朋友前排介紹我去豆乳狂人店,今日收工咁啱經過河畔花園,買咗甜品 + 粢飯,真係無介紹錯,好食到Lam Lam 脷,仲有好多款選擇,飯後甜品就要食番碗 睇住餐牌已覺得好吸引,仲有好多配料,可以睇到職員即場製作【超煙韌豆花 $42】啲豆腐真係超滑,芋圓、小丸子咬落超級煙韌,連珍珠都好正,個奶蓋又香又滑 另外再嗌咗一款【黑糖桃膠豆花 $28】桃膠滋陰養顏,女士們愛食,呢碗黑糖桃膠份量好多,桃膠有一半份量,入口滿滿桃膠,配埋香滑豆花真係好好味,黑糖味有少少甜,但唔會太甜 除咗甜品外,仲嗌咗個【牛油果吉列蝦青瓜絲粢飯 $42】呢款粢飯包得勁厚實,份量又多,入面嘅餡料塞到爆滿,新鮮嘅牛油果同玉子真係好爽,仲有2隻香脆吉列蝦,爽口青瓜絲,滿滿肉鬆,口感豐富,有層次感,真係好正 嗌多一份小食【海苔肉鬆炸豆腐 $32】每粒炸豆腐都一口size,炸豆腐仲炸得好香,外脆內軟,落咗香濃椒鹽,仲撈埋海苔 + 肉鬆,正 最後叫咗枝樽裝飲品【仙草豆乳 $24】有得揀無糖或有糖,我揀咗有糖,飯前要搖一搖先飲,一半仙草一半豆乳嘅份量,8·6特濃豆乳好滑,仙草同豆乳好夾,每一口都滿滿仙草,好飲 SOYmart by 豆乳狂人 (沙田) 沙田河畔花園D座地下28號舖 #SOYmartby豆乳狂人 #SOYmart #豆乳狂人 #soy #豆腐花 #豆乳 #豆花 #沙田 #ShaTin #河畔花園 #hkfood #foodblogger #foodie #foodies #hkfoodies #hkfoodieblogger #happyhappy #bloggers #hkbloggers #influenspace #bloggerlife #yummyfood
![](https://attachment-storage.neard.com/a053f78bba6c9f312912388c8de1afcc.jpeg)
![](https://attachment-storage.neard.com/b1f1f01edddde3db61d2b74c95edc196.jpeg)
![](https://attachment-storage.neard.com/731cedbe9a560a87eac999c22b71fac2.jpeg)
![](https://attachment-storage.neard.com/348817df89e6e314897df65bf6b8990d.jpeg)
![](https://attachment-storage.neard.com/d2f226b4fe56c35ad1ded0459309d5c4.jpeg)
![](https://attachment-storage.neard.com/46c30312607742524ab6fc426fca080c.jpeg)
![](https://attachment-storage.neard.com/bd3bc6f11ace3a45b5f25f4d2b89c746.jpeg)
![](https://attachment-storage.neard.com/2ff5af583467874fc6b224ad964a2a5d.jpeg)
![](https://attachment-storage.neard.com/50837fbda3d640e0c7cc1625e6999ab4.jpeg)
![](https://attachment-storage.neard.com/3157b42d03bca0628973ba885f686ea4.jpeg)
![](https://attachment-storage.neard.com/83a05a2eb1e8604894efa088508c533d.jpeg)
![](https://attachment-storage.neard.com/b4899923bd90cd3d887cb19fe49e0d5a.jpeg)