foodloversdiary

尖沙咀

化妝

nearD好西

kkyymakeup

美妝

上環美食

放假做咩好

護膚品

尖沙咀美食

CNY

Feeds

~ Good Good~ 今次已經係第二次介紹Good Good😌,YY就試咗幾次,KK係第一次去,當日我哋兩個係食下午茶,所以只係叫咗兩個甜品。 Tiramisu ($6️⃣8️⃣) YY就比較鍾意呢款,果然真係冇令我失望🥰。佢啲cream好滑,食落去咖啡味好濃郁,比例啱啱好,食完都唔會覺得濟。 法式榛子泡芙($8️⃣8️⃣) KK鍾意呢款多啲,佢話食落去好似金莎🤣,佢嘅榛子醬打得好滑,甜而不漏。個泡芙都整得幾脆,幾好食不過價錢有啲小貴🤣,cp值嚟講,Tiramisu 會比較高,因為比較驚艷到我。 佢會定期轉甜品🥰,希望下次去可以試其他新款同大家分享~ 味道👍 :09/10 CP值💰:7.5/10 環境🍽 :09/10 #goodgood #goodgoodgrocery #親子 #nearD好西 #西營盤 #西營盤美食 #foodloversdiary #素食

~MISOUP~ 呢排kk終於有得同朋友岀去食tea啦❤️今次我地揀左一間新開嘅小店黎試❤️又估唔到真係幾抵、幾好食喎❤️如果大家去開上環在真係可以去試下 魚太郎+粟米湯($4️⃣8️⃣) 呢個真心有驚喜啊❤️佢嘅吞拿魚蓉真心好新鮮💕食落魚味都幾濃同幾鮮甜💕配埋蕃茄、青瓜同生菜,食落真係好清爽、好特別👍🏻👍🏻如果你係鍾意吞拿魚嘅一定要試下佢 佢嘅粟米湯都好特別🙈佢嘅粟米湯飲落都幾香甜👍🏻但佢特別嘅地方係佢係凍㗎👍🏻所以真心好得意 蟹兵衛+粟米湯($4️⃣8️⃣) 呢個係kk嘅pick 黎㗎❤️佢呢個包嘅重點係有松葉蟹膏醬同蟹柳啊🥳🥳佢啲蟹膏醬同蟹柳食落好鮮甜👍🏻👍🏻加埋啲蔬菜💕真心都好fresh💕同好好食👍🏻如果終於蟹膏一定要pick 佢啊 #misoup #刺身包 #刺身 #foodloversdiary #上環 #上環美食 #nearD好西 #分享生活點滴

~阿元來了~ 台南擔仔麵($3️⃣6️⃣) 佢份量唔多,食完個肚仲有位食其他嘢😌。湯底偏清,不過佢啲肉燥都幾夠味,瘦肉偏多,夾埋啲面一齊食又幾好味,麵軟硬度都適中,細細一碗又唔貴,細食既朋友可能食一碗已經飽。 玉米肉鬆蛋餅($3️⃣5️⃣ ) 呢個蛋餅我真係好鍾意食😍,佢個皮好煙韌,入面啲餡料好夠。佢啲肉鬆唔似我哋平時食肉鬆,應該係台灣當地嘅肉鬆,同蛋餅真係好夾🥰。另外佢面頭有啲醬😙,辣辣地,依家諗返起都好想食。 另外嗰兩樣我就冇食到喇,不過朋友大讚話好好食😋,下次去一定要試吓。 味道👍 :8.5/10 CP值💰:09/10 環境🍽 :07/10 (環境幾有氣氛,不過坐得幾迫) #阿元來了 #阿元來了觀塘 #neard好西 #觀塘 #觀塘美食 #foodloversdiary

