不一樣的月全食🌙 朋友:琴晚的月全食,你有冇睇到呀? 我:冇呀,邊度咁有心特登去睇吖,只係睇新聞報導嗰少少咋。你呢?你同男朋友去咗睇? 朋友:睇鬼睇馬咩,冇呀,唔好提添呀,激死我! 我:做咩咁勞氣呀?男朋友唔肯同你睇月全食?話我知啦! 朋友:唉,係咁嘅.... 我上個星期已經同佢講,話5月26號嗰晚想同佢一齊睇月全食,因為我未睇過嘛。我知道佢唔好呢啲天文現象,所以我都抱住問完都係得個桔嘅心理準備。點知佢竟然話好,仲話等佢安排去邊度睇添。佢咁講,我梗係開心到爆啦,所以十萬個期待嗰日快啲嚟。 到琴日我放工,佢揸車嚟接我,話帶我去最神秘冇人知嘅地方睇月全食。我心諗:你真係做足功課,唔係hea我。點知佢係揸車返咗佢屋企樓下囉。你知啦,佢屋企又唔係喺郊區,又唔係有天台,連露台都冇,仲係住低層,望出窗都係對面棟樓,咁睇咩月全食呢! 唉,我就知道佢由始至終都冇諗住同我睇,我唔應該有任何期望。我嗰刻真係好想發皮四,鬧佢一大餐,但係一諗到宜家做咩都係趕唔切睇㗎啦,而佢根本就係一條軟皮蛇,鬧佢都係繼續笑騎騎嘅。我咪死忍住唔出聲,諗住最多上到佢屋企,睇電視報導當睇咗就算。 入到佢屋企,我諗住開燈,點知佢好大聲咁話唔好開,要咁黑先睇到月全食㗎。佢叫我坐喺梳化等一陣,佢入房準備睇月全食嘅工具。我心諗:你仲要扮嘢扮到幾時?你真係當我係無知少女咩都唔知?定你真係想我好似啲港女咁扮無知,等你可以做完呢場爛戲呀?好,我忍你,呢度係你主場。 我喺梳化坐咗3分鐘度,佢終於喺房行出嚟。因為周圍都黑媽媽,我只係隱約見到佢好似換咗衫,手上拎住啲嘢,行緊嚟梳化呢邊。到佢行到我面前企定,我一望,即刻大叫:你痴咗線呀! 佢跟住話:月全食現在正式開始,請細心欣賞。 佢令轉身背住我,然後開咗手上拎住嘅電筒,照住佢個patpat。天啊!佢竟然著咗條鮮黃色嘅底褲囉。係呀,佢淨係著住條底褲,你話佢係咪痴咗線吖?!佢跟住慢慢移動隻手,令電筒光由佢patpat右邊移到左邊,然後佢熄咗電筒。5秒後,佢又開番電筒,今次佢令電筒光由佢patpat左邊照到右邊,到成個patpat都俾光照到。係呀,我又睇到佢成個黃色patpat。 佢跟住話:月全食到此結束,多謝觀看。 我:哈哈哈哈,你男朋友真係好funny呀! 朋友:fun咩ny吖!激死我就真啦!佢之後仲話呢個係百年難得一見,係獨一無二嘅月全食,係我一個先可以觀賞到㗎咋。救命呀!點解我會揀咗傻佬做男朋友㗎?! 我:好喇,唔好激氣喇!你男朋友真係令你睇咗個不一樣嘅月全食喎。佢想氹你開心先咁做咋,你應該慶幸自己搵到個真心錫你嘅男朋友呀!我呀,羨慕你都嚟唔切呀,你仲唔知足?! 朋友:係,我知佢好。不過,呢個“不一樣的月全食”,都係睇完就算,我都只係敢同你一個人講。 我:唔係吖,好嘢梗係要同多啲人分享先啱。你呢個私家月光,應該就冇人想睇,但係個故事就應該吸引到唔少人。好啦,等我開心share出去先~~ ⭐如果喜歡我寫的文字,請讚好👍🏻追蹤❤及分享😊 IG: instagram.com/mgapp.writer FB: m.facebook.com/mgapp.writer #紋鬼阿布豬 #小小作家 #喜歡寫作 #文字創作 #原創寫作 #網誌 #寫作 #創意寫作 #寫文章 #故事 #隨筆 #作家 #豬 #豬仔 #笑話 #爛gag #月全食 #月食 #超級月亮 #男朋友 #女朋友 #拍拖節目 #我愛你 #驚喜 #天文現象 #開心share #港女 #patpat #moon #joke

