localtour

Feeds

今個星期六 (11/7)，元朗橫洲三村將會舉行「再見橫洲大樹菠蘿節2020 」。今年將會係大樹菠蘿節嘅最後一屆，事關政府會係嚟緊7月15日正式滅村。是次活動除左同公眾分享橫洲盛產的大樹菠蘿及農作物之外，更會舉行研討會和導賞團，令公眾人士一同遊走三村認識城市中的綠化帶，了解香港農業、鄉村面對嘅困難。當日更有音樂會作結，有樂隊Teenage Riot、Boyz' Reborn 、唱作人黃衍仁、Wilson Tsang 會到場表演。大會安排咗大樹菠蘿試食及涼茶，歡迎任何人士去日期：7月11日(六) 時間：下午2時 – 7時 (導賞團時間：下午4:00-5:00，無需報名，即場參與) 地點：元朗朗屏路鳳池村120號費用：全免 #元朗橫洲三村 #元朗 #導賞團 #研討會 #音樂會 #大樹菠蘿節 #localtour #music #hongkong #香港 #再見橫洲大樹菠蘿節2020 #jackfruitfestival #supportyourcommunity #explorehongkong #橫洲收地 #出街好去處 #香港好去處 #元朗好去處 #週末好去處 #tripguidehk #出街 ------------------------------------ 發掘更多玩樂指南資訊，解決出街去邊度，跟住去邊嘅煩惱，請到以下連結 Website: tripguide.hk Facebook👉🏻TripGuide 出街 Instagram 👉🏻www.instagram.com/tripguide.hk

【TripGuide x 油麻地玉器街導賞團】 🙍🏻‍♀️：喂喂喂，你知唔知油麻地嗰玉器市場就嚟要搬喇？ 🙎🏻‍♂️：唔知噃，幾時啊？ 🙍🏻‍♀️：十二月啊，為配合中九龍幹線工程，已有36年歷史嘅玉器市場會搬去附近嘅臨時建築物地下 🙎🏻‍♂️：so sad，搵日去行下囉 🙍🏻‍♀️：好啊，我上網見到有個關於玉器街導賞團，不如我哋報名参加，襯機會去行下報名連結👇🏻👇🏻 bit.ly/3jVpf4q *由於受到疫情影響，出席者必須全程配帶口罩及注意個人衛生。 *為咗保持社交距離，每團會不多於三名参加者。 *額滿即止，先到先得。 *當成功報名後，我地會喺活動開始前一星期，以Whatsapp通知集合地點。 #玉器市場 #玉器街導賞團 #油麻地導賞團 #油麻地 #玉器 #導賞團 #工作坊 #本地遊 #油尖旺 #香港好去處 #香港體驗 #yaumatei #hkjademarket #localtour #workshop #HongKong #tripguidehk #出街 ------------------------------------ 發掘玩樂指南資訊，解決出街去邊度，跟住去邊嘅煩惱，請到以下連結 Website: tripguide.hk Instagram: instagram.com/tripguide.hk Facebook:www.Facebook.com/tripguide.hk

