收到的驚喜🎁 什麼是驚喜？是又驚又喜嗎？怎樣才算驚喜？是要猜不到的嗎？ 前日我妹收到一個驚喜，就是我媽買了雪糕回家。我妹又驚又喜，我妹驚訝我媽突然買雪糕，我妹喜悅我媽買了她平時最喜歡的食物。我妹更猜不到從來不吃雪糕的阿媽竟然有此舉動。 昨日我媽收到一個驚喜，就是我買了掃把回家。我媽又驚又喜，我媽驚訝我突然買掃把，我媽喜悅我買了她眼前最缺乏的日用品。我媽更猜不到從來不掃地的我竟然有此貢獻。 今日我收到一個驚喜，就是我妹買了《行為》這本書回家。我又驚又喜，我驚訝我妹突然買書，我喜悅我妹買了我今年最想讀的書籍。我更猜不到從來不會看書的阿妹竟然有此心意。 這是我家三母女平凡中的驚喜。的確，驚喜有時不需要是最特別、最浪漫，只需要是最貼心，最明白當時人所需所想，就算自己不喜歡的事也會為對方而做。 ⭐如果喜歡我寫的文字，請讚好👍🏻追蹤❤及分享😊 IG: instagram.com/mgapp.writer FB: m.facebook.com/mgapp.writer #紋鬼阿布豬 #小小作家 #喜歡寫作 #文字創作 #原創寫作 #網誌 #寫作 #創意寫作 #作故仔 #寫文章 #寫文字 #寫故事 #故事 #小故事 #講故事 #作家 #豬 #豬仔 #驚喜 #愛情 #親情 #愛情故事 #浪漫 #又驚又喜 #平凡的美 #平淡是福 #母女之情 #我愛你 #surprise #香港原創

好的開始是成功的一半❤ 新一年已過了1個月，大家過得好嗎？俗語說“好的開始是成功的一半”，你是否有個好的開始呢？新一年的新計劃，你又實行了多少呢？ 這1個月來，我的心情，我的生活，我的計劃，以至我的經歷都有如坐完一輪過山車，有上有落，有高有低，有笑有淚。有平淡無奇，亦有意外驚喜；有按部就班完成每日計劃，亦有偷懶完全脫軌度日；有生病擔憂的時候，亦有好事來臨充滿希望的時刻。不知道這林林總總是否算是一個好的開始呢？ 好的開始不一定是代表一切事情都一帆風順，亦不等於一定心情開朗愉快，更不可能是完全依照計劃中的每一步向前進。有時候，開始時艱難一點，吃力一點，平淡一點，進度落後一點，但只要堅持下去，努力改進，到有一天後來居上，迎來比之前有進步，更上一層樓的時候，那怕原來是一個糟糕的壞開始，都會變成鞭策有功的好開始。 無論如何，2021年是現在進行式。雖然1月已是過去式，但還有往後11個月的將來式，以及這一刻的現在式，都可以供大家好好把握，慢慢享受，漸漸進步。一起努力！齊來加油！ ⭐如果喜歡我寫的文字，請讚好👍🏻追蹤❤及分享😊 IG: instagram.com/mgapp.writer FB: m.facebook.com/mgapp.writer #紋鬼阿布豬#小小作家#喜歡寫作#文字創作#原創寫作#網誌#寫作#創意寫作#寫文章#故事#隨筆#作家#豬#豬仔#2021年#1月#開始#好的開始#成功#進步#計劃#生活#開心#新年#過山車#驚喜#繼續努力#加油#happy#surprise