~ Just’er Bar & Restaurant ~ 今次最重要係想試鰻魚蛋包飯🤣,成日見到啲相都好吸引咁。 MK鰻魚蛋包飯 ($1️⃣1️⃣8️⃣) 雖然唔知點解叫MK,但味道都唔錯。佢份量都幾多下,鰻魚好彈牙。佢唔係炒飯底,不過佢啲飯煮得好好食😋,啱啱好而且又有飯香。同埋佢啲蛋整得好滑,仲有蛋汁,撈埋啲飯到一齊食啱啱好。 焗多汁豬仔骨配薯條($1️⃣2️⃣8️⃣) 一上到黎,即刻心諗食唔食得晒呀咁大舊😆。 極度肥美又有肉汁,佢焗得啱啱好,有少少燶邊位,食落去更加惹味。佢薯條都好好食🥺,本身已經有調味,好脆好香口,好掛住佢啲薯條呀! 忘了愛($4️⃣8️⃣) 呢杯純粹係因為個名好特別,所以忍唔住叫一杯試吓。開頭有啲驚中伏,因為唔知咩嚟,但係飲落又幾好飲喎😳!味道有啲似波子汽水,唔錯。 厚玉子燒($5️⃣8️⃣) 佢一共有五件,每件都好大件。佢係即刻整俾你🤤,新鮮熱辣食玉子燒真係好正,佢甜甜哋,都幾實淨同飽肚。 味道👍 :08/10 CP值💰:08/10 環境🍽 :07/10 #justerbarandrestaurant #山林道 #foodloversdiary #neard好西 #尖沙咀 #尖沙咀美食 #放假做咩好

~芳華絕代~(❗️半伏❗️) 一人套餐($1️⃣3️⃣8️⃣ ) 呢個套餐包左一杯飲品、一個小食拼盤同埋一個主食。 個小食拼盤都唔錯,一共有四款小食,味道正正常常,而個蝦餅略嫌有啲薄,雞卷個味怪怪地,唔太啱我口味🥴,整體不過不失啦。 飲品叫咗菠蘿汁, 呢個大伏💩,好難飲,我都唔知自己飲緊啲乜嘢,千祈唔好叫。 主食就揀咗泰式鮮蝦炒金邊粉😽,份量好足夠,都幾多料,雖然啲蝦都係冰鮮蝦,冇咩味,不過啲粉炒得幾好食,唔食蝦都冇咩所謂。 馬沙文咖喱雞肉($7️⃣0️⃣) 呢個我媽咪食得好激氣🤣,佢應該係用咗雞胸肉,用雞胸肉唔係問題,但佢整得好好鞋,鞋到一個點🙄,極度唔建議大家order🙅🏻‍♀️,我哋兩個最後都係食唔晒。 泰式時蔬(套餐+$2️⃣8️⃣) 味道正正常常,其實都幾好食。不過我理解唔到佢點解會用一個碗去裝啲菜🤣,感覺好奇怪。 整體來講,我覺得呢度真係只適合打卡,同樣價錢嘅泰國菜選擇有好多🙈,應該都唔會再有下次。 味道👍 :4.5/10 (咖喱扣好多分) CP值💰:3.5/10 (呢個質素唔值呢個價) 環境🍽 :8.5/10 (環境幾好) #芳華絕代 #fongwaaparlour #旺角 #旺角伏食 #放假做咩好 #foodloversdiary #neard好西 #neard伏食

《化妝好物推薦》 charlotte tilbury眼影 #goldengoddess 對於kk黎講化妝化得最耐嘅地方一定係眼影🤣🤣🤣🤣因為眼影呢個部分比較多變同好玩❤️所以kk眼影嘅數量其實都多下🤣今日就先同大家推薦下一個比較貴嘅四色眼影先,就係Charlotte tilbury 嘅golden goddess 呢個係kk好鍾意嘅一盤🙈首先佢珠光眼影嘅粉質真心好細緻同好滑💕💕閃片雖然偏乾但佢夠閃同夠搶眼🙈加上佢嘅閃真係好細緻好靚👍🏻👍🏻用係眼皮中間會有一種畫龍點睛嘅效果👍🏻超級靚👍🏻👍🏻而佢嘅顏色又係大地色系🙈出錯嘅機會唔大🙈化日常妝又得🙈化濃妝都得 如果想入手一盤Charlotte tilbury 嘅四色眼影,真係要試下呢個 性價比✴:7/10 推薦度❇:8/10 想睇多啲kk同yy嘅makeup 同skincare share㩒呢個tag 就得啦 👉🏻 #kkyymakeup #charlottetilbury #charlottetilbury眼影 #charlottetilburyeyeshadow #foodloversdiary #化妝

