誣罪審判

電影語錄

JodieFoster

TheMauritanian

ShaileneWoodley

TaharRahim

nearDapp

movie

影評

電影

電影推薦

Feeds

#影評 #誣罪審判 #有劇透 首先,基於電影名字叫「誣罪」審判,我們要先假設主角沒有罪⋯⋯ 故事講述身為前瓦爾蓋達成員嘅毛里塔尼亞人主角被剝奪自由,之後於軍事監獄內被嚴刑迫供,大約六、七年後,人權律師及軍事檢察官嘅出現,真相慢慢被揭曉,最終主角於法律場上戰勝美國政府,最終重獲自由。 當中帶出了即使於美國及西方世界這些於別人眼中比較文明嘅地方,也會出現一些極權及剝削嘅極端行為;基於對文明及制度上嘅信任,電影內主角曾經表示對比起他兒時生活嘅地方(毛里塔尼亞),他現在(主角於德國工作)已不用擔心或害怕面對警察,但諷刺嘅係,拘捕、押送他的是比警察更高層次的軍方以致國家。 電影最後出現咗兩個情節令人不勝唏噓 第一,主角於監獄內用視像於法庭宣誓,錯誤跟隨朗讀者以「你的名字」作為自我嘅稱呼。即使主角是個聰明及有學識的人,但遇到軍事監獄內的剝奪及去人性化,也會使其慢慢失去自我意識,這恰恰回應了自由的重要。 第二,奧巴馬政府嘅上訴。 一句沒有聲音的句子於片未出現,陳述得非常輕描淡寫,更能夠表現到世界嘅荒謬。 劇情嘅鋪排並非平舖直敘,當中出現很多主角的回憶,但係整個故事不難明白,雖然電影最初用要很大的篇幅去交代背景,但整體結構尚算工整及流暢。130分鐘嘅內容,大家只要養足精神,應該不難理解。

(劇透注意⚠️) 描繪美國政府在審問911事件相關人士時使用酷刑的電影近年不算新鮮,如追擊拉登行動和香港沒有上映的酷刑報告(The Report)等都有從不同角度作出控訴,而誣罪審判則取材自其中一位犯人和他的辯護律師在訴訟期間發現軍方高層千方百計想要隱瞞事實但依然堅持到底,最終算是取得勝利的故事。 除了題材本身是我偏好的政治驚悚電影外,另一吸引我進場的主因自然是茱迪科士打,她飾演的人權律師蘭絲賀蘭達頂著一頭白髮氣勢逼人,顯然女強人律師角色完全難不到她。飾演男主角史拉希的塔哈拉辛是精通多國語言的影帝級人馬,看他在幾種語言間自然轉換的表現,難怪製作方會覺得這角色非他莫屬。其他角色的演出也相當精彩,還少有地拜會班尼狄甘巴貝治的美國腔XD 每次看完此類電影都會相當感慨,雖然明白911事件後美國人對恐怖主義的痛恨,但為了情報而採用非法手段,特地把設施搬到不受法律約束的境外,有殺錯無放過的手段又是否可取?看到片尾提及史拉希雖然最終獲釋,但前後一共坐了十四年冤獄,錯失人生最美好的時光,美國政府至今也未曾作出任何道歉。 史拉希說過在阿拉伯語中,自由和寛恕是同一個詞,但現實中,又有多少人能和他一樣完全釋懷呢? #誣罪審判 #影評 #電影 #movie

#誣罪審判 全片一氣呵成,完全沒有悶場,值得推介📣📣!榮獲金球獎、英國奧斯卡、倫敦影評人協會等多項提名,確是實至名歸。 影片揭示十四年冤獄案件的真人真事改編,《沉默的羔羊》兩屆金像影后茱迪科士打,聯同《奇異博士》人氣男星班尼狄甘巴貝治、法國凱撒獎影帝塔哈拉辛演出,正面與美國政府力抗到底,追求公義與自由的一戰💪💪! #誣罪審判 #金球獎 #奧斯卡 #電影 #影評