其實都係架... 呢d local tour都係旅客去架啦好似我地自由行去其他國家，有時語言不通都要去參加local tour🙈 最記得係柬埔寨個吳哥Ｘ，個導遊講得好好，又帶左我地去個影日落靚景所以係要支持下旅遊業，但正苦呢個做法就🙄 #本地遊 #深水埗 #localtour //HI! 我就係帶深水埗$770腸粉團果條粉腸 😄 唔講大家唔知，呢個深水埗團已經有成八年歷史。我入左呢間公司帶團4年了。 4年來，團友都係黎自歐美、澳洲、中東、印度、日本、韓國…. 你數得出嘅國家都有帶過。香港人? 有。10隻手指數曬。通常係因為工作，幫公司搵活動比外國同事玩。所以香港人見到呢個腸粉團，一定感到匪夷所思😅 再講多D比大家知，呢個腸粉團嘅受歡迎程度，喺旅遊旺季時，我自己一星期要帶5團，其他同事都要密密接呢個團。腸粉團已經比好多國際MEDIA同KOL報導為: One of the MUST DO in Hong Kong💪🏻👍🏻 喺旅行網站TripAdvisor，我地嘅美食團係入選左香港旅遊最佳精選活動🥳 「嘩! $770食$200幾蚊價值嘅食物? 果然係呃遊客先做得出!」😆😆😆 如果你對美食團的認知，只係流於食完間餐廳打完卡就走。咁個團真係好L貴。自己Google搵餐廳去食就夠了。其實深水埗除左以地踎美食馳名，亦有大量小店，老字號，老手藝，文青店。仲有貧窮、罪案、老化等問題。呢區可以對旅客細說嘅故事實在太多。先講地道平民美食，對外國人黎講，如果冇人帶住，真係唔知點同深水埗一班呀姐呀叔落Order。餐牌全中文? 餐牌咁多野食要Order邊樣呢? 其實腸粉應該點食呢? D醬係咩黎架? 呢PAT混醬+澱粉點解會俘虜左咁多港人嘅心? 你可以話所有野問Google都會有答案。但Google應該答唔到一個旅客，呢間舖頭嘅煮食秘方；老闆打拼左幾十年嘅歷史；D姐姐做左十幾年對食客嘅感情。而我作為一個港女，果種由細食腸粉食到大，睇住一碟由$2.5加到$12又愛又恨之情。再講社區貧窮。走在街上會睇到多老人多草根。但旅客知道佢地住喺劏房嗎?知道入面環境幾惡劣? 咁惡劣但比緊幾錢? 點解政府冇政策幫佢地? 我地香港嘅土地問題到底係點黎呢? 帶團有一個環節我最愛。就係帶旅客行街市。旅客見到一條條活生生嘅魚即場劏完仲識郁😈一堆血淋淋的生豬吊喺路邊🤩成街咸魚+奇異海味🤯 班鬼佬既驚嚇反應每每令我笑得很爽😎😎 笑完後，就要解釋香港的街市文化。點解食物處理上，亞洲人同西方人分別咁大; 食物除左味道以外，中國人仲有食療。我地食嘅補品，湯水，係多年嘅民間智慧，大部份亦有科學根據。另外，次次都要重申香港人唔食蝙蝠同狗肉的🤦🏻‍♀️😅 如果冇人帶住班旅客，佢地只會O咀影相，番去同朋友講”HONG KONG MARKET IS SO DIRTY AND SCARY” 😱😱😅😅 簡單而言，我嘅工作係旅客同香港之間的語言及文化橋樑。好多旅客黎香港只係短短3-4日。好多甚至唔係黎玩，係黎做野or開會。難得weekend唔洗番工，用3個半鐘精華遊香港超地道美食+深入了解一般市民/草根階層的生活。唔係去山頂迪迪尼360。而係真切地去了解一個城市嘅面貌👍🏻👍🏻 請問有幾多人去到全世界都搵到一位本地朋友，有時間，有語言能力，對社區文化，美食，歷史都有認知同研究，同你玩半日社區美食深度遊呢？美食團導遊呢份工，係我做野十年來最享受最快樂的經歷。每日我嘅工作就係識世界各地的新朋友，分享我對香港嘅認識同愛。要自誇一下，咁多年來我係一個零劣評的導遊。5星評價已經係Must😌😌😂😂 好多時D客喺旅遊評價網站打篇Essay出黎，分享參加完個團嘅感受：喺3個半鐘內了解左香港「作為一般旅客無法認識的一面」❤️❤️❤️ 食物好食之餘，又了解左餐廳背後故事，食物歷史。最重要係，佢地認識多左一位香港好朋友 😊 YES! THAT’S ME! 😍😍同好多客都做左fd 仲keep住聯絡❤️❤️ 上年社運，旅客量一定有減少。但當時我好珍惜每一個帶團的機會，去勾結外國勢力😎 當時每一團都會解釋一次送中係咩一回事。點解政府會迫左200萬零一位市民出來，再晚晚催淚18區，打學生，勾結鄉黑謀殺市民。只要時間許可，我會帶旅客睇連儂場。當時我作為一個剛生完小朋友的老母，我淆底，前線唔敢上，課金又唔夠力。向外國人解釋令佢地關注香港嘅情況，連盡綿力都唔可以講得上，只係作為一個愛香港嘅小市民責任。呢d內容都唔係美食團既定行程內，只係我呢位導遊自然而然會分享會關注的事。按: 旅發局網頁不嬲都係比旅客睇。因為武肺大家先開始本地遊🙈 對於純想食深水埗美食嘅香港朋友，呢個團緊係唔洗報啦。只想講：我地係一班致力想改變香港旅遊業嘅導遊，令旅遊業離開鴨仔團/鳩嗚團模式。希望大家笑完$770蚊可以食幾多碟腸粉後，支持一下我地一班愛香港，愛推動旅遊業的新型導遊。武肺已經令我地工作停到近乎零。但我依然好慶幸喺早幾年，為香港旅遊業轉型上作出過貢獻😃 **如果想share呢個post,請記得share時喺右上角小三角形click “share original post” 或者正接copy呢條link落你個post : facebook.com/106671744316138/posts/196115678705077/?d=n 如果唔係就見唔到我篇千字文啦🙈🙈//