~Asiri~ 其實呢間好耐之前食過,不過今次再食我覺得比上次好食🤣,款式都多咗。 雞髀湯咖喱($1️⃣1️⃣8️⃣) 套餐配咗一杯飲品、湯、沙律同埋主食。 個雞湯我就唔推薦啦,係唔好飲嘅味精湯😅,不過個沙律都OK,同平時食嘅薯仔沙律差唔多味。 個雞髀湯咖喱好多料,佢個雞髀煮到好淋,入口即溶,不過味道比較淡。而佢其他配料就好新鮮😍,啲蔬菜勁鮮甜,不過個西蘭花🥦炸得耐咗少少,所以比較油。 蝦湯咖喱($1️⃣3️⃣8️⃣) 之前嚟嗰陣時係冇蝦湯咖喱,所以今次特登試吓。 比起雞髀,我覺得蝦湯㗎呢個湯底更加鮮甜,可能係因為加咗蝦嘅緣故🥰。除咗個湯有蝦之外,另外仲配左蝦天婦羅🍤,感覺超滿足,如果要我二揀一,我會推薦蝦湯咖喱多啲。 味道👍 :8.5/10 CP值💰:08/10 環境🍽 :8.5/10 (環境幾好) #asiri #湯咖喱 #咖喱 #asiricafehokkaido #asiricafe #nearD好西 #foodloversdiary #鰂魚涌 #鰂魚涌美食 #放假做咩好

~ White Hse. 白房子~ 難得放五日長假期,kk就梗係要周圍玩周圍食㗎啦🙈今次kk就同朋友去試左呢間係銅鑼灣嘅樓上cafe❤️佢嘅環境同食物質素都真係幾ok㗎 龍蝦先生遊花園($2️⃣8️⃣9️⃣) 呢個係kk嘅係今餐入面最鍾意嘅意粉👍🏻因為佢嘅味道真心幾好食同嘅入味👍🏻首先佢用嘅材料都真心幾足夠,淨係龍蝦佢都有半隻比你❤️再加上佢上面鋪左一層都幾用心去整嘅網狀薄蛋👍🏻淨係睇賣相都已經好吸引😊但佢最吸引嘅地方係佢嘅味道🙈佢呢碟嘅意粉煮得比較軟身,所以會比較入味🙈佢嘅龍蝦汁真心好夠濃同好creamy,配住啲意粉食真心又香又濃👍🏻但又唔會膩👍🏻好啱kk嘅胃口 夠薑葱爆你($1️⃣0️⃣7️⃣) 呢個意粉其實都好岀色㗎🙈佢用嘅係爆香左嘅薑葱黎炒,所以整體食落好香👍🏻加上佢嘅意粉係煮得偏硬果種,所以食落香得黎又有咬口🙈不過由於佢係用薑葱黎炒,食落會比龍蝦先生遊花園油膩少少,如果油少啲kk會更加愛佢 White Hse. Cookie Cup ($6️⃣9️⃣) 呢個都真心幾特別👍🏻因為佢可以一次滿足你兩個願望💕既有得飲牛奶又可以食香甜嘅cookie👍🏻尤其係佢個cookie杯,真心食落好香燕麥味㗎,配埋牛奶都真心好夾 蝶豆花綠茶 ($4️⃣5️⃣) 呢個飲品首先顏值已經贏曬先啦🙈但佢嘅味道一啲都唔會輸💕佢嘅綠茶超級香茉莉花嘅味道,配埋甜甜嘅蝶豆花,整體夾得黎又飲到茶嘅香味,真心幾正 #whitehse #白房子 #cookiecup #樓上cafe #文青cafe #銅鐲灣 #銅鑼灣美食 #foodloversdiary #放假做咩好 #nearD好西

