立春之汗牛春動🐮 是日立春，我祝大家汗牛春動！大家心裡一定充滿疑問：什麼呀？汗牛春動是什麼意思？從未聽過這樣的祝福詞語呢！不用心急，等我跟大家一一說明。 立春是農曆二十四個氣節的第一個氣節，代表漫長而寒冷的冬天已經過去，溫暖而生氣勃勃的春天已經來臨，新的一年就由今天正式開始。大家所屬的生肖年亦是以立春這一天為起始點，所以鼠年已過去，今天是牛年開始的第一天了。 牛年的代表當然是牛。一說起牛，令人想起的景象應該離不開是一隻隻體魄強健，力大無比，每天辛勤地，默默耕耘地協助農夫耕種的牛牛。這個景象令我聯想起一個成語，“汗牛充棟”，這是我兒時觀看教育電視節目而第一次聽到而接觸到的成語。那個電視節目的內容是講述人們沒有清楚明白某個成語的真正意思，就斷章取義地胡亂使用成語，從而引起不少誤會及笑話連篇。 今天，我就藉著立春新年之始的明目，大膽地借用“汗牛充棟”的同音字，創作了一個全新的新年賀詞“汗牛春動”，意思就是： 汗水是要流的，一分耕耘，一分收穫； 牛一般地努力頁獻，為自己及他人工作； 春夏秋冬一整年都如春心蕩漾般喜悅； 動起來吧！向著自己的目標理想前進吧！ 所以，牛年大家一起“汗牛春動”吧！ ⭐如果喜歡我寫的文字，請讚好👍🏻追蹤❤及分享😊 IG: instagram.com/mgapp.writer FB: m.facebook.com/mgapp.writer #紋鬼阿布豬#小小作家#喜歡寫作#文字創作#原創寫作#網誌#寫作#創意寫作#寫文章#故事#隨筆#作家#豬#豬仔#2021年#牛年#農曆新年#立春#廿四氣節#春天#鼠年#成語#新年賀詞#生肖#運程#屬牛#十二生肖#牛年運程#春心蕩漾#愛情

neard.com/feeds/139724

2021牛年到🐮🧧 改編歌詞(原曲：財神到) 牛年到 牛年到 新春已經到 疫情下 政府話 喺家中最好 牛年到 牛年到 好想見吓面 只可以Zoom一下 當見到了 抗疫喺家裡 安靜慶賀 齊唱這歌歡笑 響遍全地 又祝願今年 抗疫提升 新冠快快走了 阿彌吉帝 願香港安好 各業上揚 人人有工開呀 事業成就 最緊要嗰句 康健無憂 衷心祝福祝你 喜氣洋洋 (財神到 財神到 好心得好報 財神話 財神話 搵錢依正路 財神到 財神到 好走快兩步 得到佢睇起你 你有前途 闔府慶新歲 喜氣盈盈 齊賀你多福蔭 壯健強勁 又祝你今年 慶獲榮昇 朝晚多多歡笑 錦繡前程 願夫婦恩愛 體貼入微 成日有吉星照 百事無忌 共親友相見 說話投機 充滿新春喜氣 歡暢揚眉) 紋鬼阿布豬恭祝大家： 新年快樂！ 身體健康！ 心想事成！ ⭐如果喜歡我寫的文字，請讚好👍🏻追蹤❤及分享😊 IG: instagram.com/mgapp.writer FB: m.facebook.com/mgapp.writer #紋鬼阿布豬#小小作家#喜歡寫作#文字創作#原創寫作#網誌#寫作#創意寫作#寫文章#故事#作詞#作家#豬#豬仔#2021年#牛年#農曆新年#金牛#新年快樂#恭喜發財#恭賀新禧#賀年歌#年初一#喜氣洋洋#財神到#新冠肺炎#社交距離#在家抗疫#身體健康#zoom

