14天酒店介紹

Feeds

時間好快嚟到第五間要介紹嘅酒店了,今次介紹嘅呢一間酒店係一間新界區嘅酒店,仲要係好多牛嘅屯門!講下笑啫。🤣 🤣 係好多人嘅屯門先岩,呢一間酒店就係Hotel COZi ‧ Resort 悦品度假酒店 ‧ 屯門 位置📍:屯門建豐街4號 👉🏻 其實係位於工廠區同巴士廠附近,西鐵站行過去大約8分鐘左右。另外大約5分鐘路程都有一個輕鐵站「河田站」。我覺得尚算方便~ 房間🚪:呢一間酒店最大嘅特色係分咗幾種主題嘅房間,包括日式房間、泰式房間、非洲房間、希臘房間同埋企鵝房間。先講講國家特色主題嘅房間先啦,其實大置上都係以裝修同埋小配件嚟打造效果,至於你話係咪好濃外國風情呢,我覺得喺去唔到旅行嘅時候住返晚,都幾過癮嘅~而企鵝房間就係用呢一間酒店自己設計嘅吉祥物「悅寶企鵝」做主題,企鵝仔好得意,岩晒一家大細去住架。 衛生🧹:親身體驗住過三次,三次都冇見到啲污糟野,不過就係覺得可能最近多咗人住,啲枱枱櫈櫈有啲爛有啲花,係時候要保養下,話晒開業唔耐。 景觀🌄:酒店內園式設計,換言之有一堆房間係望內園,冇咩景睇。對外嘅房間有一邊係望工廠,直頭樓貼樓。又有一邊係望西鐵站,望西鐵站嘅房間就最開揚啦! 設施🚲:游泳池同健身中心都有。不過最有特色嘅係有兒童遊樂場。 價錢💰:$400或以上 評分✔:6.5/10 Hotel COZi ‧ Resort 悦品度假酒店 ‧ 屯門官網:hotelcozi.com/resort/zh-tw/home #悦品度假酒店屯門 #屯門 #酒店 #爆房 #本地遊 #開房 #Staycation #酒店實測 #酒店評價 #酒店評價 #酒店衛生 #酒店房間 #酒店景觀 #酒店設施 #Hotel #HotelReview #Sexcation #14天酒店介紹

14天酒店介紹第6天,今日介紹嘅酒店係………… 就係位於紅磡嘅逸酒店 Hotel Sav! 位置📍:紅磡蕪湖街83號 👉🏻 其實紅磡至黃埔一帶以前都係巴士小巴作交通工具為主,自從黃埔開咗地鐵站就多咗個選擇,方便不少,不過港鐵係黨既,搭唔搭就你自己決定啦~😏😏😏 房間🚪:呢一間酒店有一個特色,就係某啲樓層嘅房間係請嚟本地設計師去設計房間~睇介紹,入住嗰啲房間仲會送你一份精品,原來住酒店都可以支持本地設計。不過小妹就Cheap Cheap地,本地設計師設計嘅房間會貴啲,住唔起,我都係住佢哋嘅普通標準房間。佢哋Basic 嘅房間空間真係偏細,10幾平方米架咋。不過房間以白色做主調,亦配有落地大玻璃,好光猛,感覺都唔算好好好迫喼。溫提一下,佢哋大床房張床我1.3m,係有啲窄。 衛生🧹:都係個句,眼不見為淨。又真係無搵到唔乾淨既位。 景觀🌄:對係紅磡嘅城景,唔好望有咩睇。一般啦。 設施🚲:最Appreciate係佢樓下有一個Common Area,你可以喺個度Hea又得,睇書又得,做野又得,總之幾Friendly既一個空間,仲有室外可以俾你呼吸下新鮮空氣! 價錢💰:$350 或以上 評分✔:7/10 #逸酒店 #紅磡 #酒店 #爆房 #本地遊 #開房 #Staycation #酒店實測 #酒店評價 #酒店評價 #酒店衛生 #酒店房間 #酒店景觀 #酒店設施 #Hotel #HotelReview #Sexcation #14天酒店介紹

