今天元宵節，祝大家元宵節快樂！ 想吃湯圓的話要注意熱量！

琴晚阿女原本要返夜班，所以提前食咗一餐，點知公司突然又放佢假，結果三仔爺又食多一劑，燒完嘢食12點仲有蛋糕食，幾個月嚟終於放肆咗一次，仲食咗兩大件蛋糕(三仔爺食曬個蛋糕)，坦白講之後個心都驚驚地，蛋糕後兩小時篤咗手指，結果又唔太差，感恩身體俾我瘋狂食咗一晚，今年生日願望，人人身體健康🥳🥳

琴晚11點幾篤手指4.9，因為冇乜肚餓感覺，所以冇特別加小食，點知今日10點幾食早餐前篤下手指，竟然7.0(近排少見)，女兒又整咗早餐，雖然餐前高咗少少，但都要食嘅，於是我食咗⅓個福字米粉+6隻煎餃，伴隨早上食嘅控糖藥：(Metformin 1000mg、Empagliflozin 25mg、Ploglitazone 30mg、胰島素 28unit)，餐後兩小時再篤手指6.2。 如果空腹唔係咁高，本來我可以承受½個福字米+10-12只煎餃，食少咗添😓