我地個個係 #正苦 人地係 #政府 台灣中央流行疫情指揮中心噚日以「民主防疫，感謝有你」為主題，喺台北圓山大飯店舉行「武漢肺炎防疫紀錄片首映暨防疫獎章授獎典禮」，更由總統小英親自頒發「防疫獎章」畀全國44位對於防疫有貢獻嘅個人、團體代表，以感謝佢哋默默協助台灣防疫、義無反顧咁喺各行各業努力，守護家園。 小英致詞時表示，喺全球都受到疫情衝擊底下，台灣嘅防疫成就「受到世界的矚目和肯定」。佢又大讚防疫工作成功嘅原因，係因為有各個領域嘅防疫英雄，喺唔同嘅崗位上奉獻付出。佢表示要代表全體國人，向現場每一位得獎者以及所有防疫英雄，「致上最真誠的感謝和敬意」。佢最後指，台灣嘅抗疫成果，係所有台灣人「共同的驕傲」，並再次感謝呢班英雄嘅付出，「讓台灣成為全世界最安全的地方」。 至於香港，一班抗疫英雄其實都默默咁為香港付出，佢哋不辭勞苦，日以繼夜、夜以繼日咁無間斷地工作，為嘅都係希望香港能夠抗疫成功。但政府呢？自從今年4月拍咗條長達1分鐘嘅「拍手片」「感謝醫護」之後，最近就已經急急腳開始清算當時有份罷工嘅醫護，不過毛毛都明嘅，始終「特首唔同」呀嘛～