𝘉𝘠𝘖𝘉 𝘊𝘰𝘧𝘧𝘦𝘦 𝘙𝘰𝘢𝘴𝘵𝘦𝘳 @ 𝘵𝘶𝘦𝘯 𝘮𝘶𝘯 - 兩個傻婆挑戰食芫荽意粉⁉️💛 👧🏻_話說喺2020年嘅最後一日 肥Glor終於成功喺屯門留下腳印👣😹今次朋友就帶左我去哩一間BYOB coffee roaster💛好彩去到都唔係好多人 等左大約15分鐘度就有位喇😽 一入到真係好想讚一讚佢個環境 光線充足之餘枱同枱之間嘅距離都十分之充足 唔會有壓迫感 坐得好舒服❣️呢間Cafe同大多數cafe一樣都係採取半自助形式🙌🏻本身喺Menu揀咗兩個意粉 但係去落單嘅時候竟然俾我發現到一個大大隻字寫住限時推介-法國藍青口芫荽意粉嘅餐牌😹由於我哋兩個都有特別嘅探險精神所以就決定試試佢啦😹😻 🌟限時推介-法國藍青口芫荽意粉 $88 成餐最有驚喜嘅一道菜😹只可以話老闆真係太有心思喇！我地本身抱住以身試伏嘅心態去食（嗰陣成間餐廳的我地一枱叫😸......）但係食落有幾容易入口喎 芫荽溶完美融合左喺每一條意粉 而且唔會有大部分人都好討厭嘅「芫荽怪味」我自己本身都唔係芫荽控 我會形容佢係草青味+蔬菜鮮味+少少五青汁嘅味 至於個青口都非常新鮮 而且足足有8粒😻性價比真係好高喔❣️（私心希望哩個限時推介可以放入正式menu入面😻） 🌟𝘏𝘰𝘬𝘬𝘢𝘪𝘥𝘰 𝘚𝘤𝘰𝘭𝘭𝘰𝘱 𝘔𝘪𝘯𝘨 𝘛𝘢𝘪𝘻𝘪 𝘚𝘱𝘢𝘨𝘩𝘦𝘵𝘵𝘪 $98 （明太子忌廉汁，北海道刺身帆立貝） 意粉彈牙有嚼勁 明太子濃厚嘅香氣配合大量忌廉汁 令到醬汁同意粉完美融合 啖啖都食到滿滿嘅明太子味😻完全冇醬汁同意粉分離嘅情況喎🙌🏻一碟只有兩粒帆立貝 但係就又大粒又煎到金黃色 每人一粒過下口癮已經好開心😽 🌟𝘏𝘢𝘻𝘦𝘭𝘯𝘶𝘵 𝘓𝘢𝘵𝘵𝘦 $32 首先讚一讚佢個拉花 係我喺2020年見過最深刻嘅拉花 因為食過咁多次cafe嘅肥Glor都係第一次見到海馬拉花 旁邊仲有心心同原點作點綴 味道方面都好出色 棒果味比例適中唔會蓋過奶香 值得一試😽🙌🏻 🌟𝘔𝘰𝘤𝘩𝘢 𝘉𝘢𝘪𝘭𝘦𝘺𝘴 (𝘪𝘤𝘦) $45 哩個係朋友嗌嘅 肥Glor雖然唔係好鍾意Mocha但係哩喝落又幾滑幾濃味喎 反而baileys味就唔會話好出 如果再濃啲就好了🙌🏻😽 📍 BYOB Coffee Roaster (屯門) 屯門青桃徑5號文翔大廈地下2A號舖