返左幾日工，今日off，爽皮🤩 天氣好好，惠康呢期甜筒優惠，56.9/2盒，平到無朋友，一陣去掃貨，噢。。會唔會又肥番😱 最近AI chatGPT 好hit,平時我同Siri有互動，佢啲答案幾過癮，得啖笑，真心想AI智能機械人快啲面世，當然價錢要平到我買得起或租得起，機械人和活人互動或生活已係大勢所趨。。。最好就係唔止陪我傾計咁簡單，仲要識洗吓廁所，煮吓飯。。咁就perfect🤩當然不能智能叛變🤔 呢幾日兩間電視台都介紹東京遊，又美食又shopping,令到我又想再出發🤓回想係東京食拉麵丫，士多啤梨丫，剌身丫就回味無窮🤤不過，返工無耐又請假，驚俾人摌😒

Related Feeds

係屋企連續睇左兩日戲，一套「正義迴廊」，今日睇Netflix既「哨兵行動」正義迴廊講殺父母，男主有反社會人格加上小時父母唔明白佢同唔關心，長大性格怪異；我想講人生變幻無常，小時生活不開心，長大命運掌握係自己手，咪開拓自己人生，何必鑽牛角尖玩到咁大，令自己走向監獄渡餘生，退一步海闊天空，忍一時風平浪靜🙏 套戲拍得好精彩，尤其係林海峰同麥沛東仲有蝦頭👏有質素港產片👍不過戲內有血淋淋鏡頭🫣 哨兵行動正垃圾片，浪費我人生90分鐘🤨好在睇睇吓唔對路，用倍速睇🤭N字出品，好易中伏😂 所以我比👎佢🤫

恭喜楊紫瓊得到奧斯卡金像女主角奬🏆🏆🏆我除左係羽毛球愛好者，仲係一個戲痴🤭出街睇，串流頻道及網上版都唔放過😎 楊紫瓊同發哥既臥虎藏龍睇左N次，劇情，武打，音樂都係上乘之作，反而呢套得奬作品無睇過，太過古靈精怪，心目中楊紫瓊走左樣，接受唔到囉🙀 Tom Cruise都係我喜愛既星🤩型到丫。。。😍 Top Gun 2係戲院睇到嘩嘩聲，音響不得了，我仲買到皇帝位，4面8方加頭頂戰鬥機聲包住你，好似喺隔離，好震憾😵‍💫視聽得到極大滿足。。🤗 所以套戲得到金像奬最佳音效係實至名歸👏👏 PS:附上Top Gun2片頭歌:Danger Zone🎶🎶🎶 share with 🫵 youtu.be/mHlnNLe64tg

TOP GUN MAVERICK - Danger Zone | Kenny Loggins

今日走去見牙醫，約足一個月先見到，等佢救命就慘😵‍💫 點解見牙醫？又貴又痛，無必要都要閃開啦，唔見隻牙年幾，執執佢似番個人😒 入到去話植牙，醫：ok 無問題，我知啦。。。比錢丫嘛。。一聽個價，魂魄唔齊🥶醫:話本來2萬㗎，依家收你萬八。。。唉。。萬八都嚇親😫定一定神，可以分期嗎？醫：得啦，你同姑娘傾啦。。。咁就恰吓恰吓俾首期😟後悔少時唔讀書，而家做運輸😵乜醫物醫幾好搵🤑🤑🤑 聽日復工啦，又見到班嘩鬼，嘈嘈閉，靜D得唔得📣無見幾個月啫。。。唔洗咁激動🤭 PS:台灣開關啦，搵日call班fds去台灣踩番轉🚴‍♀️