#香香食好西 喺朗豪坊既玻璃天幕下感受住日光、享受下午茶時光別有一番風味🙆🏻‍♀️ Texas Burger主打美國墨西哥菜式，比一般同類型美式漢堡調味上多左份香辣，更香口。 ⚜️ 🥗墨西哥雜錦沙律 $88 以羅馬生菜、牛油果、蕃茄、三色椒、杏仁片伴成，配以加入蜜糖既自調醬汁，辟去草腥味，清甜醒胃，相信唔願食菜既小朋友都會中意👻 🧀炸忌廉芝士球 配 香草蕃茄醬 $58 每顆都炸得圓潤金黃，表面灑上Parmesen，令芝味更豐富。 外層炸得香脆，咬落又似麻糬軟糯煙韌，包裹住香甜軟滑既cream cheese，更似一道甜點； 蘸上蕃茄醬又另一種食法，帶茄蓉既蕃茄醬酸甜適中，平衡返忌廉芝士既甜味，反而食到陣鹹香。 🥘墨西哥芝士燉牛肉 配 特色飯 $118 飯粒顆粒分明、有咬口，加入墨西哥香料拌炒，辣辣地幾過癮； 酸辣惹味既牛肉醬，好多牛肉粒，芝士醬無多餘鹹味，主要作用係令質感更稠密濃滑，送飯一流！ 🍔磚塊芝士漢堡 $88 麵包層似烘香既多士，幾crispy，唔中意食toast既可能會覺得有啲𠝹口。 裡面夾住新鮮濕潤既玻璃生菜、燒牛肉片、芝士片同漢堡扒，漢堡厚身，加左洋蔥同蘑菇打成口感更豐富，如果再juicy啲會更出色🙊 #朗豪坊 #TexasBurger #美國墨西哥風味