係尖沙咀行街行到餓，見到對面有間居酒居，一樓全層，地方好多，座位爆滿。仲有優惠，如果叫A4和牛，會自動升級為A5和牛；另外宜家係“熊”酒節 有可愛態啤啤陪你食飯添，只要點只定飲品，就可以得到熊啤啤，又或者集齊只定熊啤啤相片數量，就可以換取精選甜品/清酒煮蜆/刺身添，全部都好吸引呀 睇完餐牌後，就嗌咗個【黑松露大拖羅蓉卷 $168】鮮味濃郁嘅黑松露，加入口即溶嘅大拖羅蓉，卷物內有牛油果、蟹柳同青瓜，一碟有6件真係唔夠食，因為真係鮮甜好味 再嚟就係飲品，一共有2杯【北海道士多啤梨牛乳乳酪 $48】粉紅色好靚，味道甜甜地；另一杯【蜜桃烏龍熊茶 $58】可愛到爆嘅冰熊仔係最頂，灑上玫瑰花瓣帶點花香味，清新蜜桃烏龍茶甜度唔算高，打卡一流 美食陸續嚟【日本產A4和牛海膽卷 $258】最正係自動升級為A5和牛，一碟有4件，每件都係一口Size，每件都有鮮甜海膽，份量仲唔少，和牛肉質咬落嫩滑唔韌，4件真係唔夠喉 重頭戲嚟啦【日本南瓜芝士龍蝦二食 $288】原價係 $576，依家做緊半價優惠，真係好抵食。南瓜忌廉湯配芝士蛋捲，呢個配搭好正，咬一口芝士蛋捲，飲一口香滑南瓜湯，口味會變得香甜 ~ 爽口彈牙嘅龍蝦肉用清酒煮後再焗，再舖上南瓜蓉，鮮甜好味 最後一碟就係【燒三文魚頭 $88】超香嘅三文魚頭熱辣辣，魚頭嘅魚肉份量都好多，肉質鮮甜嫩滑 (唔小心錫咗魚咀一下，被牙齒鈎到咀唇) 黑木亭居酒屋 (尖沙咀) 尖沙咀金馬倫道58至60號國鈀大廈1樓 #黑木亭居酒屋 #黑木亭 #居酒屋 #尖沙咀 #tst #日式料理 #hkfood #foodblogger #foodie #foodies #hkfoodies #hkfoodieblogger #happyhappy #bloggers #hkbloggers #influenspace #bloggerlife #yummyfood