觀塘除咗塞車外，仲有台式料理店 [壹.01] 終於同朋友食到芋泥肉鬆脆皮蛋餅 [ 邪惡蛋之戀 $49 ] 滿滿軟綿綿嘅芋泥，混合肉鬆一齊食係最夾，加埋蛋及餅皮，食落有層次感 晚餐時間朋友叫咗份 [ 壹.01芒果魯肉飯 $58 ] (少飯 + 走蔥) 好多粒芒果勁吸引呀，芒果魯肉飯呢個配搭超正；香甜芒果，魯肉肥瘦均勻，醬汁份量夠，全部撈埋一齊食就最正 我就叫咗份 [ 蜜汁紫菜排骨飯 $60 ] 蜜汁醃得入味，厚肉又大件嘅酥炸排骨真係超酥脆，咬一口已經即刻要贊，雖然要等約10分鐘，但係值得等嘅👍🏻真係食落有驚喜，紫菜+酸菜撈飯真係正到暈，仲一啲都唔油膩 (叫咗少飯都好多飯，大家記得衡量自己食唔食得哂啲飯) 除咗食物，當然要叫埋飲品先夠 Perfect，呢杯 [ 全手作芋頭鮮奶 $24 ] 已經係中杯 size，滿滿軟綿綿嘅芋泥係底層，撈埋奶味香濃嘅鮮奶一齊飲，味道唔甜，飲之前記得要攪拌一下。另一杯就係 [ 雙檸冬瓜茶 (大) $21 ] 叫咗少甜、少冰，味道酸酸甜甜，味道清新解渴 食到唔夠喉，要叫多一份 [ 台北夜市小食拼盤 $36 ] 有齊哂台灣腸、花枝丸 及 鹽酥雞 份量係每樣一啲，台灣腸煎得香腸，味道甜甜地好Juicy；花枝丸入口爽口彈牙 (好想食多幾粒)；鹽酥雞炸得酥脆可口 壹.01 觀塘駿業街56號中海日升中心2樓D號舖 #壹01 #壹01台式料理 #台式料理 #台灣菜 #觀塘 #觀塘美食 #觀塘黃店 #觀塘工廈 #香港美食 #觀塘好去處 #餐廳 #芋頭控 #後生仔 #文青 #健康 #蛋餅控 #hkfood #foodblogger #foodies #hkfoodies #hkfoodieblogger #hkfoodshare #foodporn #instafood #instalike #hkig #hkfoodporn #852hk #foodblog #hkbloggers