其實香港有好多素食cafe，早幾日同fd試咗呢間位於深水埗既素年。以晚巿嚟講價錢合理，味道都唔差，比較驚喜係杯飲品，以火龍果，香蕉同燕麥奶攪埋一齊，味道令人喜出望外。 #素食 #素年 #greenmonday
Feeds
素食版既麻婆豆腐，好易整，奶奶我最討厭掂生肉，所以今次用咗新豬肉 ! #素食 #新豬肉 #素菜 #vegan #奶奶好煮意 #greenmonday
.~Good Good~ 呢間係朋友帶我去食，試咗一次就深深愛上咗佢 (掙扎咗好耐介唔介紹，因為依家book位都唔容易😳)。其實佢係素食嚟，但啲野整得好精緻😍，睇得出好有心機，唔怪得成日full booking。 Good Good 飯 ($1️⃣0️⃣8️⃣) 呢個係招牌飯，好多人嚟都會叫🤣，入面有牛油果🥑，蛋🥚，杏鮑菇，每種食材都食得出食物既鮮味同原味。佢仲配咗炸過既金菇，口感好特別，仲有橙色既好似蟹籽既物體(🤣食唔出咩嚟，但幾好食)。雖然望落簡簡單單，但味道一啲都唔簡單。 野菜天婦羅定食($1️⃣0️⃣8️⃣) 呢個係我哋既最愛😍😍😍，佢有蓮藕，溏心蛋🥚，南瓜，茄子🍆仲有羽衣甘藍! 炸得香脆不在話下，佢既羽衣甘藍真係不得了👻，MVP嚟，估唔到變咗天婦羅咁好食，冇平時咁硬咁難入口，真係估佢唔到咁好食🤣，我哋2個一致表示會為咗佢再去! 血橙乳酪蛋糕($5️⃣8️⃣) 呢個我又係一試好中意，但好可惜當日我哋去已經係最後一日供應😩。佢個餅底超好食，脆得嚟同蛋糕好夾。而個蛋糕有陣陣乳酪香味，唔會過酸，因為佢有cream中和返，而d cream 食落都好輕盈，唔會漏，希望佢之後會再供應返😭，真係好好食呀。 味道👍：10/10 價錢💰：09/10 環境🍽：08/10 (🤣好期待下次坐2樓) #goodgood #vegetarian #vegen #greenmonday #素食 #foodloversdiary #西營盤 #西營盤美食 #nearD好西
~Ovocafe~ 今次同大家介紹既呢間素食cafe係未爆發第3波疫情之前去㗎～ 個環境超靚，樓底好高，真係好Green ! 日式咖喱雜菜薄餅餐（$8️⃣2️⃣） 呢個餐包咗湯同埋沙律，我同朋友覺得個湯偏酸，唔太啱我哋口味。至於個沙律有啲水果喺入面😍，幾清新下。 至於個pizza，依家諗起都好回味，因為佢放咗好多芝士❤️。不過佢日式咖喱味唔重，同埋面頭既菜唔係好夾個pizza🥴。就算係咁，我都好中意個pizza，因為佢個餅底好好食，夠薄夠脆，仲要超多芝士👻，諗返起都好回味。 是日蛋糕🍰（+$1️⃣8️⃣） 個藍莓芝士蛋糕有啲甜，同埋餅底太淋，唔係消化餅底，個人唔太推薦。 伯爵茶忌廉汁意大利飯配檸檬素大蝦（$8️⃣2️⃣） 朋友呢咗呢個餐，我試咗一啖，估唔到又幾ok喎。佢個素蝦都幾似真既，不過冇真既彈牙，但都好正。 另外個飯真係有伯爵茶味👻，一啲都唔怪，飯軟硬適中，幾有驚喜。 味道👍：08/10 價錢💰：08/10 環境🍽：10/10 (好中意個環境!) #ovo #ovocafe #ovogarden #greenmonday #foodloversdiary #灣仔美食 #灣仔
其實好貴, 8蚊一塊午餐肉..... 不過真係好好食，個味超似😍 #素食 #vegan #素菜 #neard好西 #greenmonday #greencommon #奶奶好推薦 #新餐肉
Good Good 食評 (上集) 上星期奶奶終於去咗食Good Good ！ 真係好好食呀，我們一人叫咗一個飯 share嚟食，有招牌good good 飯 同豆腐漢堡扒飯。 個good good飯好多料，全部都係我中意食既野！佢啲玉子整得滑，最中意佢啲金菇，炸過嚟，口感有啲似瑤柱，意想不到咁好食！ 個豆腐扒飯醬汁一流，同豆腐好夾。因為係用豆腐做，所以佢唔會好實，鬆鬆地咁，撈飯好正！ 睇佢ig話以後冇good good 飯，真係好唔捨得！😭 呢次係人生第一次食，亦係最後一次食good good飯了...... #奶奶好推薦 #素食餐廳 #vegan #素食 #goodgood #neard好西 #食評 #西營盤 #greenmonday #西營盤美食
Good Good 食評 (下集) 我哋唔係淨係叫咗2個飯，仲叫咗3款甜品！🙈 個蛋糕個底好好食，cream打得好滑，因為係熱帶水果蛋糕，酸酸甜甜咁，好好食。 個芝士蛋糕都好正，佢加咗菠蘿同黑胡椒，食落辣辣地，但原來好夾！最中意佢啲菠蘿蓉，整得好好食！ 最後個雪糕我只係試咗雪糕球，冇試啲麻薯。佢係用豆奶整既雪糕，超濃郁豆奶味，又係好好既甜品！ 佢真係款款甜品都好正，雖然佢會定期轉，但下次去又可以試口味，諗起都開心！ #奶奶好推薦 #素食餐廳 #vegan #素食 #goodgood #neard好西 #食評 #西營盤 #greenmonday #西營盤美食 #甜品
