說話早幾日前.無啦啦有位個樣好似彭于晏既男仔同我傾偈..我地傾左半日..佢先坦白同我講佢有老婆.. 但識左我之後.發現原來我同佢心目中既理想對象好相似.而佢同佢老婆無哂感覺..佢都話唔想再係網絡上傾落去.決定要約我出黎見面. 我個心好掙扎.到底去唔去好..我真係唔想做小三..我好怕呢段感情比人知道左.我就係拆散人地家庭既千古罪人..但係最後我都係答應左佢決定見佢一面..可能見完之後先發現原來大家唔係想像中咁好姐. 而咁岩佢老婆經常要出差..於是就約左我上佢屋企啦..佢發左個地址比我..叫我飛的過去..佢幫我比錢. 望到個地址.原來係私人屋苑..我諗個男仔都係食軟飯.但佢竟然願意幫我出錢..我知道我係佢心目中有一定既位置.. 過左十幾分鐘到佢樓下啦..佢真人同張相真係好似..我個心開始諗同佢之後既路點行..我知道係辛苦..但我願意..而佢見到我都笑得好開心..仲講左句傻妹等左你好耐啦....我塊面即刻紅哂....上到佢屋企我發現原來真係無乜佢同佢老婆既合照..我問佢點解..佢話原來佢媽媽有病.要好多錢醫..所以佢一定唔可以同呢個女人分手..一分手佢唔比錢醫佢媽媽就會死...佢講講下仲眼濕濕..我都好明白佢..我同佢講放心.我唔會同人講我地之間既事..我內心好想幫佢..但我真係無能力..當我同佢係梳化度...準備開始.............無啦啦有鎖匙聲.死啦！佢話一定係老婆返黎.點算好..我個下成個腦都空白左... 佢老婆一開門..佢就解釋話..唔好誤會！呢個係鐘點黎架..新年前要大掃除呀嗎.. 個刻我真係覺得我男人好醒..我都好識做..立刻幫佢清潔哂成間屋..而佢地2個係房..乜聲都無..我相信佢地一齊一定係無乜溝通..為錢既愛情好可憐.. 只係中途個女人走去沖涼.之後我男人又去沖涼.. 佢仲係佢老婆返左房個陣..整左個飛吻比我..真係好Sweet.. 大約5個鐘之後所有野都清潔完..我男人仲拎左$300比我叫我飛的返去同食餐好D..辛苦晒我咁話..我都好聽話飛的返屋企..雖然我個心見到佢同第2個女人一齊係好酸..但我知道佢為左佢媽媽..無計..佢真係好乖仔...同埋佢用佢老婆既錢黎比我..我知道佢對我真係好好.. 返到屋企之後我諗緊搵唔搵佢好 我發現佢已經block左我..到底係咪佢老婆發現左呢？我相信等多一段時間..我地一定會好甜蜜咁公開呢段關係.. 聽日一定會更加開心架姐.係咪呀？ #轉載 #值90分 #點解仲要請鐘點