早排同大同食飯，揀咗一間喺荔枝角工廠大廈既西餐廳。雖然係工廠大廈入面，但環境都唔錯。 香蒜薯條($4️⃣8️⃣) 呢款薯條真係必叫，炸得勁香有少少辣，本身已經調味過，唔點醬都好惹味🤤，好少食到咁高質既薯條。 青醬牛油果燒烤菇意粉($1️⃣2️⃣8️⃣) 每個主菜均有餐湯，佢呢款係南瓜湯，南瓜味唔算好湯，但都幾好飲。 至於呢個青醬意粉，都真係幾高質😚，我哋3個都好中意。不過d菇🍄上面既牛油果醬就麻麻，都係嫌有d酸。 迷迭香燒春雞($1️⃣4️⃣8️⃣) 佢d薯條係exactly小食嗰隻，所以超正。😍而隻雞都燒得好靚，皮脆肉嫩，仲係好juicy，配埋d醬一齊食好正。 龍利柳波菜芝士露筍卷($1️⃣3️⃣8️⃣) 呢個同想像中有d出入，而且調味唔夠。d魚質地都比較普通同淋，整體表現唔麻麻。 Daily cake (+$2️⃣8️⃣) 是日蛋糕係芒果千層蛋糕，我自己本身唔太中意千層蛋糕既口感😂，不過佢呢款都唔差既，d cream唔漏，皮又算薄。 朱古力棉花堡壘($5️⃣8️⃣) 呢個甜品我哋個個都爭住食😍，個brownie 仲係熱熱地，朱古力🍫味超濃，配埋雪糕個口感好正。 呢餐真係好滿足，埋單都係每人2百👻，但質素都幾高下，絕對有下次。 味道👍 : 09/10 價錢💰 : 08/10 環境🍽 : 09/10 #foodloversdiary #theamericano #nearD好西 #荔枝角美食