不一樣的月全食🌙 朋友：琴晚的月全食，你有冇睇到呀？ 我：冇呀，邊度咁有心特登去睇吖，只係睇新聞報導嗰少少咋。你呢？你同男朋友去咗睇？ 朋友：睇鬼睇馬咩，冇呀，唔好提添呀，激死我！ 我：做咩咁勞氣呀？男朋友唔肯同你睇月全食？話我知啦！ 朋友：唉，係咁嘅.... 我上個星期已經同佢講，話5月26號嗰晚想同佢一齊睇月全食，因為我未睇過嘛。我知道佢唔好呢啲天文現象，所以我都抱住問完都係得個桔嘅心理準備。點知佢竟然話好，仲話等佢安排去邊度睇添。佢咁講，我梗係開心到爆啦，所以十萬個期待嗰日快啲嚟。 到琴日我放工，佢揸車嚟接我，話帶我去最神秘冇人知嘅地方睇月全食。我心諗：你真係做足功課，唔係hea我。點知佢係揸車返咗佢屋企樓下囉。你知啦，佢屋企又唔係喺郊區，又唔係有天台，連露台都冇，仲係住低層，望出窗都係對面棟樓，咁睇咩月全食呢！ 唉，我就知道佢由始至終都冇諗住同我睇，我唔應該有任何期望。我嗰刻真係好想發皮四，鬧佢一大餐，但係一諗到宜家做咩都係趕唔切睇㗎啦，而佢根本就係一條軟皮蛇，鬧佢都係繼續笑騎騎嘅。我咪死忍住唔出聲，諗住最多上到佢屋企，睇電視報導當睇咗就算。 入到佢屋企，我諗住開燈，點知佢好大聲咁話唔好開，要咁黑先睇到月全食㗎。佢叫我坐喺梳化等一陣，佢入房準備睇月全食嘅工具。我心諗：你仲要扮嘢扮到幾時？你真係當我係無知少女咩都唔知？定你真係想我好似啲港女咁扮無知，等你可以做完呢場爛戲呀？好，我忍你，呢度係你主場。 我喺梳化坐咗3分鐘度，佢終於喺房行出嚟。因為周圍都黑媽媽，我只係隱約見到佢好似換咗衫，手上拎住啲嘢，行緊嚟梳化呢邊。到佢行到我面前企定，我一望，即刻大叫：你痴咗線呀！ 佢跟住話：月全食現在正式開始，請細心欣賞。 佢令轉身背住我，然後開咗手上拎住嘅電筒，照住佢個patpat。天啊！佢竟然著咗條鮮黃色嘅底褲囉。係呀，佢淨係著住條底褲，你話佢係咪痴咗線吖？！佢跟住慢慢移動隻手，令電筒光由佢patpat右邊移到左邊，然後佢熄咗電筒。5秒後，佢又開番電筒，今次佢令電筒光由佢patpat左邊照到右邊，到成個patpat都俾光照到。係呀，我又睇到佢成個黃色patpat。 佢跟住話：月全食到此結束，多謝觀看。 我：哈哈哈哈，你男朋友真係好funny呀！ 朋友：fun咩ny吖！激死我就真啦！佢之後仲話呢個係百年難得一見，係獨一無二嘅月全食，係我一個先可以觀賞到㗎咋。救命呀！點解我會揀咗傻佬做男朋友㗎？！ 我：好喇，唔好激氣喇！你男朋友真係令你睇咗個不一樣嘅月全食喎。佢想氹你開心先咁做咋，你應該慶幸自己搵到個真心錫你嘅男朋友呀！我呀，羨慕你都嚟唔切呀，你仲唔知足？！ 朋友：係，我知佢好。不過，呢個“不一樣的月全食”，都係睇完就算，我都只係敢同你一個人講。 我：唔係吖，好嘢梗係要同多啲人分享先啱。你呢個私家月光，應該就冇人想睇，但係個故事就應該吸引到唔少人。好啦，等我開心share出去先～～ ⭐如果喜歡我寫的文字，請讚好👍🏻追蹤❤及分享😊 IG: instagram.com/mgapp.writer FB: m.facebook.com/mgapp.writer #紋鬼阿布豬 #小小作家 #喜歡寫作 #文字創作 #原創寫作 #網誌 #寫作 #創意寫作 #寫文章 #故事 #隨筆 #作家 #豬 #豬仔 #笑話 #爛gag #月全食 #月食 #超級月亮 #男朋友 #女朋友 #拍拖節目 #我愛你 #驚喜 #天文現象 #開心share #港女 #patpat #moon #joke

#來點厭4 鯨嚇 #生活 #驚喜 #驚嚇 #日常 #插畫