平時成日都介紹啲唔錯既酒店畀大家，今次講下一間伏到嘔既酒店！ 酒店： #荃灣絲麗酒店 呢間酒店真心伏到爆，先講地點，叫自己荃灣絲麗酒店，但明明就係位於葵涌嘅和宜合道附近，完全完全唔近任何一個地鐵站，出入地鐵站要靠巴士／搭巴士出入。呢個改變唔到都算。講下間酒店房先，我之前住嘅房型係大床房，一入到房就聞到一大陣「UP味」😑😑，臭到嘔，仲要夾埋啲煙味。之後張床個Size細到爆炸，其實唔應該叫大床房，應該叫單人房，因為張床真係好細張，兩個瘦嘅人瞓都一定好迫。另外，因為間房係位於工業區，窗外完全冇咩景好睇。仲有房間勁唔隔音，三更半夜隔離房做床上運動啲聲完全聽到，啲叫聲聽到劏雞咁，第二朝啲姐姐執房又嘭嘭聲。😷 除此之外，呢間野應該專接大陸團，我個次入住個陣遇著一車大媽自由行，嘩！個Lobby打杖咁款，啲職員又完全Handle唔到。如果你問我呢間酒店有咩好，我只可以答你：價錢。因為我上年年頭住個陣平到200蚊就住到，同埋冷氣幾夠。 評分：1/5 #酒店 #爆房 #酒店評價 #酒店介紹 #Staycation #Localtravel #拍拖 #hotel #香港酒店 #葵涌 #荃灣 #KwaiChung #TsuenWan #HongKong #Vocation

The Silveri MGallery by Sofitel東涌新酒店今年開幕！設露台及私人泳池套房 呢間我等咗好耐！睇落好decent！ 電話: +852 3602 8862 官網：thesilveri-hongkong.com 預訂網址：all.accor.com/taiwan-hongkong-macao/index.en.shtml #新酒店 #酒店介紹 #酒店 #爆房 #本地遊 #東涌 #hotel #localtravel #tungchung #TheSilveriMGallerybySofitel #staycation

見到聊天室有人講起「粵海酒店」，我都可以講少少心得。 粵海酒店喺香港有兩間，分別喺尖沙咀同灣仔。 其實呢兩間酒店本身都有返咁上下歷史，都係30幾年。 尖沙咀個間86年開業，灣仔個間87年開業。 不過近日兩間酒店都大裝修咗，當中尖沙咀個間更賣全港首間高科技酒店。 睇到佢哋官網介紹，房有智能廁所，有Project for睇大電影，有機械人送用品等等…。 喺香港嚟講，的確比較前衛。 不過上網睇過評價，依家酒店仲裝修緊，有住客表示日頭會被嘈醒， 而且喺疫情前，呢間酒店亦都係專接大陸旅遊團，原因好簡單姐， 因為呢個集團根本就係一個大陸集團🛑，唔係邊得嚟大大支水喉，逆市大裝修呢， 其實小妹經過佢哋個門口，每次都覺得裝修得幾靚，而Sell埋電競房， 不過實在過唔到自己個關。因為間嘢感覺好大陸。 #粵海酒店 #尖沙咀 #灣仔 #Hotel #爆房 #staycation #酒店介紹

最近見到多咗唔少朋友入嚟呢道， 小妹個群組係咪要紅了？我係咪要變明星了？😍 其實爆房小妹想紅的心一直無熄滅過！！！😳 但係我自己獨力撐住真係唔夠！ 不如咁啦，作為群組員嘅一份子， 不如大家都介紹下你哋嘅酒店／爆房體驗， 無論係香港定係之前去旅行嘅都無任歡迎， 去玩！除咗食物同景點好重要之外，居所都重要！ 住到一間舒服開心嘅酒店，好滿足！👸🏻 住到一間衰酒店，要發洩！！！！！🤬 當如果你唔想出名，怕羞仔嘅，都可以向我投稿！ 投稿方法 👉🏻 neard.com/feeds/41463　 如果你唔怕羞的話，直接出Post，寫得好嘅， 小妹會送你Badge，🌻 大家可能會話，Badge有咩用喎(?) 哈！唔好講笑！ 人總係貪慕虛榮！多人一個Badge就係威水囉咁簡單！😚 #酒店 #爆房 #Staycation #酒店介紹 #本地遊 #Localtravel #sexcation