時間來到14天酒店介紹的第7天。今次為大家介紹嘅呢一間酒店小妹相當之喜歡!👉🏻 香港旺角希爾頓花園酒店 位置📍:旺角豉油街2號 👉🏻 其實我之前都有介紹過旺角Holiday Inn,而旺角希爾頓正正就喺旺角Holiday Inn隔離。有興趣睇返Holiday Inn篇Review 請去 👉🏻 neard.com/feeds/115775 同Holiday Inn個Comment 基本一樣,交通唔太方便,唔近地鐵站巴士站。不過靜中帶旺,去旺角油麻地行街可以行路唔使搭車 房間🚪:呢間酒店除咗套房,基本上全部都係得兩種房間,一種係22平方米床闊啲;一種係26平方米配有窗邊梳化床,小妹兩款都有住過!22平方米個間張床有2.4米,瞓到4個人。🙈🙈 好Crazy。 衛生🧹:呢間酒店喺衛生嗰方面可以一提,就係佢會喺門口貼張貼紙,話你聽佢哋已經消毒,開門個陣會自動撕爛張紙,等你Aware到。而入面有啲會常使用嘅東西都會套住個已消毒嘅紙套。雖然你無兜口兜面望住佢消毒,不過至少心理上都舒服啲吖!我覺得非常好! 景觀🌄:九成房間都係望返奧運站嗰邊,景觀尚算開揚,而最高嗰兩三層係可以望到海景,不過唔算好特別。 設施🚲:樓上有個迷你健身室,亦都有個泳池,不過個泳池有啲唔靚。 價錢💰:$440 或以上 評分✔:8/10 #香港旺角希爾頓花園酒店 #旺角 #酒店 #爆房 #本地遊 #開房 #Staycation #酒店實測 #酒店評價 #酒店評價 #酒店衛生 #酒店房間 #酒店景觀 #酒店設施 #Hotel #HotelReview #Sexcation #14天酒店介紹

第八間介紹嘅酒店係位於佐敦同尖沙咀之間嘅Page 148。  位置📍:尖沙咀柯士甸道148號 👉🏻 位於佐敦同尖沙咀中間,交通尚算方便。 房間🚪:裝修非常時尚,空間亦好寬敞,房間一大賣點係有Marshall喇叭,開住音樂飲住酒最爽! 衛生🧹:無論廁所定係睡房位置都十分整潔乾淨,沒有挑剔。 景觀🌄:超超超開揚,對住九龍草地滾球場,加埋真正既落地大玻璃,心曠神怡! 設施🚲:樓下有一間佢地自家Cafe Page Common,食物味道唔錯。 價錢💰:$500或以上 評分✔:9.5/10 Page 148 官網:pagehotels.com/en/page148 #Page148 #尖沙咀 #佐敦 #酒店 #爆房 #本地遊 #開房 #Staycation #酒店實測 #酒店評價 #酒店評價 #酒店衛生 #酒店房間 #酒店景觀 #酒店設施 #Hotel #HotelReview #Sexcation #14天酒店介紹

第九間介紹嘅酒店係位於觀塘嘅香港九龍CBD2智選假日酒店。 位置📍:觀塘巧明街97號 👉🏻 位於一絕,係商業大廈附近,無論去港鐵站定巴士站都非常之快。而且隔離就係APM,絕對唔使驚悶親同餓親。 房間🚪:房間空間寬敞,廁所亦都唔會好細。另外,呢間酒店每層樓房都比較高,感覺空間更加大。 衛生🧹:酒店開業唔算好耐,房間同設施都新淨乾淨企理。 景觀🌄:一邊望返商業大廈,一邊就望去裕民坊,都係城市景。高樓層會好View好多。 價錢💰:$550或以上 評分✔:7.5/10 #香港九龍CBD2智選假日酒店 #觀塘 #酒店 #爆房 #本地遊 #開房 #Staycation #酒店實測 #酒店評價 #酒店評價 #酒店衛生 #酒店房間 #酒店景觀 #酒店設施 #Hotel #HotelReview #Sexcation #14天酒店介紹