neard.com/feeds/141347

食屎啦你💩 男女朋友吵架時，難免會口出狂言，互相對駡。過後冷靜下來，大家都會為自己口不擇言而傷害了對方，感到後悔不已，一方面想“補鑊”，但又不想先低頭道歉。今天，我就想跟大家分享一個吵架後和好如初的好方法，就是將之前傷害了對方的說話，轉換成一個笑話，哄哄對方發笑，那麼就可以一笑置之，重修舊好了。 以下是一個真實例子： 男人又跟女人因為芝麻綠豆小事而吵架，一輪口舌之爭後...... 男人：我都費事同你講，食屎啦你！ 女人：你好嘢！我唔會再理你。 (女人氣沖沖走入睡房，留下男人一個在客廳。) 不到半小時，男人後悔了，而且男人開始覺得肚餓，想女人弄美味的晚餐吃。男人知道必須想辦法令女人消氣，否則必定自作自受。男人想來想去，終於想到一個妙計。 男人站在睡房門前，用手機傳送了一個圖片短訊給女人。一分鐘後，女人真的打開睡房門。女人望著男人“餓鬼”的樣子，就笑了。男人與女人就這樣和解了。 女人為何真的可以一笑解怒氣？因為男人傳送的圖片正正就是這張貓屎相片，並寫下： “頭先我話食屎啦你，其實係想話食好嘢啦你。唔信你睇吓，手機個相機程式都認出嚿貓屎係美食呀！所以呢，唔該你快啲整屎俾我食啦，我就餓死喇！” ⭐如果喜歡我寫的文字，請讚好👍🏻追蹤❤及分享😊 IG: instagram.com/mgapp.writer FB: m.facebook.com/mgapp.writer #紋鬼阿布豬#小小作家#喜歡寫作#文字創作#原創寫作#網誌#寫作#創意寫作#寫文章#故事#隨筆#作家#豬#豬仔#男朋友#女朋友#嗌交#吵架#拍拖#情人#食屎啦#屎屎#貓屎#喵喵#貓咪#貓#美食#笑話#笑#晚餐

neard.com/feeds/143893

復活節食復活蛋蛋🥚 （在客廳中。。。） 女人：你知道今日係咩日子嗎？ 男人：咪復活節假期最後一日囉。 女人：正確！所以今日我好想食蛋蛋，把握最後機會！就宜家啦，好嗎？ 男人：（好驚訝）吓！蛋蛋？你之前都冇話過食㗎，你真係想食？（女人點頭回應）嗱，係你自己話食㗎，我冇迫你㗎。 （男人的嘴角微微上揚，他暗暗自喜，心想今次發達了。） 女人：嚟啦，快啲入房啦！我準備好㗎喇。 （男人跟著女人進入睡房後。。。） 女人：你喺床邊坐低，然後合埋眼。跟住我會搞掂好，你享受就得㗎喇。記得唔准開眼呀，我之後叫你開先開，唔係我繼續落去㗎。 男人：（照女人的話做，閉上眼後，笑淫淫）知道，知道。嚟啦！ （睡房內隨即寧靜片刻。時間一秒一秒地過去，半分鐘後，男人仍然沒有感到一點動靜，就非常心急但又不敢張開眼睛，害怕因此失去難得一次享受的機會。半分鐘又過去了，終於。。。） 女人：你可以打開眼喇。 （男人張開雙眼） 女人：登、登、登、登。。。復活蛋蛋出場喇！ （男人只見女人雙手捧著兩隻蛋，就是小朋友愛吃的朱古力蛋零食。 男人：（好無奈）呢個就係你想食嘅蛋蛋。 女人：係呀，應吓節嘛，亦係遲來的復活節禮物。快啲嚟啦，一齊食復活節蛋蛋。 ⭐如果喜歡我寫的文字，請讚好👍🏻追蹤❤及分享😊 IG: instagram.com/mgapp.writer FB: m.facebook.com/mgapp.writer #紋鬼阿布豬 #小小作家 #喜歡寫作 #文字創作 #原創寫作 #網誌 #寫作 #創意寫作 #寫文章 #故事 #隨筆 #作家 #豬 #豬仔 #復活節 #復活蛋 #蛋蛋 #男人 #女人 #拍拖 #笑話 #食蛋蛋 #復活節假期 #復活節快樂 #禮物 #朱古力 #朱古力蛋 #享受 #enjoy #Easter

neard.com/feeds/149830

五一勞動節🎈 五一勞動節放假 可以開心去玩吓 防疫心要常記掛 千萬不要鬆懈呀 ⭐如果喜歡我寫的文字，請讚好👍🏻追蹤❤及分享😊 IG: instagram.com/mgapp.writer FB: m.facebook.com/mgapp.writer #紋鬼阿布豬 #小小作家 #喜歡寫作 #文字創作 #原創寫作 #網誌 #寫作 #創意寫作 #寫文章 #故事 #隨筆 #作家 #豬 #豬仔 #作詩 #詩句 #五一勞動節 #勞動節 #假期 #放假 #新冠肺炎 #香港疫情 #貓 #貓咪 #齊心抗疫 #口罩 #勤洗手 #消毒酒精 #酒精搓手液 #covid19

