約咗朋友去尖沙咀地下居酒屋食飯，入到去環境坐得舒服又可以傾計嘅好地方；坐係圍住吧枱個邊，可以睇到師傅細心製作美食。用Qrcode落單，淨係睇餐牌都睇咗一陣，款式選擇多 呢到食壽司，就好似食Omakase 咁，你會睇住師傅逐件逐件整好，啲刺身新鮮美味。嗌咗【活赤貝刺身 1隻 $48】鮮甜美味；【鮪五色壽司 $198】一次過食哂唔同口味嘅吞拿魚，夠哂新鮮肥美，壽司飯鬆軟；【鵝肝壽司 $53】厚厚鵝肝；【蟹膏味噌壽司 $16】食落蟹膏帶有鹹香；【中吞拿魚腩壽司 $58】魚油味超豐富，入口即溶；【油甘魚腩壽司 $26】油甘魚油分重，肉質嫩滑；【柚子真鯛壽司 $18】厚切新鮮，帶有少少柚子香味；【灸燒帆立貝海膽壽司 $35】帆立貝燒得剛剛好，配埋鮮甜海膽；【加洲卷 $68】 睇住師傅煎緊蛋卷，嗌咗【玉子燒 (原味) $38】及【玉子燒 (明太子) $48】熱辣辣放入口，聞落香噴噴，每件都好厚身，蛋香嫩滑；明太子玉子燒帶有咸香惹味 再嗌咗【明太子雞翼 $38】雞翼外脆肉軟，入面仲包住明太子餡料，食落口感豐富 (如果送酒食一定仲正)；自家制嘅【免治雞肉棒 $58】呢個都好正，雞肉撈埋啲雞軟骨一齊，咬落有口感；一串4粒【燒甘薯 (迷你) $28】內裡軟綿綿 呢個值得推介【焦糖菠蘿 $28】焦糖燒到脆卜卜，菠蘿香甜好味，食落Juicy，一片菠蘿切開4舊；【燒梅醬雞胸肉 $38】肉嫩多汁，肉質好味；【鹽燒雞腎 $28】口感爽口，幾好食 兩個人平均每人食咗四百幾蚊，高質刺身壽司好味，環境舒服，下次可以再約朋友嚟過 蔵鳶居酒屋 尖沙咀加拿芬道44-46號地下7-8號舖 @kuratobihk #蔵鳶居酒屋 #kuratobihk #居酒屋 #尖沙咀 #Omakase #壽司 #玉子燒 #foodblogger #foodie #foodies #hkfoodies #hkfoodieblogger #happyhappy #bloggers #hkbloggers #influenspace #bloggerlife #yummyfood #是日晚餐