同朋友去完朗豪坊行街後，再去朗晴坊食晚餐，今晚想食泰國餐，所以上咗去2樓嘅真心泰國菜館，呢到裝飾好特別，感覺就似去咗泰國咁 睇完餐牌，就要叫咗個兩份下午茶餐，一份就係【泰式菠蘿炒飯 $42】夠哂鑊氣，炒得粒粒飯分明，配料好多，菠蘿甜甜酸酸夠哂開胃，撈埋肉鬆一齊食真係超正；飲品就叫咗【泰式西施椰青 $48】飲一口清涼，消暑解渴 另一份下午茶餐就叫咗【香葉碎肉炒飯 (配白飯) $42】每一口都滿滿碎肉，味道同去泰國食嘅一樣咁正，夠哂正宗；飲品就叫咗杯【凍青檸樂 $2】 另外叫咗兩碟小食【泰國炸蝦餅 (4塊) $68】即口即炸，外層香脆，內裡結實，爽口彈牙，好好味，配埋泰式辣醬，完美配搭；及【泰國炸春卷 (素) 3pcs $55】熱辣辣，炸得外層好脆口，內裡滿滿餡料，一啲都唔油膩，點埋泰式辣醬一齊食 兩個人都係食咗二百幾蚊，抵食又大碟，真係好正 真心泰國菜館 旺角砵蘭街215號朗晴坊2樓