～蟲二～ (❗伏❗) 今次其實唔係想同大家介紹好既餐廳......呢間好多人推薦，但個人真係唔會再嚟🙅🏻‍♀️，因為服務真心唔掂...... 原條西京漬鯖魚（$1️⃣5️⃣0️⃣） 佢有3款漬物，但個人認為唔多掂，麻辣木耳算幾好食，但唔日式，好唔夾。茶漬飯幾好食，但冇茶味，我個人還好，朋友就唔多滿意喇。 條鯖魚一言難盡......🙎🏻‍♀️，好明顯醃得唔夠味，食落似普通燒既鯖魚，皮唔脆嗰隻，唔係難食，但呢個價食咁既質素，我不如加十蚊要鰻魚好過🤷🏻‍♀️，超碼鰻魚正常味。 最後我加2️⃣5️⃣蚊要咗件柚子蛋糕，全場最垃圾🤢。無啦啦面頭整啲香蕉同提子做咩，完全唔夾。最大問題係冇咩柚子味！🤬原來佢只係加咗超級無敵少既柚子醬喺面，你唔認真食都食唔出！ 最後講下服務......明明佢哋拎錯餐俾我，我好有禮貌同佢哋講返，個侍應居然黑臉！💩 佢之後拎返啱既餐俾我嗰時仲係黑緊面🌚。真係唔好意思，搞到你小小事都黑臉。 仲有，佢哋執野嗰時倒瀉水（應該係茶），倒瀉喺枱都算，流到去張凳到都可以唔理！😟（當時我朋友去咗洗手間）就算你唔小心倒瀉，抹返張枱就OK，點解可以就咁走咗去唔理🤷🏻‍♀️，我個fd個袋仲要整濕咗！我完全唔明白點解啲服務可以咁差😡，基本野都做唔到...... 唔怪得咁多人話佢服務差，絕對唔會有下次！ 味道👍：06/10 (不知所謂的蛋糕) 價錢💰：07/10 環境🍽：08/10 服務💁🏻‍♀️：02/10 #蟲二 #中伏 #foodloversdiary #旺角伏食 #旺角