《護膚好物推薦》 #lancome全方位防禦抗曬清爽乳霜 呢枝防曬算係kk係唔點化妝嘅情況下用得比較多嘅一枝🙈因為佢對於kk嘅膚質黎講係夏天用會比較夾 因為對比kk最愛anessa 防曬,佢嘅清爽度真係好好多👍上面之後又唔會有任何黏笠嘅感覺,真係無咩負擔感🙈🙈🙈所以如果你想係上粉底之前用佢其實都可以㗎 但係佢呢枝嘅缺點係佢嘅防曬能力其實唔係好高,用左都有機會曬黑🤣所以個人建議室內用佢會好啲,室外就可以試下用Anessa 性價比✴:7/10 推薦度❇:7/10 想睇多啲kk同yy嘅makeup 同skincare share㩒呢個tag 就得啦 👉🏻#kkyymakeup #lancome #lancome防曬 #lancomeaquagel #蘭蔻 #蘭蔻防曬 #foodloversdiary #儀式感

一講起要食米線,kk嘅首選一定係譚仔三哥🙈🙈因為kk真係好鍾意食佢嘅辣米線💕💕今次三哥新岀左一款水煮湯鴨血米線❤️❤️愛吃鴨血同米線嘅kk 就梗係要去試下啦👍🏻👍🏻真心好吸引 水煮湯鴨血米線+雞肉 呢個米線係kk今次食咗之後一定要推薦比大家啊👍🏻因為真心好好食啊❤️❤️而成個米線最令人驚喜嘅一定係佢個湯底👍🏻👍🏻因為佢今次嘅湯底並唔係平時食開果種,而係一個足足用咗十五種香料同醬料去煮,再加埋花椒、八角同鮮辣椒嘅水煮湯👍🏻所以佢個湯底食落真心夠曬香同夠曬辣👍🏻 而另一個令kk好滿足嘅係佢入面用濃湯同胡椒煨扣嘅鴨血👍🏻因為呢個鴨血食落真心幾新鮮幾嫩滑,又唔會帶有腥味👍🏻配埋水煮湯同嫩滑嘅雞肉❤️整體真心好正好惹味🙈💕好啱kk嘅胃口❤️簡直係果種會令kk一口入魂嘅美食啊❤️👍🏻大家如果去開三哥一定要去試啊,仲可以轉唔同湯底❤️ 土匪雞翼 呢個係kk每次去三哥都會叫嘅小食🤣因為佢真心好香口同好重孜然味👍🏻👍🏻👍🏻係食落超級惹味果種美食🤣但佢雖然佢整到好香口,但佢又唔會話整到啲雞翼好乾,啲肉質食落都仲好嫩滑㗎👍🏻kk每次去都忍唔住要叫佢黎食 今次三哥嘅水煮湯鴨血米線,大家有機會一定要去試👍🏻👍🏻真係抵得黎又幾好食㗎❤️kk都諗緊要唔要再去食多次 #譚仔三哥 #三哥水煮湯鴨血米線 #水煮 #鴨血 #香港美食 #hkfoodie #foodiehk #foodloversdiary #nearD好西 #本地遊

香港地圖 ※必食必玩必買※ 😎

兩位90後女仔 : KK🐱& YY🐑 Open🍚LV3 平時鐘意食野同去旅行✈️ 🇭🇰🇨🇳🇹🇼🇰🇷🇯🇵🇬🇧🇹🇭🇦🇺🇮🇹🇵🇱🇵🇪 同大家分享各國美食😍 ig: food_loversdiary

香港地圖 ※必食必玩必買※ 😎

food_loversdiary

歡迎大家follow nearD and ig: food_loversdiary

177 Followers

3 Followings

220 feeds

food_loversdiary