Hi 爆房 Buddies ✋🏻 又係我房事達人啊 🙈 今次小妹出久違了嘅酒店介紹 😃 希望幫到想爆房嘅Buddies們喇 🥳 酒店：旺角智選假日酒店 智選假日酒店即係Holiday Inn，聽個名都知有啲名氣啦，講少少背景先。其實Holiday Inn係洲際酒店集團旗下嘅一個品牌，全世界有多達1,300嘅分酒店。而呢個旗下品牌主打係商務旅遊，即係For商務旅客啦，當然你唔係商務都得嘅。🤣🤣 小妹因為都幾鍾意呢個品牌，所以加入左洲際酒店集團IHG嘅會籍，有咩用呢？其實一般都係可以Early Check in & Late Check out，Welcome Drink，Upgrade之類。不過個人認為Holiday Inn呢個品牌嘅酒店相對較為樸素，Upgrade房間都未必有咩驚喜。🤣🤣🤣啊！講多樣先，因為係主打商務旅客，所以訂佢哋酒店嘅時候，一般(我淨係知香港)都一定包埋早餐，唔使加錢。 好喇，講完背景，就講下入住體驗。呢間酒店係位於旺角登打士街1號，坦白講，位置唔太方便，因為你由最近嘅旺角地鐵站行過去都至少要8分鐘，行去彌敦道排巴士站都要至少5分鐘，因為旺角啲內街多車多燈位多人，所以行過去段路都幾麻煩，夏天的話可能會有啲躁底添。🤣不過都算係靜中帶旺嘅，去旺角油麻地行街街嘅話，起碼唔使搭車，而且位置處於渡船街則邊，嗰邊人少少，又無咁多大廈，私隱度高。 房間方面，好簡約，基本要用嘅洗漱用品有，如果想再額外嘅可以Request，免費有的。有雪櫃，有鬧鐘，有部比較細嘅電視機，床就大約1.5-1.7米。小妹住過香港4間唔同嘅Holiday Inn，旺角呢間嘅床褥最舒服！而且佢兩邊放咗唔同款枕頭，分咗「軟」同「硬」，大家有得揀。🙈🙈其實除咗枕頭之外，佢哋連牙刷都可以揀「軟毛」同「硬毛」，大集團就係有呢種細心？🙈🙈廁所就乾溼分離，而且空間都幾大，幾舒服。呢間酒店房唯一有一樣嘢我係覺得差嘅，就係冷氣，唔知點解硬係有啲房啲冷氣好鬼凍，有啲又完全唔涼。夏天嘅時間真係唔得佢燶。 至於其他設計，冇游泳池，如果想游水嘅話，麻煩Book隔離嗰間希爾頓。不過因為商務酒店呢，就會有洗衣房，你可以自己帶衫去洗，不過都幾貴，問過佢哋，洗衫40蚊一次，乾衫又40蚊一次，嗯，我手洗算。😰 啱先提過，Holiday Inn會包早餐嘅，想食豐富早餐嘅朋友留意了！小妹個人認為香港三大間Holiday Inn嘅早餐水平都參差， 旺角：不是自助，有六款選擇，比較普通。 將軍澳：自助，不過食物種類少，而且唔好食。 觀塘CBD2：自助，好食！多嘢揀！正！ 以上，就係小妹嘅酒店介紹分享啦，有咩可以直接問我或者去我群組的聊天室問我。利申：我唔係做酒店行業，亦不是打手，我係一個純愛好者酒店嘅女仔。 #酒店 #爆房 #Staycation #Sexcation #酒店介紹 #酒店推介 #旺角 #旺角酒店 #HolidayInn #洲際酒店 #本地遊 #localtravel #旺角智選假日酒店 #早餐

其實我真係想試下 不過Sheraton就係貴價酒店 希望佢做下Promotion啦 作為一個市區人間唔使走入東涌都幾有渡假Feel~ #東涌世茂喜來登酒店 #staycation #酒店 #新酒店 #酒店介紹 #東涌

【#Holiday激抵酒店】東涌世茂喜來登酒店設計時尚帶有格調，大部分房間面向東涌灣，飽覽無敵大海景，立即為大家逐一介紹酒店特色。 詳情： https://holiday.presslogic.com/article/215509/ #東涌世茂喜來登酒店 #staycation #港人住宿優惠...

Upper House 呢個廁所真係一流 佢靜係個廁所都有300幾尺大 #UpperHouse #酒店 #酒店介紹

鴨脷洲開左間新酒店叫城木酒店，風格簡約好岩打卡影相。不過位置確實比較偏，去得就預左當小旅行。 Urbanwood Hotels 城木酒店 地址：鴨脷洲新市街29號 電話：3728 7388 #城木酒店 #鴨脷洲 #本地遊 #地道嘢 #南區 #酒店 #酒店介紹

程表示，旅發局去年11月推出「賞你遊香港」推廣活動，1萬個名額在一星期內爆滿，反應熱烈，惟活動因疫情叫停。第2輪「賞你遊香港」計劃目前有200多個旅行社報名，名額倍增至2萬個。新推的「賞你住」目前約140間酒店有意參加，當中不乏5星級酒店，且不接納檢疫酒店。推廣推出後，市民本地消費滿800元，即可揀選酒店500元現金券或免費參加價值500元本地遊。 #酒店 #賞你住 #酒店介紹 #酒店優惠 #本地遊 skypost.ulifestyle.com.hk/article/2891509/重啟旅遊｜旅發局短期內推全新「賞你住」 本地消費滿$800即享$500酒店折扣

為重振本地旅遊，旅發局今日公布本年度工作計劃，推廣開支涉款11.38億元。當中，逾4億元將用於短期策略，包括落實推出全新「賞你住」及第2輪「賞你遊香港」推廣活動，名額各2萬個，市民在本地消費滿800元

為重振本地旅遊，旅發局今日公布本年度工作計劃，推廣開支涉款11.38億元。當中，逾4億元將用於短期策略，包括落實推出全新「賞你住」及第2輪「賞你遊香港」推廣活動，名額各2萬個，市民在本地消費滿800元

親子Staycation 包埋個私人Jacuzzi #Jacuzzi #親子 #親子時間 #Staycation #酒店 #酒店介紹 #港島海逸君綽酒店 youtube.com/watch?v=sXYzV_Py0D4

香港 Staycation｜港島海逸君綽酒店 ｜Harbour Grand Hong Kong | 親子 | 私人按摩池 | staycation推介｜親子活動 ｜香港好去處｜Jacuzzi ｜北角