【東京食平啲．EP02 POTA PASTA】 基於家住橫濱嘅關係，每次出去番工收工都一定會去澀谷轉車，所以時不時就係喺呢帶搵嘢食。 今日就去咗位於離澀谷站5分鐘路程，一間樓上小鋪「POTA PASTA」食意粉🍝 喺日本食大眾意粉，唔少人會選擇去家庭餐廳，不過呢類地方通常都係同班朋友仔、屋企人去，自己一個冇話唔得，不過單人位就少啲～ 呢度正正可以體驗如何一枝公食意粉而不失霸氣，因為店內幾乎全部都係社畜毒L專用一人位👤 店內仲有意粉食劵機，唔洗怕唔識日文用店員點餐要「これこれこれ（Kore，呢個）」。 當然POTA PASTA最大賣點唔係坐位或者食劵機，而係價錢破天荒地平，最平490円就有交易！ 意粉方面，可以揀粗、扁麵，份量有S、M、LL（兩個S）、3L（2個M）之分，食量大少少嘅話，建議都係揀LL好啲。 今次叫咗個「ナポリタン（日式拿坡里意粉 ）」，慳錢又想飽肚嘅我揀咗M Size，份量適中，盛惠590円🤤 起初見佢咁平，幾驚意粉會韌到嚼唔爛，不過食落又唔錯，味道同一般家庭餐廳相差無幾，而且賣相都唔差！ 不過咁平點都有啲缺點嘅，日本拿坡里通常有煙肉、青椒等配菜，但佢配菜就真係少，麵同配菜比例係9：1😟 不過以晚市590円就食到呢個份量呢個質素嚟講，冇得再挑剔啦！ #東京 #澀谷 #渋谷 #平民美食 #B級グルメ #PotaPasta #ポタパスタ #拿坡里意粉 #ナポリタン
:background_color(white)/https://avatar-storage.neard.com/08bd0c3fec65ec1a844551bda05555eb.20200701020314.1593568994.8902.png)
:background_color(white)/https://avatar-storage.neard.com/98d83a081158d563862143cafd6c35a8.jpg)
:background_color(white)/https://avatar-storage.neard.com/f612c3bf4e84bde393c73be9675fa21d.20201217125752.1608209872.1829.jpeg)