注意⚠️ 《誣罪審判》影評含少量劇透 好耐冇入過戲院,朋友介紹我睇《誣罪審判》,果然係幾好睇。本身我都好鍾意呢類充滿住政治、陰謀論題材電影! 整套《誣罪審判》唔單止主角們好戲,連一眾配角都有驚喜,每個出場角色嘅微表情同埋小動作,都令到套戲好真實!不能不讚法國影帝 (塔哈拉辛)精通多國語言,而且角色好適合佢,入型入格!絕對只有佢先可以carry到呢個咁重要嘅主角! 《誣罪審判》鋪排了唔同嘅時空,穿梭不同場景同回憶場面,鏡頭嘅運用、效果令觀眾好易理解男主角被禁嘅過程!講返「關塔那摩」監獄嘅日子,被拘捕、審問到釋放係成套戲嘅精粹,而且令人很震撼。 喜歡《誣罪審判》未到最後一刻都未必好確信男主角係有罪定無罪,要一幕幕咁揭開。而且不能不提信仰對兩個宗教國家的祈禱詞,由其是清真教的那句「原諒」、「自由」也是同一個字詞,這個是這套戲想帶出的訊息。 片場130分鐘的《誣罪審判》給觀眾大量嘅訊息,完全令人透不過氣,劇情緊湊。而緊張過後完場時有一段時間是靜默,沒有任何音效,螢幕寫出奧巴馬政府的行為。然後播放真實世界各重要角色的真人片段,發現人物同選角都入形入格。 最震撼的是⋯⋯ 最後的真人片段、《誣罪審判》真人版「史拉希」原來是一個充滿快樂的人,經歷這十四年冤獄的他,還可以有這麼樂觀喜樂的心,真正的「自由」。 對於法治及政府的公義vs不公義、值得推薦香港人一看。 每個國家、政府也有好、也有壞。 #電影 #影評 #電影推薦 #誣罪審判 #電影介紹 #香港影評人

初頭睇預告嗰陣以為《誣罪審判》會好悶,估唔到慢慢代入到主角嘅處境,變得刺激,內心感到無奈、可怕 . 這部電影是政治驚悚電影,眾多明星、影帝參與其中,電影內容圍繞住描繪美國政府在針對911事件審問相關人士,過程中使用酷刑迫供,男主角「犯人」和他的辯護律師在訴訟期間發現軍方高層千方百計隱瞞事實,堅決要將犯人入罪,2人經過重重難關,堅持到底,最終經過14年冤獄獲得勝利 . 911事件令美國人對恐怖主義感到無限憎恨,然而背後卻把無罪之人入罪,卻是十分可悲,令史拉希錯失人生最美好的時光,美國政府至今也未曾對他作出任何道歉、賠償,當然人生亦是無價的,雖然阿拉伯語中,自由和寛恕是同一個詞,但又有誰可以如此寬恕和釋懷 #nearDapp #movie #影評 #電影 #誣罪審判 #TheMauritanian

劇透慎入!! 這部改編自真人真事的電影講述毛利塔尼亞人Mohamedou Ould Slahi (Tahar Rahim飾) 涉嫌參與 911 恐怖襲擊,面臨招募阿爾蓋達成員、為恐怖分子提供資金等嚴重指控。然而,美軍多年來未能提供有力證據起訴 Slahi,遂於古巴關塔那摩灣 (Guantanamo Bay) 囚禁他超過十四年,期間為了迫他認罪,向他施以種種被美軍稱為「special treatment」的酷刑,包括強迫性交、在極端温度的囚室服刑、水刑、強迫長時間擺出高壓姿勢等,後來軍方甚至威脅把 Slahi 的母親也囚禁於關塔那摩監獄,並暗示她會被輪姦,最後令 Slahi 承認罪行。 呢套戲係講維護人權法治,好多時大家都以貌取人,開頭我都會覺得究竟Slahi係唔係真係有罪,但係去到後半部分睇到佢畀人逼供,都仲敢相信法律,。佢嘅堅持令人感動。雖然白白坐咗14年冤屈獄,但係佢都冇怪責過虐待佢嘅軍人,反而選擇原諒,令人佩服。 #nearDapp #movie #影評 #電影 #誣罪審判 #TheMauritanian

誣罪審判在首日上映奪得香港開畫票房冠軍我絕不驚訝,連過往對政治題材電影冷感的我,也開始留意關乎政府濫權/專權的電影。 電影再一次強調,這絕對是「真人真事」。如這樣一個自由民主代表美國,,打着「保護國家安全」為由,可隨便抓一個人,囚在監獄裡十多年,任由宰割⋯篤波破了自由法治的謊言。 一幕一幕,觸痛著我。 聽到旁邊的「紙巾聲」,大抵香港觀眾跟我一樣有共鳴 在劇中,那些為捍衛人權、為良知而挺身而出的凡人。無疑是給在絕境中的我們最大安慰 #電影 #movie #電影預告 #電影推薦 #影評 #誣罪審判 #TheMauritanian

