觀塘工業區有呢間店舖裝修環境頗大又舒適嘅 Cafe，食物質素高，仲有勁大嘅露天area 可以帶毛孩一同去，但呢幾日落雨，所以就要坐室內。同友人先睇餐牌後再點餐 賣相好吸引嘅 [ 辣茄汁大蝦扁意粉 $138 ] 頂部放咗兩大隻大蝦，咬落爽口彈牙，醬汁就用咗秘製辣茄汁，有啲辣，不過越食越惹味，意粉掛汁，食落煙韌，又香又好味 嘩，真係勁大隻，有成吋幾厚嘅 [ 加拿大黑毛豬胺伴焦糖蘋果 $218 ] 肉質咬落軟腍嫩滑，外層勁香脆，煎得唔會乾，點埋個醬汁食，令味道更突出，好味到同行友人連汁都撈埋；配埋爽口酸甜嘅焦糖蘋果，份量好多嘅焗甜薯，仲有其他配菜，包括：蘆筍、球型紅蘿蔔、翠玉瓜、小蘑菇、粟米仔 晚餐跟飲品，強烈推薦呢杯 [ 熱情果梳打 $48 ] 好特別呀，有半個熱情果，可以刮埋啲果肉食，熱情果 + 梳打，味道甜甜，好好飲。另一杯係 [ 草莓乳酪燕麥奶搖 $58 ] 味道唔太甜，啖啖香甜草莓味，加入燕麥及乳酪，味道又香又好飲 食晚餐當然唔少得叫甜品，最後上埋份甜品係 [ 朱古力梳乎厘 $138 ] 梳乎厘口感鬆軟挺身，香滑忌廉，配埋心形士多啤梨乳酪脆脆，而朱古力醬用咗 72% 濃厚朱古力製作成醬汁，味道唔甜 Lagom Kaffe 觀塘偉業街180號Two Harbour Square1樓 #Lagom #LagomKaffe #lagomcafe #觀塘美食 #觀塘 #Cafe #觀塘cafe #官塘cafe #樂感 #梳乎厘 #黑毛豬胺 #hkfood #foodblogger #foodie #foodies #hkfoodies #hkfoodieblogger #hkfoodshare #foodporn #instafood #instalike #hkig #hkfoodporn #852hk #foodblog #bloggers #hkbloggers #香港美食 #相機食先 #influenspace #bloggerlife