時間好快,今日介紹嘅酒店已經係第10間啦!今日要介紹嘅酒店就係位於灣仔嘅英皇駿景酒店。 位置📍:灣仔皇后大道東373號 👉🏻 位置極之唔方便,唔近任何一個地鐵站,因為最近嘅銅鑼灣站都要你行至少15分鐘,大熱天時好難頂! 房間🚪:我之前住嘅房型 Around 20 零平方尺,唔算細,不過都唔係好多空間走動。不過唔知床好軟熟好舒服,冷氣亦都好夠,整體都係好舒服! 衛生🧹:沒有特別評價,因為酒店房係用地氈,我自己主觀會覺得無咁乾淨。 景觀🌄:都係灣仔城市景。值得一提一樣嘢,其實呢間酒店側邊就係跑馬地墳場,設計師係設計窗邊嘅時候巧妙地將窗口設計為三角型,將填場嘅景擋咗,所以所有房都唔會望到墳場。 價錢💰:$300 或以上 評分✔:7.5/10 #英皇駿景酒店 #灣仔 #酒店 #爆房 #本地遊 #開房 #Staycation #酒店實測 #酒店評價 #酒店評價 #酒店衛生 #酒店房間 #酒店景觀 #酒店設施 #Hotel #HotelReview #Sexcation #14天酒店介紹

嚟到第11間要介紹既酒店啦~呢次要介紹嘅酒店係位於旺角嘅薈賢居。🖐🏻 位置📍:旺角廣東道1131號 👉🏻 位置麻麻哋,喺太子旺角中間。 房間🚪:薈賢居其實係華懋集團嘅酒店,點解我要咁樣提呢?因為華懋集團個過咗身嘅老細龔如心好鍾意用「木」做酒店嘅裝修。如果大家住過香港任何一間如心酒店的話,都會發現佢哋嘅地板係用深啡色木地板。薈賢居不例外。老實講呢,我自己就唔識欣賞呢種地板,硬係覺得濕水會發霉同埋有啲污糟。講完地板,講吓其他嘢,房間空間算寬闊,有20幾平方米,廁所空間都好大,不過廁所係用透明玻璃同客房位置隔住,而塊簾係喺出面,好有趣同不明所以的設計。 衛生🧹:除咗上面講過木地板俾我感覺觀感唔好之外,佢廁所係用升高咗嘅通癃木地板,用意可能係唔想地面積水,將啲水漏落下面,不過呢,最大獲係啲癃癃下面其實都係地下嚟,感覺下面藏左好多污糟野咁囉。 景觀🌄:如果低樓層就係對住對面舊樓,高樓層可以望到近至旺角,遠至獅子山。 設施🚲:Lobby可以飲下咖啡,不過就唔係特別Chill。 價錢💰:$350或以上 評分✔:7/10 薈賢居官網:lhotelgroup.com/tc/hotel/lodgewood-by-lhotel-mongkok/Home #薈賢居 #旺角 #酒店 #爆房 #本地遊 #開房 #Staycation #酒店實測 #酒店評價 #酒店評價 #酒店衛生 #酒店房間 #酒店景觀 #酒店設施 #Hotel #HotelReview #Sexcation #14天酒店介紹

