感謝糖尿病友組織「糖尿天使」替病友去信相關單位/人士，要求提供清晰指引給廣大擬接種疫苗糖尿病患者🙏🙏 謹記：月費群組並無任何註冊組織，更缺乏專業醫療團隊支援，純粹以個人經驗分享而收取費用斂財，糖友切勿助長不良風氣，亦不應輕信網上老千而浪費金錢。

生酮飲食有一定風險，容易引發酮酸中毒，糖友實施前必需三思🤔

琴晚天氣好悶焗，瞓得唔係咁好，今朝好早就起咗身，無無聊聊又唔想自己整嘢食，於是落街去大快活食咗呢份早餐，今日竟然食得曬(平時通粉食一半)，跟住四圍行下，返到屋企閙鐘響(食嘢時習慣調好倒數兩小時)，拿拿聲篤下手指，睇下餐後會唔會升(早餐我跟針、藥，所以一般唔會升好多)，咦！5.2mmol/L，即係代表針藥份量fit到漏油，正！ 以上重點係： ①確診糖尿病患者係絕對需要配合醫學，達致平衡及穩定血糖。 ②詳細血糖記錄(篤手指)有助醫護調整適合自己嘅藥物劑量，當血糖值改善，可以適時減藥(小弟九月到而家，已經減咗三次藥)，所以用藥並非一定越食越多。 ＊圖片內葯物包括：Amlodipine(血壓)、Atenolol(血壓)、Losartan(血壓)、Empagliflozin(糖尿)、Metformin(糖尿)、Pioglitazone(糖尿)、胰島素針劑 改變飲食習慣、配合藥物輔助、加強運動量，控糖就係咁簡單，為乜要用乜乜物物方法虐待自己？使乜花無謂錢去買大堆保健品？點解要捐窿捐罅去揾特別食材？ 真係咁得閒？