男人:非也非也。從今日起,我嘅佛系生活就此誕生,是為“佛誕”也。所以唔好再叫我買嘢俾你,緣份到了,你想要嘅嘢自然會出現。 (下午) 女人:今日係咩日子呀? 男人:長洲太平清醮。 女人:嘩,呢個你都知?勁喎! 男人:梗係啦,人哋往時搶包山,我都有跟住搶㗎! 女人:你搶咩包山呀? 男人:(指指女人心口) 呢2個囉!要唔要宜家搶俾你睇? ⭐如果喜歡我寫的文字,請讚好👍🏻追蹤❤及分享😊 #紋鬼阿布豬 #小小作家 #喜歡寫作 #文字創作 #原創寫作 #網誌 #寫作 #創意寫作 #寫文章 #故事 #隨筆 #作家 #豬 #笑話 #母親節 #媽媽節 #世上只有媽媽好 #慶祝母親節 #母親節禮物 #康乃馨 #送花 #佛誕 #長洲太平清醮 #搶包山 #飄色巡遊 #笑 #搞笑 #節日 #HappyMothersDay #joke

今年是兔卯年🐇🧧 女人:農曆新年喇,舊年係虎年,咁今年係咩年呀? 男人:今年咪係卵年囉! 女人:你講咩呀?!卵年?乜嘢卵年呀?你係咪想提早俾我開年呀! 男人:你睇吓個蛋卷罐先啦,上面咪寫住個「卵」字,咁咪係「卵年」囉! (女人立即望望蛋卷罐) 女人:你個文盲,嗰個係個「卯」字呀!你睇清楚,冇兩點㗎!好心你唔識字就唔好懶醒啦,就咁講今年係兔年咪算囉,又要扮晒識嘢,結果仲衰咗。好啦,咁你自己過你嘅卵年,我就過我嘅兔卯年。 P.S. 祝大家兔年新春大吉,笑口常開,身體健康,心想事成,恭喜恭喜! ⭐如果喜歡我寫的文字,請讚好👍🏻追蹤❤及分享😊 #紋鬼阿布豬 #小小作家 #喜歡寫作 #文字創作 #原創寫作 #網誌 #寫作 #創意寫作 #寫文章 #故事 #隨筆 #作家 #豬 #農曆新年 #大年初一 #年初二 #開年 #送虎迎兔 #兔年 #卯年 #癸卯年 #新年快樂 #恭喜發財 #新春大吉 #笑口常開 #身體健康 #心想事成 #喜喜洋洋 #笑話 #joke

Groups

我只是想搞笑

好吧,我只是想搞笑。

我只是想搞笑

紋鬼阿布豬之創作

紋鬼阿布豬分享創作之小園地 小小作家 喜歡寫作 分享閱讀

紋鬼阿布豬之創作

Profiles

紋鬼阿布豬

1714 Followers

0 Followings

283 feeds

紋鬼阿布豬

火星

193 Followers

0 Followings

217 feeds

火星