neard.com/feeds/152168

5・2・0 女人：今日幾月幾號呀？ 男人：5月20號。 女人：今日係咩日子呀？ 男人：平日返工日。 女人：今日有咩特別呀？ 男人：特別忙碌嘅工作日。 女人：今日你有咩同我講呀？ 男人：冇呀，啱啱講嘅嘢囉，講完。 (女人生氣得無言。一會兒後...) 男人：今日幾月幾號呀？ 女人：幾月幾號都係咁。 男人：今日係咩日子呀？ 女人：討厭你日。 男人：今日有咩特別呀？ 女人：特別憎你日。 男人：今日你有咩同我講呀？ 女人：5・2・0。 男人：即係“我愛你”？ 女人：你錯喇，係“唔要你”。講完。 ⭐如果喜歡我寫的文字，請讚好👍🏻追蹤❤及分享😊 IG: instagram.com/mgapp.writer FB: m.facebook.com/mgapp.writer #紋鬼阿布豬 #小小作家 #喜歡寫作 #文字創作 #原創寫作 #網誌 #寫作 #創意寫作 #寫文章 #故事 #隨筆 #作家 #豬 #豬仔 #520我愛你 #我愛你 #情人節 #拍拖 #情人 #愛人 #情侶 #結婚 #夫妻 #笑話 #男人 #女人 #我愛你一生一世 #慶祝 #loveyou #Iloveyou

neard.com/feeds/153327

不一樣的月全食🌙 朋友：琴晚的月全食，你有冇睇到呀？ 我：冇呀，邊度咁有心特登去睇吖，只係睇新聞報導嗰少少咋。你呢？你同男朋友去咗睇？ 朋友：睇鬼睇馬咩，冇呀，唔好提添呀，激死我！ 我：做咩咁勞氣呀？男朋友唔肯同你睇月全食？話我知啦！ 朋友：唉，係咁嘅.... 我上個星期已經同佢講，話5月26號嗰晚想同佢一齊睇月全食，因為我未睇過嘛。我知道佢唔好呢啲天文現象，所以我都抱住問完都係得個桔嘅心理準備。點知佢竟然話好，仲話等佢安排去邊度睇添。佢咁講，我梗係開心到爆啦，所以十萬個期待嗰日快啲嚟。 到琴日我放工，佢揸車嚟接我，話帶我去最神秘冇人知嘅地方睇月全食。我心諗：你真係做足功課，唔係hea我。點知佢係揸車返咗佢屋企樓下囉。你知啦，佢屋企又唔係喺郊區，又唔係有天台，連露台都冇，仲係住低層，望出窗都係對面棟樓，咁睇咩月全食呢！ 唉，我就知道佢由始至終都冇諗住同我睇，我唔應該有任何期望。我嗰刻真係好想發皮四，鬧佢一大餐，但係一諗到宜家做咩都係趕唔切睇㗎啦，而佢根本就係一條軟皮蛇，鬧佢都係繼續笑騎騎嘅。我咪死忍住唔出聲，諗住最多上到佢屋企，睇電視報導當睇咗就算。 入到佢屋企，我諗住開燈，點知佢好大聲咁話唔好開，要咁黑先睇到月全食㗎。佢叫我坐喺梳化等一陣，佢入房準備睇月全食嘅工具。我心諗：你仲要扮嘢扮到幾時？你真係當我係無知少女咩都唔知？定你真係想我好似啲港女咁扮無知，等你可以做完呢場爛戲呀？好，我忍你，呢度係你主場。 我喺梳化坐咗3分鐘度，佢終於喺房行出嚟。因為周圍都黑媽媽，我只係隱約見到佢好似換咗衫，手上拎住啲嘢，行緊嚟梳化呢邊。到佢行到我面前企定，我一望，即刻大叫：你痴咗線呀！ 佢跟住話：月全食現在正式開始，請細心欣賞。 佢令轉身背住我，然後開咗手上拎住嘅電筒，照住佢個patpat。天啊！佢竟然著咗條鮮黃色嘅底褲囉。係呀，佢淨係著住條底褲，你話佢係咪痴咗線吖？！佢跟住慢慢移動隻手，令電筒光由佢patpat右邊移到左邊，然後佢熄咗電筒。5秒後，佢又開番電筒，今次佢令電筒光由佢patpat左邊照到右邊，到成個patpat都俾光照到。係呀，我又睇到佢成個黃色patpat。 佢跟住話：月全食到此結束，多謝觀看。 我：哈哈哈哈，你男朋友真係好funny呀！ 朋友：fun咩ny吖！激死我就真啦！佢之後仲話呢個係百年難得一見，係獨一無二嘅月全食，係我一個先可以觀賞到㗎咋。救命呀！點解我會揀咗傻佬做男朋友㗎？！ 我：好喇，唔好激氣喇！你男朋友真係令你睇咗個不一樣嘅月全食喎。佢想氹你開心先咁做咋，你應該慶幸自己搵到個真心錫你嘅男朋友呀！我呀，羨慕你都嚟唔切呀，你仲唔知足？！ 朋友：係，我知佢好。不過，呢個“不一樣的月全食”，都係睇完就算，我都只係敢同你一個人講。 我：唔係吖，好嘢梗係要同多啲人分享先啱。你呢個私家月光，應該就冇人想睇，但係個故事就應該吸引到唔少人。好啦，等我開心share出去先～～ ⭐如果喜歡我寫的文字，請讚好👍🏻追蹤❤及分享😊 IG: instagram.com/mgapp.writer FB: m.facebook.com/mgapp.writer #紋鬼阿布豬 #小小作家 #喜歡寫作 #文字創作 #原創寫作 #網誌 #寫作 #創意寫作 #寫文章 #故事 #隨筆 #作家 #豬 #豬仔 #笑話 #爛gag #月全食 #月食 #超級月亮 #男朋友 #女朋友 #拍拖節目 #我愛你 #驚喜 #天文現象 #開心share #港女 #patpat #moon #joke

