同朋友收工想放鬆下心情食下好嘢，去到銅鑼灣百德新街近海旁附近，有室內坐位，仲有露天位，夜晚坐出露天位真係夠曬寫意 我同朋友睇完餐牌，就點咗一個小食、兩份主菜及一份甜品 碟面舖滿濃濃炭燒嘅芝士 [ 炭燒蜜糖泡菜芝士椰菜花 $98 ] 未食前以為會好漏，點之入口真係估你唔到咁正，芝士勁多仲可以拉絲添，完全唔覺得食緊椰菜花；最正係醬汁嘅味道，蜜糖泡菜撈埋沙律醬 [ 美國招牌封門柳 $228 ] 封門柳濃郁牛味，五成熟嘅封門柳粉粉嫩嫩，口感鮮嫩；伴碟配有炸金菇、四色椒，田園沙律，配上自家調製嘅特式蒜蓉醬 呢道菜式好特別 [ 避風塘原隻軟殼蟹炒意粉 $228 ] 用咗原隻避風塘軟殼蟹配意粉，軟殼蟹炸到外脆內軟，肉質鮮嫩多膏，用咗炒避風塘嘅方法炒意粉，意粉口感煙韌，加入伴碟上嘅辣椒皮、籽一齊食，口感辣得惹味 飯後甜品，要食番個 [ 飛天遁地香蕉船 $88 ] 香蕉船一定要有香蕉，仲有隻小碟上配有爆炸糖 (夠哂特別)，上面唧有朱古力醬，配埋雲呢拿、士多啤梨及芒果 三大球雪糕，水果有士多啤梨及藍莓；凍冰冰嘅雪糕配埋爆炸糖，入口有“爆炸”嘅感覺夠哂特別 餐廳除咗有得食 Burger，仲有90分鐘無限任食青口，有3款口味：經典白酒忌廉、龍蝦酒及喇沙，下次要同朋友嚟試下 MOO MOO Plus (Fashion Walk) 銅鑼灣百德新街59-65號海濱大廈地下C&D號舖 #MOOMOOPlus #FashionWalk #cwb #銅鑼灣 #銅鑼灣美食 #酒吧 #百德新街 #Burger #青口 #封門柳 #香蕉船 #hkfood #foodblogger #foodie #foodies #hkfoodies #hkfoodieblogger #hkfoodshare #happyhappy #bloggers #hkbloggers #香港美食 #相機食先 #influenspace #bloggerlife