呢幾日睇宮崎駿documentary，精彩。夠地夠真實，最憎睇果啲講設計師以前幾勁，生活幾優雅果啲離地訪問，貪圖安逸，毫無創作力。 以前以為宮崎駿上咗神枱，唔洗咁操勞，但原來仲係全部落手落腳砌，即係control freak，但係有point，吹佢唔漲。 亦都以為做創作做到咁上下年紀，就會減少掙扎，事實不然，掙扎係選擇，唔係狀態，掙扎係自己攞嚟，但係一旦放棄掙扎，就等於放棄創作。 佢係迫自己開新project，迫自己身處危機，迫自己用新畫法，自知年紀問題得返五份一機動力，就用返五倍時間去完成。 每次創造角色都以龍貓作假想敵，依然會挑戰全盛時期嘅自己。 睇到佢老人家創作依然十分痛苦，每一下都迫自己去極限，所以佢根本唔會退休成功。見到佢咁痛苦就顯得自己微不足道。 #宮崎駿