又一次證明，食菜嘅重要性，根據經驗，同樣份量早餐如果無蔬菜，升糖值會更高。 葉菜係我地不可缺少嘅控糖伴侶，要穩定血糖，一定要增加纖維攝取，有飽腹感自然會食少啲，大家加油💪

事實上，無話乜嘢食物係糖友一定唔食得嘅，只要日常遵照醫生吩咐定時用藥，保持適當運動及控制每次進食份量，以淺嚐半飽為原則，咁就唔使怕了

琴晚11點幾篤手指4.9，因為冇乜肚餓感覺，所以冇特別加小食，點知今日10點幾食早餐前篤下手指，竟然7.0(近排少見)，女兒又整咗早餐，雖然餐前高咗少少，但都要食嘅，於是我食咗⅓個福字米粉+6隻煎餃，伴隨早上食嘅控糖藥：(Metformin 1000mg、Empagliflozin 25mg、Ploglitazone 30mg、胰島素 28unit)，餐後兩小時再篤手指6.2。 如果空腹唔係咁高，本來我可以承受½個福字米+10-12只煎餃，食少咗添😓