同朋友係尖沙咀行街，行到肚仔餓，睇Openrice 睇到呢間日本餐廳，所以就上嚟。餐廳係一般居酒屋格局，地方唔太大，環境舒適唔錯 餐廳有新餐牌，睇完餐牌就嗌咗份小食【炸芝士魚餅 $48】兩邊炸到金黃色嘅爽口魚餅，中間夾住塊溶緊嘅芝士，咬落去唧哂啲芝士出嚟 再嗌咗兩份午餐定食【五點刺身定食 $238】刺身拼盤有三文魚×2、天使蝦×2、松葉蟹腳×2、帶子×2 及三文魚籽，每件食落都好鮮味，三文魚籽仲好大粒；定食配埋有泡菜、什菌麵豉湯、飯 及 南瓜沙律，南瓜磨成溶，再加入調味及花生碎，口感綿密，味道可口，估唔到咁好食 (連朋友個碟都食埋) 另一份定食係【鹽燒牛小排定食 $128】牛小排兩邊煎到好香，肉質好嫩，一啲都唔韌，沾啲鹽，夾埋片炸蒜一齊食，真係好食到一流；定食配埋有泡菜、南瓜沙律、什菌麵豉湯及飯 嗌咗份小食【黑松露牛油炒什菌 $88】黑松露真係好香濃，牛油炒什菌又香又爽口；嗌咗個暖胃嘅【關東煮 $118】有香濃牛味牛助骨、日本蛋、鮮甜蘿蔔、鵪鶉蛋、煙煙韌韌嘅年糕福袋，每款都夠入味，湯底仲好甜 新餐牌有個【炸串拼盤 $298】拼盤有天使蝦炸得好香脆，連啲蝦腳都脆卜卜、子持昆布、日本豬頸肉(芥末味)、爽脆蘆筍、安格斯牛西冷，咬落肉質嫩滑、帶子三文魚籽，食落爽口彈牙、冬菇 及 火腿芝士，香濃嘅芝士味 飲品就嗌咗杯【果味汽酒 - $46】乳酸味酸酸甜品夠開胃，酒味又唔會太重；另一杯係【薑汽水 $28】 Mo Mo Kushiage 尖沙咀厚福街12-12A號藍馬商業大廈21樓 #MoMoKushiage #momo串揚專門店 #串揚專門店 #日本料理 #japanesefood #sashimi #尖沙咀居酒屋 #尖沙咀 #厚福街 #尖沙咀美食 #居酒屋 #香港串揚 #串揚 #日式午餐 #香港美食 #尖沙咀好去處 #hkfood #foodblogger #foodie #foodies #hkfoodies #hkfoodieblogger #happyhappy #bloggers #hkbloggers #influenspace #bloggerlife #yummyfood