好耐冇寫過酒店評價了，今次要為大家介紹一間遠離煩囂地帶嘅酒店！ 酒店：Ovolo 奧華酒店－南岸 呢間酒店係位置黃竹坑，講真，如果講地理上確實唔太方便，因為係喺南區，除非你本身住南區啦。不過有樣嘢好，就係附近都好安靜，私隱度極高，好啱去靜下，放鬆下。呢個酒店嘅品牌係澳洲公司，裡面嘅Staff都好多係外國人，所以感覺都有種去咗旅行嘅Feel。講下房間先，設計上行工業風，不過房間真係偏細，不過呢間酒店嘅賣點係有免費Mini Bar，免費Mini Bar唔係咖啡茶包咁簡單，而係雪櫃仲包你勁多支嘢飲，甚至有啤酒。除咗Mini Bar仲送一個零食袋，喺香港真係好少見有啲咁酒店配套！ 因為我係透過官網訂，用官網訂仲包埋免費早餐同HAPPY HOUR，你冇聽錯，係有免費既HAPPY HOUR，我去個日係16:00-18:00去佢地嘅餐廳可以任何Wine，Soft Drink，仲有小食，係任飲任食，真心咩料。😂😂 而第二日嘅早餐亦都完全唔HEA，有幾款選擇，例如Avocado on toast，English Breakfast，等等，仲可以每人叫兩個，果汁牛奶自己斟任飲。另外，用官網訂仲享有24小時入住Package，即係你幾點Check in就幾點Check out！食完早餐，直頭可以返上去再瞓過！ 價錢方便: 我當時訂係HKD605 連稅 評分：3.5/5 大家時間多，絕對可以試試！ #Staycation #OVOLO #Ovolo奧華酒店南岸 #爆房 #酒店 #酒店評價 #酒店優惠 #酒店介紹 #Hotel #Localtravel #本地遊 #住酒店 #拍拖