今日放假可以享受一下生活，同朋友去銅鑼灣飲茶。呢到環境舒適寧靜，仲可以睇到窗外美景，呢間私房菜整嘅手工點心好精緻，好吸引 享受生活 嘆番杯［ 菊花茶 ］聞落淡淡清香，濃濃嘅菊花味 開胃前菜小食［ 泡椒豬手 $88 ］泡椒豬手，鍾意佢嘅味道酸酸辣辣，仲有泡椒嘅少少辣度，咬落豬手爽口彈牙 被外型吸引住，好可愛嘅［ 刺蝟叉燒包 $88 ］用兩粒芝麻造成刺蝟眼睛，包上嘅刺有少少拮，軟熟嘅包裡面包住秘製嘅叉燒餡，煎香嘅包底，咬落外脆內軟，味道一流 另一樣吸晴嘅點心係［ 黑豚肉咸水角 $88 ］外型係好可愛嘅豬仔，豬咀豬耳豬尾好得意，咬落外脆內軟，煙煙韌韌，用咗黑豚肉做餡料，味道濃厚鹹香 除咗可愛點心外，叫咗碟［ 脆皮燒腩仔炒飯 $148 ］炒得好有鑊氣，熱辣辣好大碟，配料十足有脆皮燒腩仔、蛋、蔥花、菜，食落香脆可口，有鹹香味嘅燒腩仔，食落豐富有層次感 飯後甜品就叫咗好特別嘅［ 金箔芝麻卷 $78 ］用金箔點綴，更顯尊貴，軟綿綿嘅棉花糖配芝麻卷，香濃嘅芝麻味，薄薄嘅芝麻糕皮捲成芝麻卷，口感細滑有層次分明，味道適中啱啱好 最後就係是日神秘點心［ 大良炸鮮奶 $26/件x2 ］新鮮炸起熱辣辣，口感酥脆，奶心柔滑，奶味濃 呢到嘅服務同美食都好正，下次要帶屋企人嚟 睿私房菜 銅鑼灣耀華街38號Zing! 28及29樓 IG @chillprivatecuisine #chillprivatecuisine #睿私房菜 #私房菜 #精緻手工點心 #手工點心 #嘆茶 #飲茶 #享受生活 #銅鑼灣 #銅鑼灣美食 #Zing #耀華街 #hkfood #foodblogger #foodie #foodies #hkfoodies #hkfoodieblogger #hkfoodshare #happyhappy #bloggers #hkbloggers #香港美食 #相機食先 #influenspace #bloggerlife