個樣有啲唔係好開胃🙈 ，所以我最後買咗河粉食 #素食 #vegan #neard好西 #greenmonday #greencommon #新豬肉
冬至快樂呀大家~ #greenmonday #冬至 #冬至快樂
7-Eleven與Green Monday合作 逾700分店引入多款素食產品 近年唔少人都食素，7-Eleven即日起同Green Monday合作，喺全港超過700間分店引入逾30款新素食產品，包括即食便當、點心同健康零食等，仲可以用外賣平台Deliveroo落單，兼賺取3倍yuu積分㖭！ 7-Eleven香港及澳門常務董事劉家昌（Alex）話，出外用膳未必咁易搵到素食，7-Eleven店舖網絡廣，正好符合顧客嘅需要，等大家隨時可以買到素食產品。當中包括獨家發售嘅兩款OmniEat新膳食系列產品黑椒新肉絲意粉、芝麻燒汁新肉絲米綫；仲有兩款與Green Common同步發售嘅點心，新豬肉燒賣同新豬肉鮮蔬水晶餃。 skypost.ulifestyle.com.hk/column/article/2885854/7-Eleven與Green Monday合作 逾700分店引入多款素食產品 #素食 #vegan #greenmonday #食素 #新豬肉 #OmniEat
Groups
宜家食緊乜🍔
素人素食
奶奶我中意食下素，大家一齊嚟分享下素食啦!
Profiles
廚神
11 Followers
3 Followings
83 feeds
:background_color(white)/https://avatar-storage.neard.com/5f2644a4b5806d52bd819f4d9c85f32a.20190416092202.1555406522.2517.png)
Winnie Ma
4 Followers
0 Followings
51 feeds
:background_color(white)/https://avatar-storage.neard.com/profile.1189.1636724586116.png)
food_loversdiary
177 Followers
3 Followings
228 feeds
:background_color(white)/https://avatar-storage.neard.com/profile.2942.1636741632813.png)
鬆弛大熊
26 Followers
14 Followings
341 feeds
:background_color(white)/https://avatar-storage.neard.com/profile_avatar_illustration-04.png){kind=avatar}
Eating All Day
40 Followers
177 Followings
411 feeds
:background_color(white)/https://avatar-storage.neard.com/65b82e30d6e303c317b7728426d4a6a7.20200716010856.1594861736.0006.jpeg)
林鄭月台
1 Followers
0 Followings
138 feeds
:background_color(white)/https://avatar-storage.neard.com/cfed5831589a9dc5f188c6ed1bd76959.jpg)
奶奶
19 Followers
2 Followings
222 feeds
:background_color(white)/https://avatar-storage.neard.com/profile.7759.1636789694523.png)
Gelmine
7 Followers
0 Followings
52 feeds
:background_color(white)/https://avatar-storage.neard.com/profile.14926.1636861083963.png)
My friend
0 Followers
0 Followings
2 feeds
:background_color(white)/https://avatar-storage.neard.com/profile_avatar_illustration-02.png){kind=avatar}