Related Feeds

新一年另一目標 又說新年目標,太悶吧!但是如果我說的是今年的旅行目標,大家會不會覺得還行呢?! 話說我都不是一個對旅行有什麼目標的人,我不會早早就訂下今年要去幾多個旅行呀,然後什麼時候去什麼地方旅行,也不是那種會經常留意幾時有平價特價機票就買的人。但幸運地,我姐在今年第一個月,就給了我一個旅行目標,更是一個旅行計劃呢。 登登登登,這個旅行計劃就是7月我會跟我姐2個人去大阪旅行,一共6日5夜。其實,一切都是由我姐想去旅行開始,然後她發現國泰航空網頁提供大量用飛行里數換取的機票可選擇。她日以繼夜捕捉靚機票,就是早機去晚機返,結果她成功了,用了5萬里數加稅項1600港幣換了2張關西來回機票。有了機票,我就負責找酒店,幸好也順利預訂好。 好吧,我現在開始找大阪旅行的資料,並安排行程,因為我姐是不會理會的,她全放心交由我打點一切。其實,行程安排不難,因為我們兩姊妹只着重購物,然後吃點美食,簡簡單單,輕輕鬆鬆就行。 購物方面不用特別安排,反而美食方面我就會用心多一點。由於去年11月去福岡旅行時,我們有一些想吃的東西最後沒有吃到,所以我希望這次大阪之旅可以補回。如果肚子叻叻,可以一天吃6餐就好了,那就不怕吃不完想吃的美食。只可惜,我跟我姐都不是大胃王,只可盡力吧。 嘻嘻,有個好消息,男人剛告訴我今年11月可以跟我去旅行,看來我又有一個新的旅行目標呢! ⭐️如果喜歡我寫的文字,請讚好👍🏻追蹤❤️及分享😊 #紋鬼阿布豬 #小小作家 #喜歡寫作 #原創寫作 #網誌 #寫作 #寫文章 #故事 #隨筆 #作家 #豬 #新年 #新年計劃 #2025年 #2025年計劃 #2025年目標 #新年目標 #旅行 #旅遊 #旅行目標 #旅行計劃 #機票 #酒店 #國泰航空 #飛行里數 #日本旅行 #購物之旅 #美食之旅 #大阪 #Osaka

