米芝蓮一星法國餐廳Rech突結業 約 30 員工被遣散 #RECH #洲際酒店 #尖沙咀 在尖沙嘴洲際酒店開業3年、連續 3 年獲米芝蓮一星的法國餐廳 Rech by Alain Ducasse 今日突然通知員工結業消息，餐廳只營業到今晚，明天關門，約30名員工被即時解僱，包括廚師及侍應等。據了解，Rech 原定今年底遷出洲際酒店，另覓地方開業，但疑因武漢肺炎疫情令生意大受影響，決定提早結業。 在洲際酒店網站已找不到 Rech by Alain Ducasse 的資料。《蘋果》記者今晚到訪該餐廳，顧客不多，對於餐廳結業，職員表示不清楚。不過，記者以顧客身份致電 Rech，接聽的洲際酒店訂位中心職員表示，剛收到消息，今晚是Rech最後一天營業，明天會永久關門。該職員坦言，由於Rech突然結業，故忙於通知已訂枱的客人。飲業資訊網站 OpenRice 則顯示 Rech 已結業。 據了解，Rech 管理層今日傍晚才通知員工結業的消息，只營業到今晚，明天關門，約 30 名員工被即時解僱，包括廚師、侍應及餐飲部等。據悉，Rech 原本打算今年底才遷出洲際酒店，另覓地方開業，但因近月武漢肺炎疫情持續，令生意大受影響，故決定提早遷出，更索性結業。對於餐廳突然結業，員工均感徬徨無助。 「非常之不近人情！」飲食及酒店業職工總會組織幹事何鴻興批評，Rech 是知名食肆，員工為餐廳拼搏多年，但在毫無預警下突然結業，即時解僱員工，十分不負責任。他指，政府呼籲飲食業界與員工共渡難關，Rech 卻一刀切結業兼炒人，擔心做成壞先例。 創立於 1925 年的法國巴黎著名餐廳 Rech by Alain Ducasse，於 2017 年 3 月進駐香港洲際酒店，是該餐廳在法國以外的首個據點，並由名廚Alain Ducasse主理，以海鮮菜式聞名，人均消費約 1,000 元。Rech 由 2018 至 2020 年，連續3 年獲評為米芝蓮一星餐廳。

Hi 爆房 Buddies ✋🏻 又係我房事達人啊 🙈 今次小妹出久違了嘅酒店介紹 😃 希望幫到想爆房嘅Buddies們喇 🥳 酒店：旺角智選假日酒店 智選假日酒店即係Holiday Inn，聽個名都知有啲名氣啦，講少少背景先。其實Holiday Inn係洲際酒店集團旗下嘅一個品牌，全世界有多達1,300嘅分酒店。而呢個旗下品牌主打係商務旅遊，即係For商務旅客啦，當然你唔係商務都得嘅。🤣🤣 小妹因為都幾鍾意呢個品牌，所以加入左洲際酒店集團IHG嘅會籍，有咩用呢？其實一般都係可以Early Check in & Late Check out，Welcome Drink，Upgrade之類。不過個人認為Holiday Inn呢個品牌嘅酒店相對較為樸素，Upgrade房間都未必有咩驚喜。🤣🤣🤣啊！講多樣先，因為係主打商務旅客，所以訂佢哋酒店嘅時候，一般(我淨係知香港)都一定包埋早餐，唔使加錢。 好喇，講完背景，就講下入住體驗。呢間酒店係位於旺角登打士街1號，坦白講，位置唔太方便，因為你由最近嘅旺角地鐵站行過去都至少要8分鐘，行去彌敦道排巴士站都要至少5分鐘，因為旺角啲內街多車多燈位多人，所以行過去段路都幾麻煩，夏天的話可能會有啲躁底添。🤣不過都算係靜中帶旺嘅，去旺角油麻地行街街嘅話，起碼唔使搭車，而且位置處於渡船街則邊，嗰邊人少少，又無咁多大廈，私隱度高。 房間方面，好簡約，基本要用嘅洗漱用品有，如果想再額外嘅可以Request，免費有的。有雪櫃，有鬧鐘，有部比較細嘅電視機，床就大約1.5-1.7米。小妹住過香港4間唔同嘅Holiday Inn，旺角呢間嘅床褥最舒服！而且佢兩邊放咗唔同款枕頭，分咗「軟」同「硬」，大家有得揀。🙈🙈其實除咗枕頭之外，佢哋連牙刷都可以揀「軟毛」同「硬毛」，大集團就係有呢種細心？🙈🙈廁所就乾溼分離，而且空間都幾大，幾舒服。呢間酒店房唯一有一樣嘢我係覺得差嘅，就係冷氣，唔知點解硬係有啲房啲冷氣好鬼凍，有啲又完全唔涼。夏天嘅時間真係唔得佢燶。 至於其他設計，冇游泳池，如果想游水嘅話，麻煩Book隔離嗰間希爾頓。不過因為商務酒店呢，就會有洗衣房，你可以自己帶衫去洗，不過都幾貴，問過佢哋，洗衫40蚊一次，乾衫又40蚊一次，嗯，我手洗算。😰 啱先提過，Holiday Inn會包早餐嘅，想食豐富早餐嘅朋友留意了！小妹個人認為香港三大間Holiday Inn嘅早餐水平都參差， 旺角：不是自助，有六款選擇，比較普通。 將軍澳：自助，不過食物種類少，而且唔好食。 觀塘CBD2：自助，好食！多嘢揀！正！ 以上，就係小妹嘅酒店介紹分享啦，有咩可以直接問我或者去我群組的聊天室問我。利申：我唔係做酒店行業，亦不是打手，我係一個純愛好者酒店嘅女仔。 #酒店 #爆房 #Staycation #Sexcation #酒店介紹 #酒店推介 #旺角 #旺角酒店 #HolidayInn #洲際酒店 #本地遊 #localtravel #旺角智選假日酒店 #早餐