《勁歌金曲頒獎典禮2019》今日下午進行錄影，晚上播出，亦是頒獎禮舉辦多年以來首次取消直播。大會頒發48個獎項，單是歌曲就已經有20首，實在是皆大歡喜。不過論到歡喜，不得不提《勁歌》的歡喜冤家，就是「星夢娛樂」旗下的吳若希同菊梓喬（Hana），今年Hana繼續以大熱姿態獲得六個大獎，贏過只有三獎的吳若希，一向鬧不和的她們似乎又會再令傳聞升溫。 不過當大會宣布「最受歡迎女歌星」獎是Hana時，坐在隔兩個位旁邊的吳若希立即擰歪面，似乎不想見證這一切發生，Hana在台上心情激動，多謝公司之餘，亦感激歌迷的支持，她說：「冇你哋嘅支持，我唔可以撐到今時今日。」 提到Hana得獎時，吳若希的表情管理一向受到關注，今次她直接擰轉面沒有望Hana，她說：「我有拍手，（你反應太真！）係咪？我哋討論緊一陣慶功食咩，(食緊要過獎？)我係，其他人就唔知喇！」對於Hana連續兩年都成為頒獎禮的大贏家，是否意味著將「星夢一姐」之位拱手相讓給Hana，吳若希說：「我冇做過一姐，梗係冇啦，我都冇攞過『最受歡迎女歌星』獎，喺我心目中，佢永遠都係一姐。」她又笑言今年忘記望鏡頭，相信未能讓網友製作「GIF」圖瘋傳。