#香香食好西 海逸君綽酒店坐落於紅磡海傍，當中位於二樓嘅海雲天可以邊用膳邊欣賞到遼闊海景，寧靜嘅環境亦予人一種遠離繁囂嘅感覺。 ⚜️ 🥟翡翠明蝦餃皇 $52 外皮厚薄適中，內餡包住兩隻新鮮大蝦仁，爽口彈滑，味道鮮美。 🍲灌湯小籠包 $42 質感略帶軟糯，吹彈可破，單睇底部墜落程度就知肉汁充分。 先咬開頂部，再吮一口湯汁，鮮豬肉嘅鮮味頓時佈滿整個口腔，肉餡飽滿、好有滿足感。 ✅點心價錢屬中高定位，服務同舒適度比一般大型連鎖酒樓有過之而無不及。 ✅茶葉品質佳，沖泡起嚟順喉而不澀，唔似有啲茶葉會越沖越鞋口。 ✅ 新推出午市90分鐘任食，人頭計茶芥加一$200左右就可以試到不同點心，啱哂眼闊肚窄嘅客人。 ❌不建議點炸物，油膩感重、有抑味。 #食在紅磡 #海雲天 #海逸君綽酒店

#香香食好西 每次經過湖光街都見到店員喺門口招徠，充分表現出台灣人熱情好客嘅文化，今日終於有機會一試。 ⚜️ 下午茶餐（$34）性價比高，一小碗主食配三款小食，包普通飲料。 小碗麻醬拌麵 配 滷蛋、涼拌黃瓜、鹽酥雞 主食份量拿捏得宜，麻醬香口惹味，充饑而不飽滯； 鹽酥雞屬瘦肉部位，口感結實又唔會太乾，反而係隻蛋老咗啲。 🍜豐盛牛肉乾拌麵 $74 拌麵已預先拌好，味道鹹中帶微甜，麵質彈牙中帶些許煙韌，幾有咬口，蔥花、青瓜絲擺放一邊自由加添，但青瓜偏老、唔夠爽脆； 配料份量正如其名，牛筋牛腩丸類蔬菜樣樣有啲，筋腩炆得夠稔軟，蘿蔔好入味，一咬爆哂滷水汁。 魚酥皮蛋豆腐 $30 夏天食豆腐冷盤夠哂消暑，木魚削成大片有口感，與旗魚鬆同樣起到提鮮作用，令原味清淡嘅豆腐生色不少； 醬汁略鹹，幸而豆腐份量夠多中和返。 #食在紅磡 #讚好台灣 #我來自台中

鰹魚吉列豬扒瀑布闊條麵，好飽🙈 麵.睦月 紅磡湖光街7號聯盛大廈地下10B1號舖 #紅磡 #nearD好西 #食乜麵 #是日午餐 #黃色經濟圈 #黃店 #食在紅磡 #紅磡黃店 #紅磡美食 #麵睦月