14天酒店介紹黎到最後3間酒店啦,今日想介紹嘅酒店係位於尖沙咀嘅紫珀酒店。 位置📍: 尖沙咀諾士佛臺6號 👉🏻 我可以用差嚟形容嗎?因為係喺諾士佛臺,大家都知諾士佛臺係要行樓梯上去,如果你係海外旅行拎住喼真心好大獲。不過如果你係飲完酒想爆房嘅話,個Location絕對係一流啦! 房間🚪:呢一間酒店嘅房間空間設計真心有別於典型酒店嘅空間設計,睇相大家就會明白。雖然怪怪哋,不過都幾寬落! 衛生🧹:正正常常~眼不見為淨啦~😅😅😅 景觀🌄:我個次就被安排咗低樓層對返佐敦,景觀好開揚。 設施🚲:Check-in個層幾Impressed,因為個度有個類似Lounge仔嘅地方可以俾你任何汽水,咖啡茶,小食輕食等等。 價錢💰:$500或以上 評分✔:6/10 紫珀酒店官網:theperkinhotel.com/zh-hk #紫珀酒店 #尖沙咀 #酒店 #爆房 #本地遊 #開房 #Staycation #酒店實測 #酒店評價 #酒店評價 #酒店衛生 #酒店房間 #酒店景觀 #酒店設施 #Hotel #HotelReview #Sexcation #14天酒店介紹

嚟到最後兩間酒店啦!今日要介紹嘅酒店係香港九龍貝爾特酒店。 位置📍:新蒲崗六合街15號19號 👉🏻位於工業區,鄰近四美街都多巴士搭,行10分鐘左右都可以去到鑽石山地鐵站,不過不失。 房間🚪:非常之欣賞呢一間酒店嘅房間設計,好時尚同時亦加入香港特色。床非常啲寬落軟淋,好舒服。最鍾意係窗邊嘅梳化仔,可以坐喺度睇下風景。 衛生🧹:住過幾次,其中一次好深刻,因為上手篤尿竟然未沖走!肯定係尿,因為仲有「壓」味。有啲嬲! 景觀🌄:低樓層望工業區,高樓層尚算開揚,一邊可以望返鑽石山,另一邊就新蒲崗一帶城市景啦~ 設施🚲:值得一提係大堂個層可以篤波~ 價錢💰:$400或以上 評分✔:7/10 #香港九龍貝爾特酒店 #黃大仙 #酒店 #爆房 #本地遊 #開房 #Staycation #酒店實測 #酒店評價 #酒店評價 #酒店衛生 #酒店房間 #酒店景觀 #酒店設施 #Hotel #HotelReview #Sexcation #14天酒店介紹

嚟到2020年最後的一天,亦都係今日要最後要介紹嘅酒店 - 香港海洋公園萬豪酒店 位置📍:黃竹坑黃竹坑道180號 👉🏻 交通都算幾方便,架去海洋公園就會去到呢一間酒店!不過呢間酒店附近係咩都冇,便利店超市等等都好缺。 房間🚪:房間好新淨,裝修都好時尚,好光猛好舒服!而且好大! 衛生🧹:打掃做得不錯,起碼入到起冇見到唔乾淨。 景觀🌄:因為酒店係內園式設計,一係就望返酒店入面泳池,一係就望返街景,其實冇咩好睇。 設施🚲:最值得提係個泳池,好大好大,而且仲有啲水上設施!去得你就預左要落水! 價錢💰:$1,500 或以上 評分✔:9/10 #香港海洋公園萬豪酒店 #海洋公園 #酒店 #爆房 #本地遊 #開房 #Staycation #酒店實測 #酒店評價 #酒店評價 #酒店衛生 #酒店房間 #酒店景觀 #酒店設施 #Hotel #HotelReview #Sexcation #14天酒店介紹

Groups

世界酒店爆房攻略 🏨

房事達人是也😚!想睇酒店介紹、酒店優惠、酒店評價等資訊,立即加入世界爆房酒店攻略群組!🤩

世界酒店爆房攻略 🏨

Profiles

陳小明

109 Followers

13 Followings

527 feeds

陳小明

小笨蛋

10 Followers

0 Followings

120 feeds

小笨蛋

房事達人

27 Followers

0 Followings

240 feeds

房事達人

Yuffy

4 Followers

0 Followings

42 feeds

Yuffy

Beauty

6 Followers

0 Followings

21 feeds

Beauty

爆seed

0 Followers

0 Followings

0 feeds

爆seed

chris

1 Followers

0 Followings

0 feeds

chris