#香香食好西 營養學角度，on diet更應該吸取好油，對心血管健康同降壞膽固醇都有幫助💁🏻‍♀️ 但外食一族都幾難搵到好油，出面用嘅油好多時都含大量反式脂肪，好在坊間都多咗唔少有營食肆，例如呢間主打 #牛油果 菜式嘅avobar🥑 ⚜️ 🥗Avo Cobb Salad ($148) 薄片牛油果成花狀擺放於中心，四周環繞蕃茄、鮮蝦、水波蛋、煙肉、芝士、粟米等多種食材，底層舖有羅馬生菜，有齊纖維、crab、protein，營養豐富。 牛油果估計來自墨西哥，特性係油份重，口感更creamy，飽足感更高，無草青味，較適合大眾口味； Bacon煎得卜卜脆，減低油膩感； 蕃茄仔同生菜爽甜有水份，食得出係新鮮食材； Salad主要靠cheese同bacon嘅鹹香天然提味，感覺更健康。 🍔Avo Bun Beef ($158) 餐廳所有burger嘅麵包都以原個牛油果取替，上下夾住不同配料。 我揀呢款係由牛肉切絲混合蕃茄salsa而成，牛肉同酸甜味十分相配，更輕盈醒胃； 旁邊嘅芹菜根沙律好爽脆，加咗沙律醬調味更易入口。 整頓午餐最值得加分係完膳後既滿足而又無落唔到嗝嘅飽滯感，感覺對比其他外食對腸胃負擔無咁大👍🏻👍🏻 #食在尖沙咀 #k11musea #Avobar #Avocado