#香香食好西臨近月尾決定食好少少，慰勞下自己呢個月以黎既辛勞...

#香香食好西臨近月尾決定食好少少，慰勞下自己呢個月以黎既辛勞🌝 呢間柳氏家有【炒雞+燒肉任食】，岩哂唔中意食粉麵飯既我💁🏻‍♀️💁🏻‍♀️💁🏻‍♀️ ⚜️ ✅100分鐘任食人頭$148（平日$128），有唔同口味炒雞選擇，可選配飯/麵/年糕。沙律菜非常新鮮爽脆，咬落去仲有水份，蕃茄仔好清甜無草腥味💦🥬🍅🥒 🐔炒雞依家轉左預先煎熟，只需翻熱同蔬菜拌炒，唔怕炒唔熟食左生雞又快啲食得，100分鐘絕對夠食唔洗趕頭趕命👍🏻 ✨炭烤味係最辣果款，食落似烤肉汁，辣中帶少少甜，好香口惹味。炒雞用雞扒部位，肉質嫩滑彈牙。 ✅食夠可以同店員講轉烤肉，呢度附上吸油紙，隔除多餘油份感覺無咁肥膩。 ✅出面自助吧仲有海鮮、肉類同蔬果等燒烤配料任拎。 🐷🐥推薦豬梅頭片、雞胸肉，醃得鹹甜適中、厚肉得黎又夠軟熟。 🍤帆立貝同海蝦大隻又彈牙，無雪藏味。 ✅值得一讚門口有衣物清新劑，食完lunch返工返學都唔怕大味臭親隔離。 #柳氏家 #荃灣廣場

#香香食好西 #防疫期無啖好食之 #中上環區難得用心嘅酒吧set lunch😋 加上職員親切有禮嘅態度，忍唔住要寫返個好評推介吓～ ⚜️ 🐟煎海紅鮪魚柳 $118 充滿瑞典風味，外皮酥香薄脆，魚肉偏乾但唔散，配上加咗百香果嘅牛油汁，比一般坊間食到嘅清新香甜，有煥然一新嘅感覺🤩 伴碟以不添加糖嘅紫薯泥代替馬鈴薯，更健康有營。午餐包餐湯沙律二擇其一，另加一杯茶啡，以同區嚟講相當貼地抵食；雞胸沙律唔記得影，羅馬生菜伴沙律醋，加一片薄雞胸，輕盈開胃。 🍗水牛城雞翼用咗雞髀肉位，啖啖肉，又唔洗‘倫’骨，唔怕失儀態～味道係正宗水牛城風味，充滿tabasco嘅辣香，濃郁惹味，送酒一流👍🏻 #食在中環 #canteen #nearD好西

#香香試伏 #防疫期無啖好食之 #是日午餐質素對唔上價錢醬汁配唔到食材😖 🙅🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️ 午餐偏愛西餐，感覺食物比茶記輕盈無咁飽滯。 Lunch set 有沙律意粉扒餐選擇，$158-258包餐湯，餐飲要另嗌，價位偏高。是日為蕃茄忌廉湯，口感厚身稠密，茄膏味好重，無鮮茄嘅清新，味道偏酸。黑麥包鬆軟，灑上松露茸，入口帶松露香，頗為驚喜，可惜鹽加得太多，整體偏鹹，淹沒咗原本嘅麥香。鯰魚扒有兩塊，魚皮煎得香脆，但偏乾略腥；旁邊橙色醬汁近似美式燒烤醬，幾惹味，但同魚肉唔算太夾；另一種醬汁估計加咗羅勒，無咩味。沙律墊喺魚身下，菜吸收魚油後更稔身香口，醬汁反而同蔬菜更相配；水波蛋鹽落手太重，蛋白好鹹，勝在火喉恰到好處，蛋黃嘅流心爆汁口感扳回不少分數。咖啡豆果香偏重，入口偏酸，無烘焙香，唔啱我口味。環境尚算舒適，但呢個價錢對應呢個質素，應該無第三次。 🙅🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️ #食在九龍城 #cafeceres