今晚係球場渡過愉快的時光😻爆汗的感覺太正，準時到達球場，見到波友練波我都想再搵教練調教我啲球技，懷念陳sir,教得太好了👍 羽毛球實在太好玩啦，真正打羽毛球，並唔係將個波打去對面就叫打波，而係點樣令對手接唔到波仲要佢跑餐死，咁先叫過癮🤭打多啲刁鑽波，用腦打🏸才可以打到出神入化😄 不過，打雙打都要有個神隊友就sure win💪，撞到個豬隊友，就吹啤啤。。。個心幾乎想爆粗😤 你話丫。。對手已經殺波勁，豬隊友仲要升高波俾人殺，接到殺都話你叻，又接唔到，好在對家無爆佢頭，我同佢做partner都睇到滴汗😰 Anyway,撇除豬隊友，同班志同道合fds打🏸係人生快樂事🤭🤭🤭 PS:今晚著左日本買番嚟既戰衣打波，一個字：型（我話嘅🤩） Goodnight😴😴😴

Related Feeds

今日off，嗱嗱聲去睇戲，想睇好耐，口碑又ok,點知買飛見到sitting plan..O咀😮得我一個🫣，可能套戲做咗一段時間入場後，我嗰行加埋我六個人，後座兩個人，成間戲院八個人🤭 自認成日掂住電子產品，對於女主既網絡搜尋都知佢做緊乜，但係有啲bug就係操作「忘記密碼」，當事人都會收到通知，戲內係無呢個情況出現，眼見女主係咁走入人哋既郵箱睇嘢，無人之境，當事人都無反應🤔戲內都係用緊大眾都用嘅google and Fb ，套戲劇情轉折，估佢唔到，結局幾合理👍 擒晚去咗fd屋企品酒，支白酒㗳落幾正，醇🤩落到喉嚨前會feel到葡萄味，好香😍拎住酒杯同fd 吹水。。。滿足到一個點🙃🙃🙃

有無搞錯丫，去到先知摺咗，網上資料不可盡信丫😤日本武士帶點神秘，我好奇，諗住今次正啦，網上資料顯示新宿有間武士博物館，就去探索一下，去到先知收左皮😢咁我點算丫，揾咩睇丫😓落莫的心大爆發😒腦筋一轉隨腳行啦‍🏃‍♀️🏃🏃‍♂️ 竟然發現新宿有小肥羊，嘿嘿。。。總有一間係左近，又發現一幢曲線型大廈，玩味十足🤭 行吓行吓。。。竟然比我由新宿行到去原宿的明治神宮。。。🏃‍♀️🏃🏃‍♂️好在無露宿🤫 綠樹成蔭⋯⋯心情舒暢，不期然除鞋攤抖。。。呢吓動作連漫畫英雄都叫正呀🤭🤭🤭 回程梗係搭車啦，終於比我影到車頭相🤪 PS:街頭舞者勁跳得👍帶啲歡樂比路人甲(me🤫)

返左幾日工，今日off，爽皮🤩 天氣好好，惠康呢期甜筒優惠，56.9/2盒，平到無朋友，一陣去掃貨，噢。。會唔會又肥番😱 最近AI chatGPT 好hit,平時我同Siri有互動，佢啲答案幾過癮，得啖笑，真心想AI智能機械人快啲面世，當然價錢要平到我買得起或租得起，機械人和活人互動或生活已係大勢所趨。。。最好就係唔止陪我傾計咁簡單，仲要識洗吓廁所，煮吓飯。。咁就perfect🤩當然不能智能叛變🤔 呢幾日兩間電視台都介紹東京遊，又美食又shopping,令到我又想再出發🤓回想係東京食拉麵丫，士多啤梨丫，剌身丫就回味無窮🤤不過，返工無耐又請假，驚俾人摌😒