究竟我係咪一日headhunt,一世headhunt呢? 急急腳做晒啲嘢返屋企同阿媽撐枱腳,仲特登叫佢唔好煮飯,因為想大家多啲時間傾計,正當我哋兩母子揀緊叫咩外賣嘅時候,電話忽然響起,係之前做headhunt嘅舊客。 舊客:「急急地呀,想搵個Admin同埋兩個Sales,頭先email你彈返轉頭嘅,轉咗email address咩?」 我:「唔係轉咗email address,係轉咗工,我冇做headhunt好耐喇。」 舊客:「你哋而家啲人真係好鍾意轉工㗎喎!我公司又係咁,所以先趕住請返幾個人。」 咩而家啲人啫,你古代嚟㗎咩?不過為咗快啲收線叫外賣,我選擇答:「係啦,係啦。」 舊客:「好煩呀,我公司最近離職率好高。」 首先,我轉咗工,但唔係轉咗做社工,你覺得煩都唔應該搵我訴苦吖,更何況我返得屋企同阿媽食飯,即係代表已經到晚飯時間,你選擇OT啫,我係無辜㗎! 舊客繼續講,似乎未有收線嘅念頭:「我覺得係呢一代太短視,身在福中不知福,我哋以前為咗搵食咩都肯做,有假都唔敢放呀!」 我:「上一代人搵錢係辛苦,但唔代表呢一代係輕鬆,以前即時通訊軟件未普及,放工就真係放工,而家科技太發達,離開咗office都大把嘢跟。」抵唔住頸醒返佢幾句,今次真係蠢咗。 舊客:「不如話而家啲人唔捱得,我提議叫IT部block咗啲求職網,唔好畀同事用返工時間走去搵工,你點睇?」 咁可愛?上一句咪話咗科技發達囉,叫IT block求職網有鬼用呀?你班同事唔識用電話上網㗎?不過我要沉住氣喇,因為好肚餓,真係想叫外賣...... 我:「好主意喎!聽日搵IT部傾傾啦,我食飯先喇,你都唔好做到咁夜呀。」 舊客:「唉,我都想收工食飯呀,搵食係咁㗎喇,好啦,唔阻你先。」 搵食係咁?乜搵食真係咁咩?最近睇子華神喺foodpanda個廣告裡面講搵食哲學,好似唔係咁喎!當中都有好多金句值得細味同反思,例如:搵到錢,又搵唔搵到「樽鹽」;搵到首期,又有幾多時間留喺屋企;搵食啫,唔好搵自己笨。 我就最想搵更多時間,可以同阿媽食餐安樂茶飯,就係咁簡單㗎咋🤷🏻‍♂️講開foodpanda,佢哋除咗嗌嘢食之外,仲可以嗌超市零食雜貨汽水等等,連搵食App都唔淨止搵食,我哋作為有血有肉嘅人,都係時候思考下自己仲想搵啲咩喇。 你呢?你又最想搵咩呢?搵下朋友?搵下家人?搵返自己?定係搵下工作以外嘅人生?

Related Feeds

有冇人覺得 WFH 好難飲夠水? #見字飲水

凍到變阿婆手🥶🥶🥶 咁凍又要用mouse,大家會點做? #投票 #凍凍凍 #打工仔日常 #workcation

我發現因為武漢肺炎之後,WFH多咗,係有啲好處。 第一︰瞓多咗,同平時一樣時間上床,又可以瞓多半個鐘先起身。 第二︰睇多咗書,因為唔洗坐車浪費時間,又唔出街,冇嘢做就開始睇之前買咗嘅書,原來好多都好好睇! 你哋有冇乜改變? #疫轉人生 #WFH #打工仔 #打工仔日常 #homeoffice

打工仔Secret 扮工發洩!吼!

打工仔好大壓力?辛苦呀,講低你嘅煩惱🗣🗣🕳

打工仔Secret 扮工發洩!吼!

牛頭角牛魔王隻牛角

36 Followers

0 Followings

993 feeds

牛頭角牛魔王隻牛角

鍵盤戰神

10 Followers

1 Followings

103 feeds

鍵盤戰神

證監會的曾小姐

2 Followers

0 Followings

111 feeds

證監會的曾小姐

Maggie

14 Followers

0 Followings

101 feeds

Maggie

Mina Chan

74 Followers

0 Followings

470 feeds

Mina Chan

魯使忽

0 Followers

0 Followings

0 feeds

魯使忽

糧草

0 Followers

0 Followings

26 feeds

糧草

丫aume

9 Followers

0 Followings

15 feeds

丫aume

China

Hong Kong

Kowloon

Kwun Tong District

Kwun Tong District

Tsiu Lan Shue

Kwun Tong