朋友帶我去義大利餐廳食午餐，餐廳環境闊落，餐廳大部分都係義大利人 (講英文就得啦)，啲職員真係超熱情勁nice，感覺就好似去咗義大利咁。當日去到全餐廳滿座，仲等咗一陣位，最後安排去吧枱坐，望出去原來仲有個小露台 睇咗一陣餐牌，主食就嗌咗【Pennoni Arrabbiati Puttanesca】灑上香濃芝士粉，橙橙紅紅嘅粗管型意大利粉，加埋肉粒，仲有好多蕃茄，用咗辣蕃茄醬，味道帶少少辣，意粉口感煙煙韌韌 朋友嗌咗杯餐前開胃酒【Aperol Spritz】坐係吧枱位置可以近距離睇住調酒師，調配酒，呢杯酒鮮豔橙紅色，加入氣泡酒及氣泡水，入口清爽，仲有淡淡橙皮苦味，好特別 飲完開胃酒，當然要嗌番隻燒春雞【Polletto Al Mattone】燒到金黃色，外層皮香脆，內裡肉質嫩滑，落埋檸檬汁一齊食就最正 另外再嗌咗個沙律【Puntarelle Chicory Tips】配上咸咸嘅銀魚柳，而Puntarelle Chicory野菜食落口感爽脆，味道帶有少少苦味，但越食就越唔覺得苦，都幾特別 呢個甜品，大人小朋友都愛【Chocolate Fondue With Macine Cookies, Banana, Hazelnut Biscuit】用個大碗放住溶咗嘅朱古力，碟邊仲配有香蕉、士多啤梨、Macine Cookies(就好似個冬甩咁香口酥脆)、Hazelnut Biscuit (外脆內軟)、小泡芙，浸一浸朱古力，放入口，甜到入心好味道 我就嗌咗杯餐後檸檬甜酒【Limoncello】聽講義大利每次食完晚餐都會飲番一杯，檸檬甜酒內有檸檬皮、酒精、水和糖，味道甜甜 AMA Ristorante by The Amatricianist 灣仔莊士敦道208號25樓 #amarestauranthk #AMARistorante #italianrestaurant #italianchef #italian #AperolSpritz #Aperol #Limoncello #PuntarelleChicory #dessert #hkitalianrestaurant #WanChai #hkfood #foodblogger #foodie #景觀餐廳 #foodies #hkfoodies