今次就唔係網友投稿啦～而係我嘅推介！ 酒店：香港旺角薈賢居 見到個名冇「酒店」兩個字係咪好疑惑？無錯，佢其實除咗喺酒店之外，都係一座Apartment嚟，係under如心集團嘅。 講返酒店，酒店嘅位置喺旺角太子交界，行去旺角地鐵站／朗豪坊都要7-8分鐘左右，靜中帶旺，不過不失。 酒店房間方面，小妹上次住係最普通果種房型，因為真係冇影到相，所以拎左官網嘅相，就係圖片咁啦。不過上次酒店安排左我高樓層，可以望晒成個旺角太子嘅舊樓景同埋遠遠嘅山景，唔錯架！ 而房間都唔算太細，大約20幾平方米，廁所空間都好足夠，乾濕分離。 小妹上次入住嘅係大床房，我覺得酒店其中一件好重要嘅事就係床嘅大小同軟硬。小妹表示兩樣都非常滿意！床就好似網上mention有1.8米！好大，可以唱金絲雀。而軟硬都適中。 另一樣想讚嘅係房有微波爐！懶人可以買定叮叮返去肚餓即叮即食！ 評級：4/5 #酒店 #爆房 #Apartment #香港旺角薈賢居 #本地遊 #酒店推介 #酒店評價