好耐冇去睇電影啦! 呢出誣罪審判movie 幾有意思! 大家又有冇睇呢? 真人真事改編 現今社會 大家認為公義重要嗎? 一同追求司法正義,過程中雖面臨重重阻礙 但是很重要的! 共嗚! #nearDapp #movie #影評 #電影 #誣罪審判 #TheMauritanian

《誣罪審判》後感,喺Fact Check 年代難得一套包括紀錄片、政治、法庭題材為一身嘅電影🎬 . 初初我見到Tahar Rahim、Benedict 兩位男神級影帝加倨影后,以為係演技上有一番大鬥法,點知係更深層由仇恨到了解,由了解到開懷,從外部對戲到同自己角色立場對戲,學其他影評咁講,其實佢真係無咩冷場位! . 涉及社會利益同道德對立嘅時候,如果你係控辯雙方你又會點做? . 故事改篇《我在關塔那摩的日子》,主角因曾收留911參與者在家留宿,於911後被誣告成為恐襲主謀之一,喺無證據同無審判過下,無辜受14年冤獄,無罪名、無起訴,更受盡百般凌辱。之後一位人權律師決心要拯救他離開冤獄,控辯雙方都發現軍方最高機構百般隱瞞,似乎要搵代罪羔羊,就係依個故事嘅主題。 . 全片130分鐘,長達14年內容要完整交待表達,節奏同鏡頭控制一流,一轉入監獄同回憶相關嘅片段,畫面由16:9轉到;方框,高感光度拍攝,手持等唔同技巧讓觀眾容易分別時間線同擁有強大代入感!我直頭喺有幾個畫面好似睇緊王家衛嘅shot 咁。 . 我最鍾意片尾演受害人一角嘅Tahar Rahim 更加黎一轉演技爆發,一段自辯令人覺得佢真係親身經歷咁樣,身為觀眾之一,自己再望番依一年嘅香港,即使可以判無罪,但現實中要做到真正寬恕,談何容易? . 真心配服依位真人真事嘅主人翁 . #movie #電影 #影評 #電影推薦 #nearDapp #誣罪審判 #TheMauritanian

電影感好強,真人真事改編,好寫實而且發人心省嘅一部電影,一氣呵成無悶場!追求公義同自由嘅你一定要入場欣賞。 #nearDapp #movie #影評 #電影 #誣罪審判 #TheMauritanian

Groups

nearD 電影會 🎥 好戲連場

電影迷不可不知道的電影出爐資訊 入嚟一齊分享電影海報、預告片、影評、製作花絮& 戲院優惠!放工放假想輕鬆吓~梗係去睇戲啦! 大家睇完戲記得上嚟講兩句 👋🤣但唔准劇透架! #movie #film #cinema

nearD 電影會 🎥 好戲連場

電影/影集/Netflix/綜藝影評

電影/影集/Netflix/綜藝影評

Profiles

DL

喜歡吃,喜歡交朋友🥳

38 Followers

1 Followings

219 feeds

DL

電影狂人

97 Followers

0 Followings

235 feeds

電影狂人

飯飯314

7 Followers

4 Followings

44 feeds

飯飯314

露比娜美の日常

13 Followers

1 Followings

26 feeds

露比娜美の日常

Kinki

11 Followers

0 Followings

24 feeds

Kinki

Don Lau

IG: @donlaukt 木工導師 | 攝影 | 健身導師 所有優惠連結 ▶️ http://campsite.bio/donlaukt/

95 Followers

1 Followings

19 feeds

Don Lau

This is chim

師奶吃貨一名:IG: hkfoodie_chim

537 Followers

29 Followings

113 feeds

This is chim

Ga_yeeyee

IG: ga_yeeyee | YouTube: Ga YeeYee | Fb page: Ka Yee Lee

273 Followers

0 Followings

34 feeds

Ga_yeeyee

Wing Cheng

10 Followers

29 Followings

4 feeds

Wing Cheng

simplymovie

觀影紀錄ig: simplymovie

11 Followers

0 Followings

1 feeds

simplymovie

Kwong Cho Yiu

24 Followers

0 Followings

2 feeds

Kwong Cho Yiu