#連桷璋 #大埔 #廣福 #寶湖 #獨立候選人

開始了，政治素人請人了！ // 話咁快，選完都個幾星期。重申一次，office申請緊，我自己估呢件事就未有咁快搞掂，事關仲要等上手俾返個場出嚟。 趁住呢個空窗期，我想開始請人，如果大家有興趣一齊合作，可唔可以send個email嚟講聲話有興趣見工，有CV就睇CV，有portfolio就睇portfolio，到時見個面，你又可以問吓我問題，睇吓我啱唔啱你心水。 ────────────── 我諗住咁： - 全職一個 - 半職一個 工作範圍： - office日常運作 - 處理區議會事務同社區聯絡 - 策劃社區項目 - 跟進居民個案 - 傳媒聯絡 我email： linkokcheung@gmail.com 詳情見面傾啦。 ────────────── *申請人所提供的資料將予保密及只作招聘有關職位用途。 #連桷璋 #大埔 #廣福 #寶湖

今日終於約到彩福代表過嚟寶湖開門，我哋一班寶湖街坊連同連桷璋區議員、食環一齊入去彩福廚房…… 未入去已聞到臭，一開門再行前一步，已臭氣薰天，聲稱話處理好兼無食物嘅地方，竟發現多個雪櫃、冰櫃入面，全部都係腐爛嘅肉類、海鮮等食材，因為已停哂所有電，一開雪櫃門，惡臭攻出。…… 因數目太多，今日食環無法清理，要等下星期一繼續，辛苦食環六位sir同madam🙇🙇 寶湖嘅管委會成員（金×地產），行過唔問又唔理，究竟做咩商場代表？😠😠 #寶湖花園 #彩福 #連桷璋

頭先中午時分，兩位議員 #連桷璋 同 #文念志 喺馮梁傑中學門口派口罩俾考完DSE出嚟的學生吖 #大埔 #DSE

#尋人 尋好人 成日話好人一世平安，唔知呢位先生，今日安好嗎？ 時間返到四十幾年前，有一個媽媽一拖五個細路去到羅湖火車站，人生路不熟、人民幣未唱到，幾個細路又係咁嗌肚餓。呢個時候，一個好心人出現，塞咗40蚊人民幣俾呢位媽媽（仲係100蚊港紙先唱40蚊人民幣嘅年代），叫佢快d買嘢俾細路食，唔肯收返錢，放低張卡片就走左。 一件好人好事，呢位住廣福既媽媽一直記喺心入面，佢今年已經80幾歲，希望有機會親口同呢個先生講聲多謝。當年張卡片都一直keep好喺銀包，可惜7個字既電話已經打唔通，廠亦都已經搬走埋。 如果有人識得呢位黃日光先生，可唔可以揾揾我哋，我哋可以同返婆婆講。 最後，想講多兩句。大家應該有疑問，其實區議員係做咩，咩議會工作、社區問題跟進、做case⋯ 即係點？ 對我嘅身份嚟講，自不然每個要求都係case。好老實，10個case可能有一半都係呢個制度解決唔到，當中每個人嘅故事亦都係我以往想像唔到。「可憐之人必有可恨之處，可恨之人必有可悲之苦」，呢句嘢怪呀可，魯迅話如果你諗返孔乙己，可能會明明哋呢句嘢講咩。 好多時街坊想拎蛇齋餅糭、唔識/唔想填表、爭人錢x2046等等嘅情況只係喺佢人生累積嘅結果，而呢個結果，成長嘅背景、價值觀、呢個制度都有份造成。而社會睇呢啲情況係case定係人，就係我哋嘅意識問題。要「光復香港」，仲有好多嘢要做。 #連桷璋