neard.com/feeds/153641

貓奴父親節🐈 男人：今日係父親節喎！ 女人：所以？！ 男人：所以係我嘅節日囉！ 女人：你同我講冇用㗎喎！你同你啲貓咪仔女講先有用！ 男人：咩呀！人哋啲媽咪都會幫小朋友同嗲哋慶祝啦！你點做人媽咪㗎？ 女人：真係好笑喇！咁你身為人哋嘅嗲哋，上個月母親節，你夠冇幫班仔女，同我呢個媽咪慶祝啦！ 男人：咩冇同你慶祝呀？！母親節嗰日我哋咪全家大大細細，一齊安在家中同你慶祝囉！你啲仔女唔出得街嘛，喺屋企就係最好嘅慶祝啦！ 女人：哦...原來係咁！你要享受仔女陪住你嘅天倫之樂，咁我唔阻你喇。今日我會自己去街街去玩，而你就同啲仔女留喺屋企慢慢慶祝啦！吖，提提你，你一陣要餵你啲仔女食乾糧，夜晚7點就餵罐頭，每2個鐘頭去鏟屎盆，仲有要幫佢哋梳毛同剪指甲。你記得唔好瞓晏覺喎，要睇住你啲仔女。佢哋成日走嚟走去、跳嚟跳去、打嚟打去，經常整跌嘢、打爛嘢，你唔想成日執手尾，就金睛火睛望實佢哋啦！仲有...... 男人：吓？！仲有？！ 女人：總之，祝你有個愉快又充實嘅貓奴父親節啦！人哋嗲哋！喵～ ⭐如果喜歡我寫的文字，請讚好👍🏻追蹤❤及分享😊 IG: instagram.com/mgapp.writer FB: m.facebook.com/mgapp.writer #紋鬼阿布豬 #小小作家 #喜歡寫作 #文字創作 #原創寫作 #網誌 #寫作 #創意寫作 #寫文章 #故事 #隨筆 #作家 #豬 #豬仔 #笑話 #父親節 #父親節快樂 #慶祝父親節 #貓咪 #貓 #貓奴 #貓主子 #喵喵 #爸爸 #父親 #嗲哋 #我愛爸爸 #爸爸我愛你 #cat #meow

neard.com/feeds/155129

#感恩存摺 21日連續每日寫下最少一件感恩的事情 大家明日開始啦🙏🙏😊😊🌻🌻 #21日挑戰

#放下自在