吹水好地方 前個星期日我跟2個知己好友聚會,去了一間餐廳吃吃東西,聊聊天,覺得不錯,所以就想介紹一下。 我會說,如果想找一個地方舒舒服服地坐下來,吃點好味的東西,又可以與知己良朋傾過天昏地暗,尤其是女人一個墟說八卦東西,我會推薦位於將軍澳坑口東港城商場裡,一家名叫“滿山•台北”的餐廳。 “滿山•台北”,一看這個店名就知道是一家台灣菜的餐廳,什麼紅燒牛肉麵、鹽酥雞肉燥飯、芋圓仙草等一般台灣美食都可以吃得到。食物的味道不錯,連我朋友的老公是台灣人,之前吃過餐廳的食物也覺得真的帶點台灣風味,而食物的價錢適中不算貴。那天我們3個女人吃了3個早餐、午餐,就是一個主食加一杯飲料,一共大約$300。 既然我說到餐廳是一個吹水聊天的好地方,我當然要說說原因吧。話說我跟2個朋友正煩惱找什麼地方聚頭的時候,其中一個朋友就提議去“滿山•台北”,因為餐廳沒有什麼限時用餐時間,而且她試過跟友人下午2點進店,然後一直到下午6點才離開,期間竟然沒有店員趨趕她們走呢。 而這次我們3人是約早上11點吃brunch早午餐,我是最先到達餐廳,時間是10點55分。對了,餐廳是沒有預約的,也不是現場取籌,而是真的要站在門口排隊等候。店員會詢問人數,然後再按店內的人流安排座位。幸好,我是排第三,只等了5分鐘就有位,而且餐廳沒有要求人齊方可入座。我就一個人先入座,等朋友的到來。 最後,我們3人由11點15分開始點餐,慢慢地吃東西,再一直聊天聊天,不知不覺就已經到下午2點半,足足4個小時有多。到那個時候才有一個店員走過來,非常客氣地詢問我們還會點餐嗎,如果不用的話,就請我們方便一下結帳離席,因為她們要準備招待下午茶的客人。其實,當時外頭沒有人等位,如果我們再點一個下午茶餐,我們就可以再坐下去。只是我們都覺得吃夠了,也坐了很久,真的要走動一下,所以我們就離開餐廳了。 我的介紹就這樣吧!如果大家有興趣的話,不妨挑戰一下在“滿山•台北”可以吹水吹多久吧! ⭐️如果喜歡我寫的文字,請讚好👍🏻追蹤❤️及分享😊 #紋鬼阿布豬 #小小作家 #喜歡寫作 #原創寫作 #網誌 #寫作 #寫文章 #故事 #隨筆 #作家 #豬 #吹水 #吹水好去處 #吹水好地方 #香港美食 #香港餐廳 #香港餐廳推介 #食好西 #無限時 #台灣菜 #台灣食物 #西貢區 #將軍澳 #將軍澳區餐廳 #坑口 #東港城 #餐廳推介 #三個女人一個墟 #用餐時間 #滿山台北

貓咪嘔嘔🤮 女人:頭先喵喵嘔呀,唔知係咪因為食嘢食得急呢? 男人:唔係呀,頭先我睇住喵喵食嘢,佢食得仲慢過平時。 女人:係呀,咁點解會嘔呢?唔理喇,等我呵番喵喵先。 (女人抱起喵喵,放入懷中左搓右揉,突然...) 女人:嘩!喵喵,你d指甲咁快又咁尖嘅。你睇,真係尖到嘔呀! 男人:謎底已經解開了,喵喵頭先之所以嘔,原來係因為指甲尖。你好勁呀!你破奇案仲快過金田一呢! 女人:係呀,我用刀斬啲講嘢九唔搭八嘅人仲快過黑社會添。你要唔要試吓? ⭐如果喜歡我寫的文字,請讚好👍🏻追蹤❤及分享😊 IG: instagram.com/mgapp.writer FB: m.facebook.com/mgapp.writer #紋鬼阿布豬 #小小作家 #喜歡寫作 #文字創作 #原創寫作 #網誌 #寫作 #創意寫作 #寫文章 #故事 #笑話 #作家 #豬 #男人 #女人 #貓咪 #愛情 #拍拖 #喵喵 #喵咪 #謎底已經解開 #金田一 #偵探 #黑社會 #尖到嘔 #九唔搭八 #cat #cute #meow #香港原創

紋鬼阿布豬之創作

紋鬼阿布豬分享創作之小園地 小小作家 喜歡寫作 分享閱讀

紋鬼阿布豬之創作

小笨蛋

10 Followers

0 Followings

120 feeds

小笨蛋

紋鬼阿布豬

2014 Followers

0 Followings

466 feeds

紋鬼阿布豬

China

Hong Kong

New Territories

Sai Kung District

Sai Kung District

Tseung Kwan O