其實好多嘢，一早有人講過，有一提過，可惜都係冇人聲，然而有一日，大家好似發現新大陸咁一齊衝……JM9？ #羅馬式建築 #深水埗 #主教山 #SSP 踢爆官員講大話 建築學生兩年前獲水務署提供圖則 發現羅馬式拱門 逾百年歷史的深水埗主教山配水庫離被拆毀只差一線，發展局文物保育專員今解釋，指2017年時根據當時資料，評估該處為一個水缸；有建築學碩士課程畢業生踢爆，早於2018年獲水務署提供配水庫的圖則，得知配水庫內部拱門是「拱完又拱」，即在羅馬式拱門之上，還有一層拱形的混凝土頂層結構，結構相當「有心機」，質疑官方對設計不知情的說法，呼籲水務署公開其他已荒廢的水利設施圖則，供公眾研究。 發展局文物保育專員蔣志豪今日指，水務署於2017年曾就主教山地下水缸工程諮詢古蹟辦，惟基於當時資料及雙方溝通失誤，誤以為該水務設施「只係一個普通嘅水缸」。中文大學建築學碩士課程畢業生林嘉慧接受《蘋果》訪問時指，2018年在學時研究公共屋邨附近的公共空間，無意中發現主教山配水庫，遂去信水務署索取配水庫圖則，發現其建築結構相當罕見，「真係搵到寶」。 百年前以混凝土製拱形倒模不易 林嘉慧按水務署提供的圖則重新模擬配水庫結構，並模擬內部蓄水時地面反射的情景，形容配水庫的圓形結構相當「有心機」，內部拱門是「拱完又拱」，即在羅馬式拱門之上，還有一層拱形的混凝土頂層結構，「以當時嘅技術要做拱形嘅混凝土倒模係非常困難」。 林嘉慧當時研究如何修復及運用配水庫的空間，提出保留大部份結構，建議活化為一個禪修空間，以及「嗰度嘅神秘感同清幽，係好有條件做到博物館同藝術用途」。惟提交報告予學系教授卻遭冷待，認為該處維修費用高昂，「佢哋一聽到『水缸』就唔開胃」，林嘉慧慨嘆當時缺乏學校支持，保育配水庫的念頭漸漸不了了之。 水務署回應「反映古蹟辦連圖都冇睇過」 林嘉慧認為，水務署及發展局今日的回應，反映「古蹟辦連圖都冇睇過」；而水務署亦有責任，「既然我嘅研究係基於水務署喺2018年畀我嗰份圖則，根本就唔存在佢哋唔知嗰個建築結構係點樣呢回事。」她呼籲水務署公開其他已荒廢的水利設施圖則，供公眾參考研究。 深水埗區議會主席楊彧批評發展局及古蹟辦有所隱瞞，又指古蹟辦不為蓄水池評估屬荒謬，「價值不在於功能，而係在於歷史」。 楊認為，很大機會是水務署失職，「可能係冇畀圖則佢（古蹟辦）」；而水務署「冇可能唔知，佢年年都要落去視察、維修，有相㗎嘛」。楊彧表示，深水埗區議會會繼續跟進事件，包括要求各涉事政府部門交代「所謂溝通問題」，避免日後重蹈覆轍。 深水埗區議員何啟明認為水務署「冇可能唔知，學生都搵到，點解政府部門都唔知？」他批評水務署「明顯係之前疏忽」。