鼠年運程

Feeds

雲文子解說︰12生肖運勢好轉篇 肖龍 屬龍朋友的運勢會會愈嚟愈好、愈嚟愈順,可以說是脫離谷底,而且鼠年生命力非常之強。但就要注意千祈唔好心急去挽回你嘅強勢,發展各種大計,因為人緣雖旺,但欠缺貴人力,要親力親為同做好準備,先至好實行所有計劃。 在鼠年的桃花運會轉旺,充滿個人魅力,真誠就係你嘅必殺技,真情流露絕對可以俘虜你嘅意中人。 增運貼士︰大家可以穿著多些黑色或啡黃色的衫,配戴花形的飾物或圖案,可以增旺運勢。 #十二生肖 #龍 #鼠年 #鼠年運程 #新年習俗 #雲文子 #新年傳統

雲文子解說︰12生肖運勢好轉篇 屬虎朋友運勢好轉,但仍然會有好多暗湧,有機會遇到一些變數,令到計劃有阻滯;應該一改以往被動處事的態度,亦應更加積極咁去解決問題,凡事就會轉順。在鼠年要小心一些年過四十歲的女小人,以免會招來一些口舌是非,應該把握學習之年去增值自己。在鼠年的桃花運比較反覆,霧水姻緣居多,經常處於心理戰的狀態,會非常攰,所以鼠年要學懂「認真便輸了」。 增運貼士︰大家可以著綠色或啡黃色的衫,配戴一些格仔圖案或網形的飾物去增旺運勢。 #十二生肖 #虎 #鼠年 #鼠年運程 #新年習俗 #雲文子 #新年傳統

雲文子解說︰12生肖運勢好轉篇 肖豬 屬豬朋友運勢回穩,精神狀態回復水平,但運氣都係差少少。凡事要幾經轉折先至可以達成。事業亦都到達咗樽頸位,幸好尚算無風無浪。在鼠年處處桃花朵朵開,桃花運慢慢轉強,會遇到唔同類型的異性,千祈唔好單憑直覺去判斷對方係咪適合自己,應該學懂同唔同性格的人相處,就會得到幸福了。 增運貼士︰大家可以著黑色或白色的衫,配戴一些心形飾物或者圖案去增旺運勢。 #十二生肖 #豬 #鼠年 #鼠年運程 #新年習俗 #雲文子 #新年傳統

雲文子解說︰12生肖運勢好轉篇 肖猴 屬猴朋友時來運到,得天時地利人和,應該好好把握時機去發掘你新嘅潛能;同時智慧亦都會提升,要快些定下人生目標。 至於鼠年亦會得到高層次的貴人有力幫助,工作會非常之順利 。不過要注意唔好態度囂張,否則會影響你的人緣同運勢。肖猴人士在鼠年的正桃花大旺,好容易遇到意中人, 發展成為同居關係, 甚至乎視對方為結婚對象。 增運貼士︰大家可以著多些紅色或啡黃色的衫,或者配戴一些方形飾物去增運勢。 #十二生肖 #猴 #鼠年 #鼠年運程 #新年習俗 #雲文子 #新年傳統

雲文子解說︰12生肖運勢好轉篇 肖蛇 屬蛇朋友在鼠年鴻運當頭,一股強勁的氣場會助你再創高峰;會得到貴人助你實踐夢想,應該嘗試多元化的發展,事業就會有更加好的成績。屬蛇嘅朋友喺鼠年係12個生肖中桃花運最旺嘅生肖,一見鍾情不再是幻想,緣份到時擋都擋唔住。但要小心一些曖昧關係可能會惹來是是非非,影響你的正桃花氣場。 增運貼士︰大家可以著多些黑色或白色衫,或者配戴三角形飾物去增旺運勢。 #十二生肖 #蛇 #鼠年 #鼠年運程 #新年習俗 #雲文子 #新年傳統

雲文子解說︰12生肖運勢好轉篇 肖狗 屬狗朋友運勢非常之好,會有好多發展機會,應該把握時機做一些大膽嘗試。事業上有好大的突破,而且會得到貴神庇祐,有女性貴人的相助,工作當然順利,而且會得到上司賞識,有升職加人工的機會。在鼠年的人緣運有助提升你的異性緣,但小心千祈唔好隨隨便便開始一段關係,甚至乎多角戀會惹來一些偏桃花。 增運貼士︰大家可以著多些紅色、啡黃色衫,以及配戴圓形或圓珠形飾物去增旺運勢。 #十二生肖 #狗 #鼠年 #鼠年運程 #新年習俗 #雲文子 #新年傳統

雲文子解說︰12生肖運勢平平篇 肖羊 屬羊朋友在鼠年害太歲,小人無處不在,而貴人就不知所終,好容易出小人㗎。將會成年都驚驚青青,無晒自信,做事無把握好難成事㗎。 因為運勢不足所以容易破財,如果唔熟悉嘅投資項目就唔好亂試喇。在鼠年的桃花運都唔錯,會接觸到更加多唔同嘅異性,可惜有緣無份,而且要注意因為自己嘅心態都係騎牛搵馬,容易成為感情失敗嘅原因。 增運貼士︰大家可以戴一些豬形飾物去化解害太歲,另外著多些綠色或紅色的衫,配戴波浪形飾物或者圖案就可以增旺運勢。 #十二生肖 #羊 #鼠年 #鼠年運程 #新年習俗 #雲文子 #新年傳統

雲文子解說︰12生肖運勢平平篇 肖雞 屬雞朋友在鼠年破太歲,由於運氣不足令好事都容易被破壞。凡事有好多掣肘,但係千祈唔好質疑自己的能力,因為工作上面會得到上司的體諒。在中秋之後運勢就會有向好的調整,所以鼠年應該宜守不宜攻。在鼠年桃花運會浮浮沉沉,將會有好多假桃花,意中人對你的態度飄飄忽忽咁,好容易被視為替代品,應該了解清楚先至好開始一段新感情。 增運貼士︰大家可以戴龍形飾物去化解破太歲,另外,著多些綠色或白色的衫,配戴一些菱形飾物或者圖案去增旺運勢。 #十二生肖 #雞 #鼠年 #鼠年運程 #新年習俗 #雲文子 #新年傳統

雲文子解說︰12生肖運勢平平篇 肖牛 屬牛朋友在鼠年係是非之年,待人處事要小心,好容易被小人在背後講是非,惹來麻煩,甚至成為被攻擊的目標。但係就因為咁代表你更加有價值,應該化是非為原動力,顯示你的實力。在鼠年桃花運將會有好多阻滯,桃花未絕心先死,對愛情失去晒信心,好怕投入咗之後又會失去,感情忽冷忽熱好容易無疾而終。 增運貼士︰大家可以著多些白色或啡黃色的衫,配戴一些橢圓形飾物或圖案去增旺運勢。 #十二生肖 #牛 #鼠年 #鼠年運程 #新年習俗 #雲文子 #新年傳統

Groups

香港花生友

For 全香港嘅花生友,食花生,睇好戲。

香港花生友

Profiles

Wow

402 Followers

1 Followings

4640 feeds

Wow