荃灣有好多特色小店，咁啱行過見到呢間店舖好多人係門口排隊，心絲絲行埋去睇下🥰想食好野，當然要等啦，等20分鐘就可以食到勁香又juicy嘅大雞髀 當叫我張收據上嘅號碼時，代表我有得食啦🤩嘩未食已經聞到勁香呀，已經想即刻食(但就到6點，要攞回家先食得。想咩都試下，所以就買咗五款不同美食，每樣我都好鍾意食😋 爸爸生炸爆汁大雞髀 $28 當然要叫番隻招牌生炸大雞髀🐓，即叫即炸無味精，睇賣相已經好正，又勁大隻，塊雞皮炸到勁香脆，咬落去啲肉汁爆哂出嚟，雞肉仲好嫩滑多汁；價錢合理，大大隻超好食 咯咯聲雞軟骨 (一堆) $22 雞軟骨咬落去真係咯咯聲，薄薄地嘅炸粉包圍住，食落仲唔會好油，好有咬口，搞到我食到停唔到口 薄粉爆脆魷魚手多多 $26 魷魚鬚🦑份量剛剛好，薄粉好重要，唔怕食到成日粉，魷魚內裡煙煙韌韌，好咬口 炸麻糬香芋波波 (六粒) $18 六粒炸到好香口既麻糬波波，餡料係香芋，一咬落煙煙韌韌口感好正，勁like😍 柚子蜜味雞翼 (單骨) $28 單骨雞翼入哂味，雞皮香好脆口，雞肉肉質夠哂嫩滑，加埋清甜柚子蜜味，香甜好味道，同雞翼嘅配搭真好夾(好味到差啲連個盒都食埋🤭) 另外，可以加入調味粉，調味粉一共有6款，爸爸味粉，一試愛上👍🏻 @雞髀爸爸 (荃灣) 荃灣鱟地坊74-78號天保大廈地下E2號舖 #雞髀爸爸 #荃灣 #雞髀 #雞軟骨 #魷魚 #麻糬 #雞翼 #無味精 #即叫即炸 #無味精 #foodies #hkfoodie #happyhappy #bloggerlife #分享生活點滴 #是日晚餐 #香港本地遊 #nearD好西