情迷電影節 活地亞倫講嘅係：「過去係最美好嘅，紐約亦係我所鍾情的。」 導演從鏡頭裏呈現的是對經典的致敬，也看得出他對懷舊嘅執着，再者亦都從對白裏看出他對紐約嘅鍾情。 鏡頭裏看到不同電影大師嘅經典場面，主角Rifkin身穿嘅美軍field jacket ，導演慣用嘅黃色燈光，電影處處都顯出一種活地亞倫式嘅Vintage。 雖然近年活地亞倫飽受負面新聞纏繞，佢所鍾情嘅紐約亦都好像離他越來越遠，但係佢嘅劇本裏卻沒有離棄過這座城市；感覺就似筆者面對今日的世界。 「過去係最美好嘅，香港亦係我所鍾情的。」 人生意義係乜？ 《The Myth of Sisyphus》裏卡繆提及Sisyphus被懲罰將巨石推上山，然後巨石從山上滾下，他要從山下再將巨石推上山，永無休止，作者想從此表現出人生嘅碌碌無為，而活地亞倫亦借此說出主角Rifkin寫不出一本曠世傑作，令他感到被嘲諷的無奈，以至之後主角提及佢年輕時睇完依本卡繆嘅著作後所發的一場惡夢，整個橋段令人會心一笑。 而面對伴侶嘅背叛，你會選擇揮一揮衣袖不帶走一片雲采，還是忍一忍退一步海闊天空？ 筆者會問要有幾多創傷或要經歷幾多才可以像電影裏嘅角色，面對背叛的那一種平靜；會唔會背叛就係關係裏組成嘅要素？定係一段婚姻關係對現代人來說是自找煩惱？ 總括來說，整部電影充滿活地亞倫式嘅存在主義，嬉笑怒罵，喋喋不休，熟悉他過去作品嘅影迷，很容易就會墮入其中；雖然中心思維及故事沒有什麼突破，但西班牙美媚嘅風光，意想不到嘅黑白鏡頭，以及種種活地亞倫嘅拍攝手法，總會令你有種回歸嘅溫暖。 #影評 #電影 #movie #電影推薦 #電影語錄 #活地亞倫 #情迷電影節